Ek verstaan nie die onblusbare lus vir wortelkoek wat my op \u2019n Sondagmiddag skuins na vier tref nie. Ek verstaan nie hoekom die rondste van vroue kies om hulself in lae vormloosheid toe te wikkel nie. Ek verstaan nie hoekom die prys van petrol en diesel van plek-tot-plek in Suid-Afrika wissel nie (ok, ok …) Ek verstaan nie hoe vliegtuie tussen die geskud en geskommel in die lug bly nie. Ek verstaan nie (altyd) my Graad 5-kind se Wiskunde-huiswerk nie. Ek verstaan nie hoekom sommiges meer huil en lag as ander nie.<\/p>\n
Ek verstaan nie hoe Eskom se base snags rustig kan slaap nie (om van \u2019n paar ander in leiersposisies nie eens te praat nie).<\/p>\n
Ek verstaan nie die politiek nie. Wonder of jy doen?<\/p>\n
Maar vandag, vandag verstaan ek niks. Ek verstaan nie die foto’s voor my op die skerm nie. Mense wat bloei, mense wat brand, mense wat veg, mense wat sterf. Mense.<\/p>\n
Ek verstaan nie xenofobie nie. Regtig nie. Skryf dan:<\/p>\n
Liewe Jacob,<\/p>\n
Ek wonder of jy verstaan?<\/p>\n
\u2019n Paar jaar gelede het jy uit Zimbabwe gevlug om \u2019n nuwe potjie te kom krap. Jy’t \u2019n nuwe koers gekies en, al het jy matriek en al lees jy wyd, het jy gekies om in ander se tuine te begin werk. Met \u2019n “Morning Ma’am, how are you Ma’am, God is good to me Ma’am, hope He’s good to you too Ma’am” het jy ander onder die stof gewerk.<\/p>\n
Later trots vertel jou papierwerk is agtermekaar (al moet jy dit gereeld hernu), jou vrou is op pad, jou bankrekening is oop, jou plan begin werk. Al slaap jy, sy en \u2019n paar ander steeds om die beurt op \u2019n bed. Al lag jy oopmond toe jy die kind in ons huis se driekwartbed moet skuif, want, s\u00ea jy, daar’s dan slaapplek vir drie.<\/p>\n