“Asseblief, asseblief hou op tjank, Vindiesel,” smeek ek, na aan trane.<\/p>\n
Die wolfhond kyk my met treurige bruin honde-o\u00eb aan en my hart wil breek. \u201cEk wens jy kan vir my s\u00ea wat makeer!\u201d<\/p>\n
Dit is halftwee op \u2019n Donderdagoggend. Vindiesel eet nou al twee dae lank nie juis nie en sy weemoedige getjank het my uit die bed gejaag. Hy het ander simptome ook wat ek nie op hierdie platform sal noem nie, maar my ernstig bekommer. Wie kan ek n\u00f3\u00fa oor \u2019n siek hond bel? Nosiswe woon bitter ver, Barend is uitstedig en Lian\u00e9 weet meer van motorenjins as van diere. My ma\u2019le is te oud om in die nag rond te ry, en om doodeerlik te wees, weet ek nie of my pa se standaardkuur vir troeteldiere, dun aangemaakte Pro-Nutro in \u2019n tietiebottel, die ding gaan doen nie. Ek kyk vertwyfelend na die selfoonkontak op die skerm: Cobus Mentz. Vindiesel se hondelyf ruk onder my strelende linkerhand en ek druk outomaties die belknoppie.<\/p>\n
\u201cAnna?\u201d<\/p>\n
\u201cCobus, Vindiesel is vreeslik siek en ek weet glad nie wat om te doen nie!\u201d Ek klink histeries.<\/p>\n
\u201cEk is nou daar.\u201d<\/p>\n
Dankbaar dat Cobus oplaas die emosionele insig gekry het om my ouerhuis vir \u2019n gastehuis te verruil, wag ek hom in. My ma sou hoop dit is \u2019n gekamoefleerde booty call<\/em> en my pa sou flenniepajamas en al saamgery het.<\/p>\n \u201cWaar is hy?\u201d vra hy sonder om behoorlik te groet en ek beduie kombuis se kant toe. Dit is vrek koud en die meeste van my aardse besittings staan in bokse in die huis rond sodat Cobus \u2019n paar keer struikel en hard swets. Iets diep in my kry \u2019n bietjie lekker, maar Vindiesel se fyn tjankies laat my gedagtes versober.<\/p>\n \u201cSien jy?\u201d vra ek toe ons in die kombuis kom. \u201cIets groots is fout. Hy kan niks inhou nie.\u201d<\/p>\n Cobus buk by die hond en gesels saggies met hom. Die ge-\u201ctoemaar, ek is nou hier\u201d maak my dadelik briesend, maar ek kners op my tande. \u201cOns moet hom by \u2019n veearts kry – ek sal gou Google en kyk of daar \u2019n nooddiens bestaan.\u201d<\/p>\n \u2019n Halfuur later storm ek by die plaaslike dierehospitaal se voordeur in, Cobus kort op my hakke met \u2019n kreunende Vindiesel in sy arms. \u201cEk is so dankbaar dat julle die tyd van die nag oop is,\u201d verklaar ek uitasem, sonder om te kyk wie die voordeur beman.<\/p>\n \u201cNaand, Mevrou,\u201d groet \u2019n stem soos sagte, donker fluweel. Ek kyk op. Wow<\/em>. Kan hierdie Griekse god \u2019n veearts wees?<\/p>\n \u201cWaar kan ek hom neersit?\u201d hyg Cobus agter my.<\/p>\n \u201cKom, ek help.\u201d Dokter Zeus stoot sy arms onder Vindiesel se lyf in en neem die hond by Cobus asof hy \u2019n worshond is en nie \u2019n wolfhond nie. \u201cWat is jou naam, ou grote?\u201d<\/p>\n \u201cVindiesel,\u201d piep ek. Ons volg hom na sy spreekkamer. \u201cWerner Louw,\u201d groet die Griekse god oor sy skouer. \u201cAangename kennis.\u201d<\/p>\n <\/p>\n <\/p>\n N\u00e1 \u2019n deeglike ondersoek kry Vindiesel \u2019n inspuiting en word in \u2019n luukse hondehok ingeboek. Dokter Zeus sluit by ons aan. \u201cMevrou, meneer … \u201d<\/p>\n \u201cHy is nie, e, m\u00fd meneer nie,\u201d help ek Werner Louw vinnig reg. \u201cEk is Annemieke.\u201d<\/p>\n \u201cCobus,\u201d groet d\u00ede effe stug.<\/p>\n Ons word met \u2019n wit glimlag beloon. \u201cAnnemieke, Cobus. Ek vermoed dat Vindiesel \u2019n maagvirus onder lede het. Ek het bloed getrek en dit sal m\u00f4re laboratorium toe gestuur word. Ek wil hom graag hier hou vir die nag. Hy is gedehidreer en ons moet sy koors monitor. Is dit in die haak?\u201d<\/p>\n \u201cHeeltemal,\u201d antwoord ek vinnig. \u201cEk woon hier naby, ek sal m\u00f4reoggend voor werk kom inloer en hoor wanneer kan hy huis toe kom. My nommer is op Vindiesel se pasi\u00ebntekaart ingevul, julle kan my enige tyd kontak.\u201d<\/p>\n \u201cDit is nie baie professioneel om met jou troeteldier se veearts te flirt<\/em> nie, Annemieke,\u201d merk Cobus skerp op toe hy my gaan aflaai.<\/p>\n Ek trek my skouers op. \u201cHy is mos nie m\u00fd veearts nie. En wat skeel dit jou? Jy kon nie vinnig genoeg van my ontslae raak nie.\u201d<\/p>\n Hy skud sy kop verontwaardig. \u201cEk het net \u2019n break<\/em> nodig gehad, Anna. Dit is j\u00fd wat weier om ons \u2019n tweede kans te gee vandat ek terug is.\u201d<\/p>\n W\u00e1t? N\u00e1 die skok, verwerping, persoonlike groei en finansi\u00eble selfstandigheid waartoe hy my gedryf het, soek hy \u2019n tweede kans?<\/p>\n \u201cHierdie gesprek is verby, Cobus. Moenie vergeet om die veeartsrekening te betaal nie.\u201d<\/p>\n Ek vlug in die half opgepakte huis in voordat Cobus kan sien dat ek bewe.<\/p>\n <\/p>\n","protected":false},"excerpt":{"rendered":" Vindiesel is erg siek en Annemieke jaag teen middernag veearts toe waar \u2019n Griekse god van \u2019n man haar inwag … Deur Bernette Bergenthuin. Foto Pixabay<\/p>\n","protected":false},"author":8,"featured_media":75154,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[43452,3476],"tags":[239,1518,4119],"class_list":["post-75148","post","type-post","status-publish","format-standard","has-post-thumbnail","hentry","category-lees","category-ontspanning","tag-verhaal","tag-kortverhaal","tag-vervolgverhaal"],"acf":[],"yoast_head":"\nEk kyk op. Wow. Kan hierdie Griekse god \u2019n veearts wees?<\/em><\/h4>\n