{"id":75411,"date":"2017-07-03T16:10:11","date_gmt":"2017-07-03T14:10:11","guid":{"rendered":"http:\/\/novanews.co.za\/rooirose\/?p=75411"},"modified":"2017-07-13T12:57:23","modified_gmt":"2017-07-13T10:57:23","slug":"amalia-uys-blinkoog-oor-die-liefde","status":"publish","type":"post","link":"https:\/\/novanews.co.za\/rooirose\/amalia-uys-blinkoog-oor-die-liefde\/","title":{"rendered":"Amalia Uys: blinkoog oor die liefde"},"content":{"rendered":"

Waarmee hou jy jou tans besig?\u201d begin ek tastend my weg oopvoel na die mens voor my. Amalia Uys<\/strong> loer met groot blinkbruin o\u00eb na my oor haar warm sjokoladedrankie en lag onnutsig. \u201cNiks!\u201d
\nMaar eintlik skep sy net \u2019n slag asem, s\u00ea sy. Haar stem is sterk en warm, haar woorde geartikuleerd soos dit \u2019n aktrise betaam. \u201cEk het maar verlede week teruggevlieg uit Johannesburg waar ek weer \u2019n maand lank opnames vir Binnelanders<\/em> gedoen het. En die afgelope internasionale advertensieseisoen was besiger en lekkerder as ooit. Omdat Kaapstad so \u2019n besonderse bestemming is en dit vir die internasionale advertensiemaatskappye soveel goedkoper is om hier te skiet, sak hulle deesdae in die somermaande op ons toe.\u201d<\/p>\n

Sy kruis haar bene in die nousluitende langbroek met die gate op die knie\u00eb. Alles deel van die dekor wat die fyne juffrou eksie-perfeksie komplementeer. Nie verniet die dogter van \u2019n man wat s\u00ea daar loop \u2019n dik stroom Piet Presies deur sy are nie. En tog begin sy vervaard keer as mense haar idealiseer. \u201cEk is baie bewus van my foute!\u201d<\/p>\n

Maar sy lyk en voel goed. Werksgewys bied die advertensies ook \u2019n finansi\u00eble buffer. \u201cDis \u2019n aspek van die bedryf wat maklik \u2019n mens se gemoedsrus en kreatiewe energie steel as jy dit nie reg bestuur nie. Ek bly darem ook tussendeur skryf en stoei met idees en projekte. Dan is jy eintlik nooit sonder werk nie.\u201d<\/p>\n

Maar geen nuwe rol kan haar o\u00eb so laat blink soos die vooruitsig om in Desember<\/strong> vanjaar mevrou Shaun Golding te word nie. Sy het haar kwota brouhoue gehad voor sy weer op die skoonveld beland het. \u201cEk was voorheen in ingewikkelde verhoudings wat my meer kwaad as goed gedoen het. Ander kan jou probeer waarsku teen sekere goed maar dit lyk my sekere lesse moet \u2019n mens maar self leer. Die een voordeel is dat hierdie ervarings my in staat gestel het om te weet dat hierdie verbintenis anders is. Dit laat my toe om myself te wees. \u2019n Mens moet soms gewoon sagter met jouself kan omgaan.\u201d<\/p>\n

 <\/p>\n

Shaun se beste vriend en haar beste vriendin het hulle aan mekaar voorgestel. Toe hy haar \u2019n ruk later kontak, was sy gelukkig sonder enige verbintenis en weer in voeling met haarself. \u201cEk het weer \u2019n eie nes geskop, potte sop gekook en saans kerse gebrand,\u201d spot sy oor hierdie fase in haar lewe.<\/p>\n

 <\/p>\n

“Ander kan jou probeer waarsku teen sekere goed maar dit lyk my sekere lesse moet \u2019n mens maar self leer”<\/em><\/h4>\n

