Christiaan was ook die eerste regisseur in die geskiedenis van Aardklop wat die Beeld-Aartvarkprys vir grensverskuiwende werk twee keer gewen het: in 2015 vir sy regie van Tsjechof se Die Seemeeu en in 2012 vir sy werk as vernuwende skrywer en regisseur van stukke soos Woza Andries? en Ubu en die Secrecy Bill.<\/p>\n
Hy is bekend vir sy veelsydigheid: of dit nou kabaret, komedie, poppeteater, ernstige fisieke teater of \u2019n musiekblyspel is, hy kan dit doen. As lid van die Polony-teatergroep, \u2019n groep jong teatermense bekend daarvoor dat hulle die grense verskuif van teater soos ons dit ken, weet hy ook hoe om \u2019n toneelstuk met geen of min finansi\u00eble ondersteuning te laat gebeur.<\/p>\n
Christiaan is ook nie bang vir polemiek nie, al het dit al beteken dat \u2019n paar teatergangers uitgestap het uit vertonings van sy Afrikaanse vertaling van die klassieke Who\u2019s Afraid of Virginia Woolf ? en sy outobiografiese stuk Dogma.<\/p>\n
Vertel van jou eerste verhoogervaring<\/strong><\/p>\n Ek was Isak in \u2019n laerskool-revue met \u2019n Bybelse tema. My kostuum is geprakseer uit twee van my ma se badhanddoeke en \u2019n belt wat te groot was.<\/p>\n Loop die dramagene in jou familie?<\/strong><\/p>\n Nee, glad nie. Of liewers, nie direk nie. My ma is \u2019n skakelbeampte en my pa was \u2019n dominee. Dis albei teatrale beroepe uit eie reg, so miskien is daar tog iets daar. Maar ek het heeltemal toevallig in drama beland. \u2019n Rol in die skoolrevue het gelei tot deelname aan kunswedstryde tot \u2019n graad in drama, en nou kan ek my nie iets anders sien doen nie. Toe ons nog in Pretoria gewoon het, was ek in die Pro Arte Alphen Park Ho\u00ebrskool. N\u00e1 matriek aan die Ho\u00ebrskool Stellenbosch het ek drama aan die Universiteit van Stellenbosch studeer. Ek het \u2019n honneursgraad in regie onder die veelbekroonde regisseur Marthinus Basson behaal.<\/p>\n Wanneer het jy besef dis wat jy met jou lewe wil doen?<\/strong><\/p>\n Toe ek Marthinus Basson se Romeo & Julia en BOKS by die KKNK gesien het. Mense soos Marthinus en Jaco Bouwer inspirer my om dit buite die veilige en voor die hand liggende te waag.<\/p>\n Wat is dit van die verhoog wat jou bekoor?<\/strong><\/p>\n Geen twee vertonings is ooit dieselfde nie \u2013 dis nie \u2019n presiese wetenskap nie, en daar is nie \u2019n resep of \u2019n stel re\u00ebls nie. Enigiets kan gebeur. Dis vreesaanjaend, en so bietjie verslawend.<\/p>\n Hoe werk die skeppingsproses vir jou? Waar kry jy jou idees?\u201cSien\u201d jy iets in jou kop afspeel voor jy dit skep?<\/strong><\/p>\n Elke proses is anders. Met party weet ek presies wat ek gaan en wil doen en met ander sukkel ek om iets te \u201csien\u201d. Party verg instink en met ander moet ek baie navorsing doen. Die een konstante ding in my proses is dat ek lief is om saam met akteurs, ontwerpers, skrywers en verhoogbestuurders te werk om te skep. Ek hou nie van \u2019n eensame proses nie. Ek verkies \u2019n spanpoging – tien kreatiewe breine is beter as een.<\/p>\n As jy enige rol op enige verhoog kan speel, wat sal dit wees? En teenoor wie?<\/strong><\/p>\n Ek sal enige rol speel as ek teenoor Cate Blanchett kan speel.<\/p>\n Wat verkies jy: skryf of regie?<\/strong><\/p>\n Regie is \u2019n natuurliker proses \u2013 skryf is moeilik, \u2019n liefde-haat verhouding.<\/p>\n Hoe benader jy regie?