En dit is net met die inry in Knysna. Thesen Eiland, die Koppe en lieflike plekkies soos Belvedere kerkie wag nog. Hoekom is party mense so gelukkig dat hulle in Knysna kan woon? Die res van ons kan \u2013 dankie tog \u2013 hier kom vakansie hou. As jy dit nie jaar op jaar kan doen nie is een keer in jou lewe \u2019n m\u00f3\u00e9t.<\/p>\n
![\"\"](\"https:\/\/novanews.co.za\/rooirose\/wp-content\/uploads\/2016\/02\/_DSC5401.jpg\")
<\/div>\nWaar om te bly<\/strong> Van buite af lyk die mure intimiderend. Maar wat \u2019n heerlike vierster verrassing wag aan die binnekant. R\u00e9gtig luuks, want The Moorings is \u2019n volledige vierster hotelvakansie-oord.<\/strong> Jy kan jou maar reg maak vir knusse spierwit japonne en pantoffeltjies in die kas, \u2019n ekstragroot bed met \u2019n halfdosyn kussings en \u2019n gul duvet waaronder jy jou stres van die jaar gaan vergeet. En vir al die ander luuksetjies en goeie diens van vierster verblyf.<\/p>\n In ons eenheid is daar \u2019n bad in die hoofslaapkamer reg langs die bed. Hmmm \u2026 kerslig, sjampanje en musiek wat jou hartsnare roer.<\/p>\n Lekker vakansieplek vir kinders<\/strong> Daar is \u2019n swembad<\/strong> met \u2019n diep en \u2019n vlak poel waar van klein tot groot veilig kan swem. Die rits l\u00eastoele en sambrele nooi jou om luilekker uit te strek. Dalk met \u2019n boek in die hand. Of \u2019n lang koeler in \u2019n elegante glas \u2026 bedien van die restaurant\/kroeg net langsaan die swembad.<\/p>\n Hou iemand van roei<\/strong>? Die gronde het hul eie wateringang na die meer vir roeibootjies en kano\u2019s. The Moorings is regoor Thesen Eiland \u2013 naby genoeg dat julle kan oorroei vir inkopies, roomyse, tee, middagete, skemerkelkies en mense kyk. Jy kan ry ook maar om winkels toe te roei, is soveel meer eksoties.<\/p>\n Die beste van als? Skoonmaak is ingesluit en etes is beskikbaar. Jy hoef nie \u2019n vinger te lig nie. Jou eenheid word gediens en die hotelrestaurant bied \u2019n ontbytbuffet, ligte etes, gourmet toebroodjies, slaaie, pastas, pizzas en eersteklas aandetes met van salm tot carpaccio en steak. En rus<\/strong>, vrede en al die soorte lekkertes wat vakansie vir jou uitspel.<\/p>\n Wat jy moet weet<\/strong>
\nHmmm \u2026 wat van The Moorings?<\/p>\n<\/div>\n
\nAs ek die ma is wat met kinders op vakansie gaan, is d\u00edt waar ek wil vakansie hou want die jongklomp gaan besig wees. Ons eenheid loop uit op reuse grasperke met digte skadubome waar kinders van sonop tot sononder kan baljaar, bal skop en speel op die klimrame<\/strong> en ander parkspeelgoed terwyl jy in vrede lees, sonbaai en kuier.<\/p>\n<\/div>\n
\nLigging<\/strong>
\nThe Moorings is net drie kilometer van die N2 maar \u2019n w\u00eareld ver in terme van stilte en natuurskoon. Dit is binne maklike bereik van die George Lughawe.
\nWanneer om te kom<\/strong>
\nOns was in die hartjie van die winter daar. Dan brand die kaggels hoog en knus in die goed toegeruste leeshoek en in die kroeg en eetplek. Perfek vir akkommodasie tydens die jaarlikse Knysnafees in die wintervakansie, maar dit is \u2019n ewe heerlike somervakansieplek met lieflike koeltes en hope buitevermaak.
\nAkkommodasie<\/strong>
\nBuiten die lieflike een- en tweeslaapkamer eenhede in die hotel is daar ook volledig toegeruste selfsorgvakansiewoonstelle (julle kan steeds by die hotel eet, of kos bestel) met \u2019n eie braaiplek te huur as jy selfsorg verkies.
