{"id":7646,"date":"2015-10-16T13:00:00","date_gmt":"2015-10-16T11:00:00","guid":{"rendered":"http:\/\/rooirose.dvlp.site\/lag-lag-doen-suzelle-dit-self\/"},"modified":"2016-05-10T15:46:34","modified_gmt":"2016-05-10T13:46:34","slug":"lag-lag-doen-suzelle-dit-self","status":"publish","type":"post","link":"https:\/\/novanews.co.za\/rooirose\/lag-lag-doen-suzelle-dit-self\/","title":{"rendered":"Lag-lag doen Suzelle dit self"},"content":{"rendered":"

Dis moeilik om te s\u00ea hoekom die Suzelle DIY<\/a><\/strong><\/span>-video\u2019s Suid-Afrika se internetgebruikers so oorrompel het. Dalk l\u00ea die geheim in die kombinasie van bruikbare wenke en onverwagse, aweregse humor. Want toe die sonsambreel aan die brand slaan, in Suzelle se eerste video oor die maak van \u2019n \u201cbraai-pie\u201d op die kole, het die 31-jarige aktrise van Kaapstad se nuwe loopbaan ook as \u2019t ware vlam gevat.<\/p>\n

Julia Anastasopoulos, Suzelle se skepper, verskil baie van haar karakter. Julia is ongekunsteld, rustig, tipies kunstenaar. Suzelle, daarenteen, is gestileer en van haar styf gespuite byekorfhare tot haar tone die prentjie van voorstedelike, prim en proper deugsaamheid. Dalk lyk Suzelle vir ons \u2019n bietjie soos ons ma\u2019s en oumas op familiefoto\u2019s uit die jare sestig.<\/p>\n

Anders as Suzelle praat Julia nie eintlik Afrikaans nie. \u201cEk verstaan Afrikaans, maar ek kom uit \u2019n Griekse familie van Johannesburg en was in \u2019n Engelse skool. Soms moet ek Google se vertaalfunksie gebruik om presies te verstaan wat staan in die baie Afrikaanse e-posse wat Suzelle kry. Dis vir my \u2019n groot kompliment dat mense dink Suzelle bestaan regtig, en dat ek Afrikaans is. Dit wys ek het iets met Suzelle reggekry.\u201d<\/p>\n

Die voorstedelike, Afrikaanse selfdoen-ghoeroe het ontstaan n\u00e1 baie rondspeel met idees, vertel Julia. \u201cEk en my k\u00earel, Ari Kruger, \u2019n regisseur, wou ons talente met \u2019n lekker projek kombineer. Ek as aktrise, hy as regisseur. Ons is nogal \u2019n goeie span – albei mal oor komedie en ons sien altyd die snaakse in \u2019n situasie raak.\u201d<\/p>\n

Hulle het \u2019n klomp karakters vir \u2019n moontlike rolprentdraaiboek begin skep en Suzelle, die snaakse, reguit Afrikaanse meisie, het telkens maar weer in hul gedagtes kom aanmeld. \u201cToe begin ons dink aan scenario\u2019s waarin ons haar kan gebruik, en omdat doen-dit-self programme deesdae internasionaal so in die mode is, het ons gedink dis ideaal. Suzelle is dus ook bedoel as kommentaar op hierdie hele neiging van aanlynaanwysings om alles en nog wat self te kan doen.\u201d<\/p>\n

As jy gedink het Suzelle het oornag gebeur en is sommer op \u2019n slimfoon verfilm, dink maar weer. \u201cOns het omtrent \u2019n jaar lank ge\u00ebksperimenteer en die karakter verder ontwikkel voor daardie eerste opname die w\u00eareld ingestuur is. Die produksie verg nogal baie \u2013 dit neem minstens \u2019n week net om iets van die ideestadium te ontwikkel tot op die punt waar ons dit kan verfilm. Die draaiboek moet klaarkom, ons moet besluit hoe die stel gaan lyk, die props (rekwisiete) daarvoor kry, die regte klere vir Suzelle kry … Daarna word elke video geredigeer tot ons tevrede is dat die produk goed genoeg is. Dis soos om \u2019n mini-fliek te maak.\u201d<\/p>\n