 <\/p>\n

Haar verloofde is \u2019n eerste generasie Suid-Afrikaner met \u2019n Britse pa en \u2019n Hollandse ma, \u2019n watertegnoloog wat onder meer met watersuiwering en groot verkoelingstelsels werk. \u201cJy sal nie glo hoeveel liters vars water gaan in die nywerheidsgebiede in dreine af nie,\u201d vertel sy iets van die nuwe w\u00eareld wat sy via hom betree het. \u201cEn tog het ons ondanks ons uiteenlopende aanlope op \u2019n vreemde manier net gepas.\u201d<\/p>\n

\"Amalia-Uys\"<\/p>\n

Haar suster Hermien is twee weke nadat hulle begin uitgaan het, op 36 oorlede. Sy was skisofrenies en in \u2019n tehuis. \u201cHaar dood het my en Shaun gekonfronteer in \u2019n tyd toe ons eintlik blinkoog en verlief moes wees.\u201d<\/p>\n

Die feit dat sy in daardie tyd die karakter Margot wat met onstabiliteit sukkel in Binnelanders<\/em> moes speel, het dinge nie makliker gemaak nie. \u201cEk het in trane by die skrywers gaan pleit om die teks te verander maar dit was reeds te ver gevorder.\u201d<\/p>\n

Shaun se nugter aanslag en ondersteuning kon \u2019n grondslag l\u00ea wat haar laat besef het dis \u2019n man met wie \u2019n vrou \u2019n pad kan stap. \u201cWaar Hermien se siekte \u2019n groot invloed op ons huisgesin gehad het, kom hy uit \u2019n ongekompliseerde, gewone raamwerk.\u201d<\/p>\n

 <\/p>\n

\u201cEk het in trane by die skrywers gaan pleit om die teks te verander maar dit was reeds te ver gevorder\u201d<\/em><\/h4>\n

 <\/p>\n

Verlede Desember het hy in die geheim vir haar mense wat op Port Owen aan die Weskus woon, gaan ouers vra. \u201cEk het hulle nogal die volgende dag op Stellenbosch gesien maar hulle sprak geen sprook nie.\u201d Sy lag. \u201cEk het geweet hulle hoop ons wil aanstaltes maak maar het nog probeer waarsku dat hy eers sy eie onderneming behoorlik gevestig moet kry voordat daar sprake van trou kan wees.\u201d<\/p>\n

Sy het niks vermoed toe Shaun kort daarna tydens \u2019n kuier by haar ouers langs die see wou gaan stap nie. Haar gesig verlewendig by die herinnering. \u201cMy ma het verseg om saam te stap. Ek en hy het sommer oor ons verhouding loop en praat. My woorde \u2018jis, ek is happy!\u2019 was skaars koud toe hy die boksie uithaal. En dis toe ni\u00e9 die oorbelle wat ek gedink het dit sal wees nie!<\/p>\n

\u201cAlles was net so lekker ongekunsteld en eerlik. En sy ouers het die volgende dag gekom om dit saam met ons te vier.\u201d<\/p>\n

Sy trek haar baadjie uit en \u2019n geblomde vintage hemp, een van die tweedehandse vondste wat vir haar soveel genot verskaf, maak sy buiging. Amalia is van kleins af dol daarop om onverwagse dinge bymekaar te klits en haar klerekas te laat pr\u00e1\u00e1t. Sy en haar ma, Celia, is vo\u00ebls van eenderse vere as dit by aantrek kom. Albei verstaan hoe om jouself raak te vat en te poets as dit moet. \u201cSoos in die teater toor kuns mos goud uit die gewone,\u201d verklaar sy.<\/p>\n

Sy het haar ook al as kostuumbestuurder op \u2019n stel bewys, die soort mens wat, afhangend van die geleentheid, vat en voel aan\u00a0teksture en put daaruit. \u201cAg, die lewe bied eintlik so \u2019n rykdom om te ontgin en te ontdek,\u201d s\u00ea sy. \u201cEk doen graag dinge soos kursusse in fotografie of navorsing oor skryfkuns, alles goed wat jou opskerp om meer bewustelik te leef.\u201d<\/p>\n