\nBring saam <\/strong>
\nSwemgoed, jou kamera, gholfstokke, jou fiets en \u2019n kano of boot as jy lus is vir roei. En stapskoene, want daar is lieflike stapplekke om die mere \u2013 en jy sal ure lank in die winkeltjies wil rondloop, wat net lekkerder in gemaklike skoene is.
\nEkstra dienste<\/strong>
\nBuiten die gewone dienste kenmerkend van topklas hotelle is \u2019n kinderoppasdiens, internet en konferensiegeriewe beskikbaar.<\/p>\n![\"\"](\"https:\/\/novanews.co.za\/rooirose\/wp-content\/uploads\/2015\/12\/DSC5740-edit.jpg\")
\n<\/strong><\/div>\n
\n<\/strong>15 dinge om by The Moorings<\/strong> te doen<\/strong>
\n1. Besoek The Heads<\/strong>. Die uitkykpunt aan die bokant is lieflik vir foto\u2019s. Wag tot die seiljagte uitkom \u2013 someraande en oor die naweke. Of gaan eet by East Head Caf\u00e9 Restaurant aan die onderkant.
\n2. Met meer as 120 eetplekke is Knysna \u2019n uiteet-mekka<\/strong> met iets vir almal van gesinne tot koskenners. Doen beslis die Featherbed sjampanje-en-oester bootrit. Dit is iets besonders.
\n3. In die somer: swem<\/strong>, swem, swem. Jy kan in sekere areas in die meer swem maar dit is ook \u2019n bootgebied. Ry see toe en swem waar daar lewensredders aan diens is, soos by Brenton en Buffelsbaai.
\n4. As jy lief is vir lees, skaf Dalene Matthee<\/strong> se Moerbeibos<\/em> aan en gaan verken Simola. Di\u00e9 gholfbaan is aangel\u00ea waar hierdie boek rondom die vestiging van die Italianers om \u2019n sywurmbedryf in ons land op die been te bring, afspeel. Of stof \u2019n slag Fiela se Kind<\/em> af (die boek of DVD) en gaan kyk waar Fiela, Benjamin en Nina geleef het.
\n5. Moenie net die seiljagte afneem nie \u2013 gaan seil<\/strong> s\u00e9lf. Of bespreek een van Knysna se beroemde huisbote vir \u2019n dag en verken die meer op eie stoom.
\n6. Besoek die ou Millwood myn<\/strong>. Dalk vang die glinstering van \u2019n oorgesiene klontjie goud jou oog.
\n7. Knysna is bekend vir sy wonderlike snuffel- en kunswinkeltjies<\/strong>. Sit tyd daarvoor opsy.
\n8. As jy op \u2019n Saterdag daar is, besoek die Sedgefieldmark<\/strong>. Die verskeidenheid en gehalte van die kos en handwerk is uitstekend. Maar staan vroeg op. Die mark begin om 7.30 in die somer en 8.00 in die winter en sluit stiptelik om 12.00. Na twaalf smeek jy verniet om selfs net een broodjie te koop. Jy is ook gewaarborg om \u2019n bejaarde hippie of twee raak te loop.
\n9. Besoek een van die twee dosyn gholfbane<\/strong> van die omgewing soos Pezula en Sparrebosch, om net twee te noem.
\n10. Ry met die treintjie<\/strong> in die Featherbed Natuurreservaat. Vra die hotel om vir julle te bespreek.
\n11. Besoek die Belvedere-kerkie<\/strong>. Onthou jou kamera en kyk of jy die besonderse loodglasvensters kan vasvang.
\n12. As jy nog altyd gedroom het van kastele<\/strong>, is Knoetsie se kasteelstrandhuise onverwags en betowerend.
\n13. Birds of Eden is fassinerend. Dit is die grootste vo\u00eblpark <\/strong>ter w\u00eareld waar vo\u00ebls vry rondvlieg.
\n14. \u2019n Besoek aan ten minste een van Knysna se beroemde houtmeubelfabrieke<\/strong> en houtwerkers is \u2019n moet.
\n 15. En dan is Knysna bekend vir veral twee feeste: die jaarlikse Oesterfees<\/strong> in die winterskoolvakansie met sy marathon, fietsrenne en die opwindende besoek van die SA Vloot; en die jaarlikse Klassieke Motorfees<\/strong> in Mei. As jy dit nie in Mei kan maak nie, ry gerus na Sedgefield en loop deur die garage met sy 50 stuks antieke motors. Dit is op die hoofpad \u2013 jy sal dit maklik raaksien.<\/p>\n