Hulle wyk wel soms van die draaiboek af. \u201cTerwyl ons skiet, improviseer ons natuurlik ook soms. Suzelle is lighartig, pret, maar ook \u2019n bietjie lomp en op \u2019n manier \u2019n bietjie hartseer. Sy is \u2019n bietjie van \u2019n beheervraat en ek dink mans is nogal bang vir haar.\u201d<\/p>\n

Wat as pret begin het, het nou verander in \u2019n handelsmerk.<\/p>\n

\u201cDit was \u2019n organiese groeiproses tot waar Suzelle vandag is, en die publiek se positiewe terugvoer verras ons elke dag.\u201d<\/p>\n

Maar hulle rol nie skielik in die geld nie. \u201c\u2019n Mens kan eers regtig geld maak uit \u2019n video op YouTube n\u00e1 iets soos een miljoen trefslae. So, nee, ons het nog nie juis geld gemaak uit Suzelle nie. Maar borge begin nou belangstel en daar is planne vir \u2019n eenvroustuk met Suzelle as hoofkarakter.\u201d<\/p>\n

Julia het eintlik half per ongeluk aktrise geword. Sy is ook \u2019n uiters begaafde visuele kunstenaar en grafiese ontwerper en was onder meer verantwoordelik vir die muurskilderye in twee MyCiti-busstasies en The Book Lounge in Kaapstad. Sy het ook twee kinderboeke ge\u00efllustreer: Bonsai and Geronimo, wat Kaapstad in September 2012 in Helsinki by die World Design Capital 2012-uitstalling moes verteenwoordig, asook Jeff and George, wat pas by Penguin verskyn het. (Bonsai and Geronimo is ook as interaktiewe e-boek en digitale speletjie beskikbaar.)<\/p>\n

Dit was n\u00e1 skool vir haar moeilik om tussen \u2019n kuns- of dramagraad te kies. \u201cMy ma, Christine, was \u2019n kunsonderwyseres en het ons altyd aangemoedig om te skep. Ek teken al vir so lank ek kan onthou. Ons kom uit \u2019n baie kreatiewe gesin. My pa, George, is \u2019n ingenieur en het ook \u2019n sterk aanvoeling vir kuns, en ons almal stel baie belang in drama en toneelspel. Dit was \u2019n moeilike besluit, maar drama het gewen. Ek het my dramagraad aan die Universiteit van Kaapstad behaal.\u201d<\/p>\n

Die toneelw\u00eareld bly maar \u2019n moeilike bedryf en die kuns help om kos op die tafel te kry, vertel sy.<\/p>\n

Is die rustige Julia enigsins soos die besige-bytjie-Suzelle? Sy lag. \u201cJa en nee. Ek is ook mal oor doen-dit-self-projekte en baie handig. Ari spot my altyd daaroor, maar ek sit maklik my eie rakke op, of boor gate om skilderye op te hang. Ek was nog altyd so, maar het nie \u2019n idee waar dit vandaan kom nie.\u201d<\/p>\n

Wat voorkoms betref, is daar min ooreenkomste. \u201cOns hare is darem dieselfde kleur,\u201d s\u00ea Julia laggend.<\/p>\n

\u201cMaar ek trek baie informeel aan, dra amper altyd donker kleure en my hare is gewoonlik deurmekaar. Ek is beslis nie so formeel soos Suzelle nie. Om haar te speel dwing my so \u2019n bietjie buite my gemaksone. Dit het eintlik so half per ongeluk gebeur dat sy \u2019n rok dra \u2013 ek het aanvanklik sommer in my verhoog-klerekas rondgekrap en op \u2019n rok afgekom. Mettertyd het haar styl nogal ontwikkel in iets eie aan haar \u2013 deesdae koop ek selfs spesiaal vir Suzelle klere!\u201d<\/p>\n

Sy is beslis ook nie so aaklig met haar vriendinne soos wat Suzelle met Marianne is nie,\u201d skerts sy. \u201cAnders as Suzelle, laat ek darem my vriendinne toe om te praat! My beste vriendin, Gina Collins, speel die rol van Marianne.\u201d<\/p>\n

Die feit dat Suzelle \u2019n Afrikaanse karakter is, is deels gebore uit Julia se liefde vir aksente.<\/p>\n

\u201cDis iets waarmee ek as aktrise regtig goed is. En ek hou van Afrikaans, want dis so uniek. Suzelle het bly opduik, maak nie saak hoe ek en Ari rondgesoek het na iets unieks nie. Ek dink dis dalk omdat mense hulle met iemand soos Suzelle kan vereenselwig.\u201d<\/p>\n

