Onlangs stuur \u2019n vriendin vir my \u2019n prentjie via selfoon. \u2019n Ma omring deur haar kroos hou haar hand oor haar mond en bo-aan die prentjie staan: \u201cWhen I open my mouth, my mom comes out!\u201d<\/p>\n
Ek het kopknikkend gegiggel, want dit is presies wat deesdae met m\u00fd gebeur.<\/p>\n
En, elke iedere keer besef ek ek het sopas daardie woorde wat my as snipperige sesjarige (en veel erger as sestienjarige) s\u00f3 grensloos irriteer het, vir my kinders ges\u00ea \u2013 en ek het elke liewe woord bed\u00f3\u00e9l.<\/p>\n
\u201cMoenie in die huis hardloop nie \u2013 julle g\u00e1\u00e1n val en julle g\u00e1\u00e1n seerkry!\u201d<\/p>\n
My woorde is skaars koud, of Kleinsus kom met \u2019n onderstebo-glimlag bekkie en traan wat biggel oor haar wang, aangestrompel n\u00e1 sy haar kleintoontjie teen die deurkosyn nerfaf gestamp het.<\/p>\n
Ek troos, maar \u201cSien jy nou, ek h\u00e9t mos gewaarsku!\u201d glip saam met die trooswoorde uit.<\/p>\n
Kort voor lank is die boetie en sussie weer aan die stoei op die sitkamerbank. Vrolike laggies klink op, maar dit raak al hoe joliger en ek weet wat wag.<\/p>\n
\u201cKalmeer julle twee \u2019n bietjie \u2013 van lekker lag <\/strong>kom lekker huil<\/strong>!\u201d hoor ek myself en my ma (\u00e9n haar ma) vermaan.<\/p>\n \u201cMaar, Mamma\u2026!\u201d kom dit gelyk uit twee mondjies.<\/p>\n \u201cAs ek nog \u00e9\u00e9n keer \u2018Maar, Mamma\u2026\u2019 hoor, gaan ek skree,\u201d dreig ek – en wonder of die twee stoutsterte ook soos ek dertig jaar gelede, oorweeg om my dreigement te toets net om te hoor presies w\u00e1t ek gaan skree.<\/p>\n (Skuus, Ma\u2026)<\/p>\n Laatmiddag vlieg die agtjarige ouboet vir die soveelste keer op van die bank waar hy l\u00ea en lees het en kom druk die Trompie-boek onder my neus.<\/p>\n \u201cMamma, wat beteken hierdie woord?\u201d<\/p>\n \u201cAik\u00f4na, jy weet waar jou woordeboek <\/strong>is, gaan soek die woord op,\u201d antwoord ek vir die soveelste keer.<\/p>\n Ek vermoed my ma is eiehandig daarvoor verantwoordelik dat ek vandag \u2019n vertaler is en steeds woordeboeke soos fiksie verslind.<\/p>\n Die sesjarige kleinsus roep vanaf haar skoolbank waar sy sit en teken: \u201cMamma, ek is dors, bring asseblief vir my iets om te drink!\u201d<\/p>\n \u201cStaan op en kom haal vir jou sap in die kombuis. Hierdie is nie \u2019n hotel nie!\u201d roep ek terug.<\/p>\n \u201cJa-nee, die room service<\/em> hier is hopeloos te swak vir \u2019n hotel\u2026\u201d sug-mompel Ouboet en ek onderdruk \u2019n glimlag.<\/p>\n \u201cWeet Mamma, Dirkie s\u00ea hulle kan maar enigetyd in die week ook Fanta drink. Hoekom mag ons dan net sap en melk en water kry?\u201d trek die sesjarige haar neus in die kombuis op vir die glasie sap.<\/p>\n \u201cWant Dirkie se mamma gee seker nie om dat gaskoeldrank ongesond is nie,\u201d antwoord ek (en hoop oombliklik sy herhaal dit nie en Dirkie se ma koester nie voortaan \u2019n wrok teenoor my nie).<\/p>\n \u201cMaar, Mamma, Elmarie en Yvonne en Pieter s\u00ea hulle mag ook soveel gaskoeldrank drink as wat hulle wil!\u201d probeer sy weer.<\/p>\n \u201cJa, en as hulle almal by \u2019n krans afspring, sal jy ook?\u201d probeer ek haar uitboul met my moederlike logika<\/strong> \u2013 weliswaar oorge\u00ebrf.<\/p>\n \u201cN\u00e9\u00e9, want dis sommer laf. Hoekom sal mens by \u2019n krans wil afspring as jy weet jy jou bene gaan breek?\u201d snip sy alwetend terwyl sy haar neus teatraal op \u2019n plooi trek en haar o\u00eb rol.<\/p>\n \u201cAs die kerkklok nou slaan, gaan jou gesig netso bly staan, weet jy!\u201d snip die sewe en dertigjarige snip terug.<\/p>\n En daarna s\u00ea ek die agtjarige ook sommer aan om gou te gaan bad voor aandete.<\/p>\n \u201cAg nee, Mamma, hoekom moet ek dan nou vanaand so vroeg gaan bad? Dis nog ver van aandete af?\u201d vra hy in \u2019n temerige stemmetjie.<\/p>\n \u201cHoekom? Want ek s\u00ea so, dis hoekom<\/strong>!\u201d hoor ek my ma by my mond uitglip.<\/p>\n En ek kry heimlik groot lag vir myself terwyl ek \u2019n strakstreng gesig opsit.<\/p>\n Want, ek besef my ma was honderd persent in die kol toe sy dekades gelede al ges\u00ea het: \u201cWag maar n\u00e9t tot j\u00fd eendag kinders het\u2026!\u201d<\/p>\n","protected":false},"excerpt":{"rendered":" Onlangs stuur \u2019n vriendin vir my \u2019n prentjie via selfoon. \u2019n Ma omring deur haar kroos hou haar hand oor haar mond en bo-aan die prentjie staan: \u201cWhen I open my mouth, my mom comes out!\u201d Ek het kopknikkend gegiggel, […]<\/p>\n","protected":false},"author":4,"featured_media":14255,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[682],"tags":[1464,1704,2299,826,1176],"class_list":["post-7656","post","type-post","status-publish","format-standard","has-post-thumbnail","hentry","category-blogs","tag-rooi-rose-blogs","tag-woorde","tag-ina-genade","tag-blog","tag-moeders"],"acf":[],"yoast_head":"\n