1 Is die TV\/musiek af? Goeie slaap behels vyf opeenvolgende fases. Jy voel lekker uitgerus mits jy deur \u2019n vol, ononderbroke siklus gaan. Skielike geluide soos op TV ruk jou brein terug na die eerste fases sodat jy nooit \u2019n hele siklus deurslaap nie.<\/p>\n
2 Het jy vandag oefening gekry? N\u00e1 oefening koel jy af. D\u00ede daling in temperatuur maak baie mense vaak. Stap, spring tou of draf vroegaand totdat jy behoorlik sweet.<\/p>\n
3 Het jy die regte liefie-tyd? Vir die meeste mans is seks die kortpad na droomland, maar dit hou talle vroue juis helder wakker. Rantsoeneer dit tot jy beter slaap. Of wat van soggens, wanneer jy wakker w\u00edl wees?<\/p>\n
4 Is jy vaak? As jy helder wakker is, wil jou liggaam ni\u00e9 slaap nie. As jy deur die dag \u2019n uiltjie geknip het of baie passief was, kan jy verwag om daardie nag minder te slaap. Gee jouself 15 minute om aan die slaap te raak. As jy nog wakker is, staan op. Hou die lig gedemp en doen iets rustig soos om te lees tot jy werklik vaak is.<\/p>\n
5 Raak jou kop rustig? Oorkom malende gedagtes en terugflitse oor die dag se ge-beure deur doelbewus op iets anders te fokus. Haal dertig keer stadig in en uit asem, of span jou spiere styf en ontspan tien keer. Nog \u2019n wenk: Hou \u2019n kommerklippie of iets kleins langs jou bed. Sodra die gedagtes opkom, vat jou klippie en fokus daarop. Rol dit in jou handpalm, en voel en ervaar dit. En maak werk van die eintlike bron van jou stres \u2026 by daglig, nie snags nie.<\/p>\n
6 Raak jy rustig? Klim jy met \u2019n gejaag in die bed? Beweeg teen slaaptyd rustiger. Bad of stort langsaam, droog jou tydsaam af, masseer room aan jou gesig en lyf met rustige, ferm bewegings, rek jou lui uit wanneer jy in die bed klim.<\/p>\n
7 Is die lig gedemp? Gebruik jy saans \u2019n dagliggloeilamp, want dis goed vir jou o\u00eb? Goeie plan, maar jou liggaam het \u2019n sirkadiese (dag)klok, met die son as sy sneller. Daardie gloeilamp verwar hom. Skakel \u2019n uur of twee voor slaaptyd oor na gedempter lig. Of steek die kerse aan.<\/p>\n
8 Is jou hormone uitgepluis? Die menopouse krap vroue se slaappatrone om. So ook PMS, mangels en sinusinfeksie. Gaan spreek \u2019n dokter.<\/p>\n
9 Het jy \u2019n slaaptydroetine? \u201cLeer\u201d jou brein dis sy slaaptyd met \u2019n vaste slaap-tydroetine soos om jou klere vir m\u00f4re reg te sit, te bad en te lees voor jy in jou slaap-posisie draai.<\/p>\n
10 Drink jy saans kafe\u00efen? Met die kwik rondom nul is \u2019n mens lus vir iets warms voor slaaptyd. Los vir eers koffie, sjokolade (warmsjokolade ook!) en suiker. Wyn, kola-koeldranke en sigarette is ook opkikkers. Maak liewer kafe\u00efenvrye rooibos- of heuningbostee en drink dit om die helfte met melk. Die kalsium in melk is kalmerend.<\/p>\n
11 Is jou kamer knus? Te koud? Te warm? En jou slaapklere? Kies slaapgoed wat by die nagtemperatuur pas. Hou \u2019n ligte kombers byderhand om oor te gooi of af te haal sodat jy die heel nag gemaklik warm bly.<\/p>\n
12L\u00ea jy lekker? Jou kussingvulsel behoort \u201clos\u201d te wees sodat jy dit kan rangskik om die gaping tussen jou nek en die matras te vul. Moenie jou heupe vorentoe laat val nie \u2013 dit skep stremming in jou rug. \u2019n Kussing tussen jou knie\u00eb hou jou heupe in posisie. As jy op jou rug slaap, hou \u2019n kussing onder jou knie\u00eb jou ruggraat gemaklik reguit.<\/p>\n
13 Het jy \u2019n stil slaapmaat\/s? Jy kan nie jou man \u2013 of troeteldiere \u2013 se gesnork maar net uithou omdat \u201cjou plek langs jou man is\u201d nie. Jy gaan uiteindelik sukkel met moegheid, swak konsentrasie, depressie en selfs hartprobleme. Clicks<\/em> verkoop verskillende soorte oorpluisies maar as dit nie help nie, is al oplossing verskillende kamers. Dalk ly jou man aan slaapapnee \u2013 waarvoor hy behandel m\u00f3\u00e9t word.<\/p>\n <\/p>\n Kyk hier na die video:<\/p>\n