Sy benadruk dat sy nie met Afrikaners of Afrikaans spot nie. \u201cInteendeel. Ek het die grootste respek vir Afrikaanse mense. Ek hoop dat ons met Suzelle ook iets van Afrikaans kan vier.\u201d<\/p>\n

Daar was teen druktyd al 21 Suzelle-video\u2019s op die Suzelle DIY YouTube-kanaal, en Suzelle gaan nog lank met ons wees, verseker Julia my.<\/p>\n

Toe Julia onlangs die eerste keer haar verskyning maak as die oorwerkte ma in \u2019n advertensie vir \u2019n bekende versekeringsmaatskappy, was die openbare reaksie baie interessant en uiteenlopend. Aanlyn-kommentaar het gewissel van verbasing oor haar veelsydigheid tot teleurstelling dat sy nie soos Suzelle\u00a0daarin lyk nie. Hieroor lag Julia lekker.<\/p>\n

\u201cDis wonderlik dat mense dink Suzelle is \u2019n regte mens. Maar as aktrise doen ek wat my hand vind om te doen, en ek het al \u2019n hele paar advertensies vir oorsese media gemaak. Plaaslik was ek al te sien in \u2019n Telkom-advertensie en kort n\u00e1 my studie het ek \u2019n rol in die Kunste-kaap-produksie van Shakespeare se Hamlet gehad. Hierdie advertensie is eintlik al meer as \u2019n jaar gelede geskiet en dis bloot toevallig dat dit nou eers uitgesaai word. Hopelik toon dit my talent en veelsydigheid as aktrise.\u201d<\/p>\n

Sy en Ari is nou drie jaar lank \u2019n paartjie nadat hulle eers lank net vriende was. Hoe is dit om saam met hom aan Suzelle te werk?<\/p>\n

\u201cDit kan nogal rof wees, maar terselfdertyd ook wonderlik, want ons ken en verstaan mekaar so goed.\u201d Hulle droom van nog projekte saam.<\/p>\n

\u201cOns sal graag \u2019n unieke, Suid-Afrikaanse fliek wil maak wat internasionaal sy stempel kan afdruk. Iets snaaks, aweregs, soos ons. Maar dit moet donker, skerp komedie wees \u2013 beslis nie Leon Schuster-humor nie. Dit moet ook pragtig verfilm wees.\u201d<\/p>\n

\n

\"\"<\/p>\n


\n<\/strong><\/span><\/span>Julia\u00a0agter die skerms<\/span><\/h4>\n

In haar vrye tyd<\/strong> ontspan Julia graag met \u2019n boek.
\n\u201cEk is ook mal oor fliek <\/strong>en TV-reekse<\/strong>. \u2019n Mens kan maar s\u00ea ek is \u2019n reeks-verslaafde!\u201d Sy bly fiks met joga<\/strong>, stap <\/strong>graag en hou van buitelug-aktiwiteite<\/strong>. Wat maak haar gelukkig<\/strong>? \u201cKos<\/strong>, kos <\/strong>en nog kos<\/strong>! Alle kos \u2013 ek het nie nonsens <\/strong>nie!
\nOnthou, ek is Grieks <\/strong>en ek het hierdie Mediterreense benadering<\/strong> tot kos in my bloed. Ek kook graag, en het tot onlangs toe nog saam met my suster gewoon wat net so \u2019n groot foodie is. Ari is Joods, en ons deel dus hierdie familie<\/strong>\/gemeenskap-benadering<\/strong> tot kos en saamkuier<\/strong>. Ek is mal oor my familie en vriende<\/strong>. My ouers <\/strong>woon steeds in Johannesburg en ek mis hulle. En ja, ek mis Johannesburg <\/strong>ook. Maar ek is sedert <\/strong>2001 in Kaapstad<\/strong>, en ek is lief vir die stad.\u201d
\nEn wat maak haar kwaad<\/strong>? \u201cAri s\u00ea ek word kwaad as ek honger <\/strong>is,\u201d giggel sy.<\/p>\n

Kyk na Suzelle by\u00a0www.youtube.com\/user\/SuzelleDIY<\/a><\/span><\/p>\n

 <\/p>\n

Haar nuwe video, “How to Make a Pizza out of Cauliflower”<\/span><\/span><\/h4>\n