Dit is nou byna vier maande sedert dokter James van der Merwe, my plastiese sjirurg, vir my \u2019n nuwe regterbors gemaak het. Hy het die latissimus dorsi spier in my rug, met bloedvate en al, onder my vel na my bors deurbeweeg en \u2019n silikoon protese daaronder geplaas. Die resultaat is \u2019n nuwe bors wat deesdae al hoe minder na \u2019n Aspoestertjie lyk en meer na \u2019n meisie wat op pad is na die bal in die kasteel.<\/p>\n
Die vel op mens se rug lyk ietwat anders as di\u00e9 op jou bors in terme van kleur en tekstuur. Met tyd raak die verskil minder opsigtelik, was die belofte aan my. Dis die waarheid.<\/p>\n
In di\u00e9 stadium van die proses strek die elliptiese litteken op my bors van onder my armholte tot net voor my borsgleuf, die breedte van my hand. Die letsels is beslis besig om ligter te word. My vel is die kleur van \u2019n melkbottel, indien nie ligter nie, so littekens neem langer om in te skakeer. Asof dit enigsins saak maak. Ek het weer \u2019n regterbors. \u2019n Lekker vol, perky<\/em> ene.<\/p>\n Die nuwe bors het geen gevoel nie, ook nie die vel onder my arm nie. In die begin is dit regtig eienaardig om weefsel-olietjies en deodorant aan sulke houterige goeters te smeer. Ek het vanoggend besef dat ek nie meer aan die houterige gevoel dink wanneer ek die nodige doen nie. My mondhoeke is nie meer afgetrek wanneer ek in die spie\u00ebl kyk om te sien waar ek die olie smeer nie. Mens raak gewoond.<\/p>\n In sommige gevalle kan die tepel en areola behou word tydens die mastektomie, sodat die nuwe bors heelwat vinniger normaal voorkom. My tumor was ongeskik en onverantwoordelik genoeg om reg onder my tepel te sit. Daar was geen opsie anders as om die hele spulletjie te verwyder nie.<\/p>\n Dit word nou tyd om te begin dink aan die finale paar stappe in die reis na Madelein-se-voor-diagnose-borskas.<\/p>\n Aspoestertjie trek so ietwat na \u2019n blindemol so sonder die borsversiersels, die tepel en areola. Ek en my dogter giggel altyd omdat ek tans erg \u2018pointless\u2019<\/em> is. Maar daar is allerhande maniere waarop di\u00e9 situasie beredder kan word. Sommige vroue verkies om nie n\u00e1 die rekonstruksie verder te karring nie, doodtevrede om sonder di\u00e9 versierseltjies aan te beweeg. Ander dapper vroue bring tatoes van blomme en vlinders en allerhande ander lieflike goed aan waar die tepel en areola moet wees. Daar is deesdae ook slim mense, regte towenaars, wat met driedimensionele tatoes \u2019n areola en tepel skep wat so realisties lyk dat mens stomgeslaan staan van skone verwondering. Mens kry ook tepelprosteses wat jy kan aansit en afhaal soos die bui jou pak. Dit lyk en voel glo wonderlik natuurlik. Maar, lief soos ek vir Fiona the Fake Boob<\/em> was, het ek nou eers genoeg gehad van borsgoeters wat mens by die huis kan vergeet wanneer jy inpak vir \u2019n reis.<\/p>\n En dan is daar die sjirurgiese opsie. Ek is nie regtig bang vir operasies en naalde en ander skerp dinge nie, so dit is die roete wat ek gekies het. Plastiese sjirurge kan \u2019n tepel bou uit \u00f3f \u2019n deeltjie van die nuwe bors, \u00f3f weefsel wat gegaps word van \u2019n ander deel van jou liggaam. Dan, \u2019n paar maande na die tyd, kan mens vir jou \u2019n areola laat tatoe\u00ebr deur \u2019n tatoe\u00ebrkunstenaar wat spesialiseer in di\u00e9 soort van ding. Die foto\u2019s wat ek hiervan gesien het is ewe verstommend. Dit pas perfek by die vorm, grootte en skakering van die oorblywende versiersels.<\/p>\n Goed. So, dit is die stadium van die kankerreis waarin ek my tans bevind. Ek sal hierdie week by James \u2019n afspraak maak om te gaan uitvind watter wonderlike dinge hy vir my beplan. Hoe gouer, hoe beter. My einddoel is om 2017 af te sluit met twee mooigevormde borste, kompleet met versiersels op al die regte plekke.<\/p>\n Die diagnose en mastektomie was in Julie 2015. Dit voel gepas om die tweedelaaste stap in die reis nou uit te voer. Die tonguitstekery vir borskanker was nog altyd lekker, maar kyk, n\u00f3\u00fa krul hierdie vrou se tone.<\/p>\n <\/p>\n","protected":false},"excerpt":{"rendered":" Dit is nou byna vier maande sedert dokter James van der Merwe, my plastiese sjirurg, vir my \u2019n nuwe regterbors gemaak het. Blog deur Madelein Rust<\/p>\n","protected":false},"author":8,"featured_media":75341,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[682,15259,15262,3476],"tags":[762,763,1063,1245,5515,6061,23450,23451,23452,23453,23454],"class_list":["post-75338","post","type-post","status-publish","format-standard","has-post-thumbnail","hentry","category-blogs","category-caxton","category-use-only-text","category-ontspanning","tag-borskanker","tag-breast-cancer","tag-rekonstruksie","tag-bloggers","tag-plastiese-chirurgie","tag-tatoes","tag-entertainment","tag-blogging","tag-reconstruction","tag-plastic-surgery","tag-tattoos"],"acf":[],"yoast_head":"\n