<\/strong><\/p>\n Wanneer ek \u2019n klassieke stuk soos The Seagull deur Tsjechof aanpak, is ek mal daaroor, maar \u2019n deel van my wil dit vir die gehoor verander. Ek wil die stuk gebruik as \u2019n gasheer en net \u2019n variasie daarvan vertel, dit in Suid-Afrika, of in \u2019n baie spesifieke konteks laat afspeel. Ek het \u2019n verantwoordelikheid om \u2019n stuk te maak wat mense sal wil sien, maar ook iets wat vir my interessant sal wees. Dis maar altyd \u2019n balans tussen daardie twee elemente. My kreatiewe kant wil ook dinge verbind wat normaalweg nie langs mekaar sal staan nie.<\/p>\n En as jy \u2019n groot klassieke stuk kan verwerk \u2013 behalwe Tsjechof, wat jy mos nou al gedoen het – wat sal dit wees?<\/strong><\/p>\n Die lys is lank. Tennessee Williams, Ibsen, Strindberg, Arthur Miller, nog \u2019n Tsjechof – ek is nog skrikkerig vir Shakespeare, maar ek wil eendag, wanneer ek \u201cgroot\u201d is, Koning Lear aanpak.<\/p>\n Hoe voel jy oor die stand van die kunste in SA? Wat sou jy graag wou verander?<\/strong><\/p>\n \u2019n Mens sal altyd hoop dat die staat meer geld vir die bevordering van kunste beskikbaar sal stel. Ek was \u2019n paar jaar terug in Londen by die National Gallery. Nie net kon ek verniet ingaan nie, maar ek het ook gesien hoe die kurators vir \u2019n groep skoolkinders, almal seker so vier jaar oud, verduidelik van die gebruik van simboliek in die Renaissance. Ek was verstom! Ek wens daar was meer sulke inisiatiewe in ons land.<\/p>\n En wat kunstefeeste betref?<\/strong><\/p>\n Dit is my brood en botter. Ek is lief vir die kunstefeeste, al is dit verskriklike harde werk wat met bloedsweet, trane en baie angs gepaardgaan. Maar op die ou end is dit altyd vir my die moeite werd. Ek dink die kunstefeeste is baie belangrik \u2013 dis soos \u2019n lewenslyn vir ons teatermakers.<\/p>\n Jy is een van die besigste mense in die bedryf \u2013 hoe pas jy alles in?<\/strong><\/p>\n Jy pas maar alles in. Jy\u2019t nie regtig \u2019n keuse nie. Dis vreemd, maar hoe meer jy doen, hoe meer kry jy gedoen.<\/p>\n Wat beskou jy as jou beste werk?<\/strong><\/p>\n Ek is trots op al my werk, maar ek dink Dogma het \u2019n spesiale plekkie in my hart omdat dit my ouers se storie is. Dit vertel van hul stryd met georganiseerde godsdiens in die tyd toe veelvuldige sklerose by my pa, destyds \u2019n NG-kerk predikant, gediagnoseer is.<\/p>\n Jy is nie bang om taboes te takel nie. Waar kom dit vandaan?<\/strong><\/p>\n My ma en my pa.<\/p>\n Wat wil jy deur jou werk bereik?<\/strong><\/p>\n Ek hoop altyd dat mense nie onaangeraak daar sal uitstap nie. Ek probeer al meer fokus op menslikheid \u2013 so ek hoop mense sal hulself kan raaksien. En ek wil hulle beweeg \u2013 al is dit ook nou uit hul sitplekke uit. Ek wil nie net meer vinger wys soos in die verlede nie. Nou wil ek eerder vrae vra – dis tog veel interessanter om dit aan mense oor te laat om \u2019n eie mening te vorm.<\/p>\n","protected":false},"excerpt":{"rendered":" Christiaan was ook die eerste regisseur in die geskiedenis van Aardklop wat die Beeld-Aartvarkprys vir grensverskuiwende werk twee keer gewen het: in 2015 vir sy regie van Tsjechof se Die Seemeeu en in 2012 vir sy werk as vernuwende skrywer […]<\/p>\n","protected":false},"author":4,"featured_media":13944,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[661],"tags":[23450,24339,1387,2130],"class_list":["post-7540","post","type-post","status-publish","format-standard","has-post-thumbnail","hentry","category-ons-mense","tag-entertainment","tag-local-celebs","tag-celebs","tag-christiaan-olwagen-talentvol-regisseur-dramawereld"],"acf":[],"yoast_head":"\n