Die afgelope tyd was sy besig met \u2019n kortfilmkonsep oor geestesgesondheid. \u201cDis my poging om wanpersepsies oor sogenaamde \u2018mal\u2019 mense te help bestry. Skisofrenie is iets waaraan een uit elke honderd mense ly. Dis mense met \u2019n interne w\u00eareld wat hulself nie eens kan begryp nie en waaroor daar soveel onkunde bestaan.<\/p>\n

\u201cDie manier waarop dit in rolprente en televisie uitgebeeld word, vestig net die aandag op die onstabiliteit terwyl daar soveel ander, mensliker dimensies is. Ja, my suster het ons laat skrik, maar sy was ook liefdevol – sy het dikwels gelag oor die vreemde goed wat sy aangevang het.\u201d<\/p>\n

Op 32 geniet Amalia dit om haar op verskillende gebiede te begewe. Dit bied ook kontak met gelykgestemdes wat soos sy kyk, dink en voel.<\/p>\n

Sy was medevervaardiger van Jagveld<\/em>, Deon Meyer se skop-skiet-en-donder-fliek wat vanjaar uitgereik is, en op die KKNK was sy te sien in die Noorse dramaturg Henrik Ibsen se laat-Romantiese meesterwerk Die Vrou uit die See<\/em>. Hierdie liefdesverhaal met Jana Strydom in die hoofrol was verlede jaar een van die sterkste debuutproduksies by Innibos.<\/p>\n

Lees ook: Ons is opgewonde oor Jagveld<\/a><\/p>\n

 <\/p>\n

\"Amalia-Uys\"<\/p>\n

Daar bestaan eintlik geen \u201cklein\u201d rolle by Ibsen nie en haar rol van Bolette het haar weer op \u2019n nuwe emosionele verkenningstog gedwing omdat die karakter so anders is as wat sy is.<\/p>\n

\u201cSy beweeg in reguit lyne en is gegrond; ek is meer van \u2019n dromer en het ook \u2019n emosionele verbintenis met die see soos Jana se karakter. Maar dis \u2019n ongelooflike leerskool om met die regisseur Henry Mylne te werk. Hy l\u00e9\u00e9f vir die teater en het soveel kennis. Ek is nog in \u2019n verkennende fase maar sou ook graag eendag regtig \u2019n deskundige op een of ander gebied wou wees.\u201d<\/p>\n

Haar kinderjare in Pretoria was goed maar agterna gesien dink sy haar ouers en hul hegte gesinslewe het \u2019n groter invloed as die buitew\u00eareld op haar gehad. \u201cEk en my ma kon ure om die kombuistafel sit en gesels en filosofeer. Ek het my kunssinnigheid en liefde vir letterkunde van haar gekry. My pa se leergierigheid, daardie amper gulsigheid om te weet hoe dinge werk en inmekaarsteek, het ook \u2019n groot invloed op my gehad. Ek delf en deurgrond graag. Of dit nou is oor waar ons vandaan kom, of oor ander kulture, of die geskiedenis.\u201d<\/p>\n

Amalia is so sensitief as wat sy fyn van gestalte is. Dit sou haar \u2019n papierskuitjie op die stormwaters van die teaterw\u00eareld kon maak. Maar haar delikaatheid maak beslis nie van haar \u2019n poppie nie. Haar jare se balletdissipline wys. \u2019n Mens bespeur die toewyding, die dans deur die pyn heen en die vasberadenheid om weer op jou tone te land al kantel die lewe jou soms.<\/p>\n

Sy het vroe\u00ebr dinge soos sielkunde, regte en spraakterapie oorweeg. Maar sy berou dit nie dat die kunstenaar in haar gehoor gegee het aan dit wat met haar binneste resoneer nie. Die opgedamde skeppingslus moes iewers \u2019n uitloop kry. Haar hare moes loskom uit die stywe bollatjie.<\/p>\n

\n
\n
\n
<\/div>\n

Table Mountain hike with @shaungolding. Sensory overload???So much beauty in the world!!!???<\/a><\/p>\n

A post shared by Amalia Uys (@amaliauys) on