{"id":75386,"date":"2017-07-03T14:31:01","date_gmt":"2017-07-03T12:31:01","guid":{"rendered":"http:\/\/novanews.co.za\/rooirose\/?p=75386"},"modified":"2017-07-13T14:01:40","modified_gmt":"2017-07-13T12:01:40","slug":"refentse-se-wegholsukses","status":"publish","type":"post","link":"https:\/\/novanews.co.za\/rooirose\/refentse-se-wegholsukses\/","title":{"rendered":"Refentse se wegholsukses"},"content":{"rendered":"

Dit is vir Refentse<\/strong> steeds moeilik om te glo dat hy in so \u2019n kort rukkie soveel sukses bereik het. Terwyl hy in 2015 met sy kitaar langs die straat gesit en \u201cLisa se klavier\u201d gespeel en gesing het, het Cecilia (Kleintjie) Marchionna hom met \u2019n selfoon afgeneem. Sy het die video op facebook gedeel en dit is uiteindelik meer as 120 000 keer gekyk. Hy bly nou by Kleintjie, sy tweede \u201cma\u201d, en sy help hom om al sy verpligtinge na te kom.<\/p>\n

Buiten Afrikaanse musiek hou Refentse ook van kwaito en Zoeloe-gospel. En hy wil deur musiek die verskillende Suid-Afrikaanse kulture nader aan mekaar bring.<\/p>\n

Is jou huistaal Afrikaans? <\/strong><\/p>\n

Nee, Afrikaans is nie my huistaal nie, maar ek was in \u2019n Afrikaanse skool.<\/p>\n

 <\/p>\n

Jou CD My hart bly in \u2019n taal bring hulde aan Afrikaanse musiek en die musiek van sterre soos Koos Kombuis en Laurika Rauch. Hoe lank klop jou hart al warm vir Afrikaanse musiek? <\/strong><\/p>\n

As kind het my ouers vir my Afrikaanse musiek gespeel om my te leer Afrikaans praat, en ek het \u2019n liefde vir die taal en musiek ontwikkel.<\/p>\n

 <\/p>\n

\u201cSonvanger<\/em>\u201d en \u201cSally Williams Nougat<\/em>\u201d pas veral baie lekker by jou stem. Is daar nog ander van die liedjies wat vir jou spesiaal is en waarom? <\/strong><\/p>\n

Ek hou van al die liedjies op die CD omdat ek met di\u00e9 liedjies grootgeword het, al is hulle nie regtig in my era gespeel nie. Dit is musiek wat my gehelp het om my Afrikaans te verbeter. Al die liedjies het vir my \u2019n besondere betekenis.<\/p>\n

 <\/p>\n

Jy het twee van die liedjies geskryf, \u201cBaby<\/em> wat eet ons vanaand?\u201d en die satiriese \u201cOom Faan se plaas\u201d …<\/p>\n

\u201cBaby<\/em> wat eet ons vanaand?\u201d was die eerste liedjie wat ek geskryf het, en toe kort daarna \u201cOom Faan se plaas\u201d. Ek hou van die skryfproses en leer baie namate ek vorder.<\/p>\n

 <\/p>\n

Wanneer het jy vir die eerste keer geweet jy wil in Afrikaans sing? <\/strong><\/p>\n

Toe ek verlede jaar by die KKNK<\/strong> vir die eerste keer op die verhoog klim en die gehoor se reaksie sien. (Refentse het die verhoog met Karen Zoid gedeel.)<\/p>\n

 <\/p>\n

Jy het nou reeds platinumstatus bereik, maar wat doen jy nog, behalwe sing? <\/strong><\/p>\n

Alles wat my moontlik besig kan hou. Ek is mal oor die buitelewe en die natuur. (Hy is net beskeie. Hy is op die oomblik besig met \u2019n regsgraad aan die Noordwes-Universiteit.)<\/p>\n

 <\/p>\n

Waar is jy gebore, waar het jy grootgeword en waar bly jy nou? <\/strong><\/p>\n

Ek is in Vereeniging gebore, het daar grootgeword en bly steeds in Vereeniging. Ek is nie van plan om te trek nie. Ek is te geheg aan my mense – my ouers, tannie Kleintjie en al my vriende.<\/p>\n

 <\/p>\n

Wat onthou jy as die lekkerste gebeure van jou kinderdae? <\/strong><\/p>\n

Die skoolrevue waarin ek gedans en gesing het. Ek het \u2019n spook in my groentjiekonsert gespeel en in die laerskool was ek Shaka in ons toneelstuk Shaka Zoeloe.<\/p>\n

 <\/p>\n

En die slegste? <\/strong><\/p>\n

Toe ek my ouma in 2013 aan kanker verloor het.<\/p>\n

 <\/p>\n

Wat doen jy vir ontspanning?<\/strong><\/p>\n

Lees gedigte, of speel sokker of rugby saam met my pelle. Ek geniet die natuurskoon, veral as ek op my motorfiets is omdat ek dan so naby aan alles voel.<\/p>\n

 <\/p>\n

Kyk hier na die musiekvideo van Refentse se liedjie “Vuil Vanderbijl”<\/h4>\n