Die baard-brille het name. Henk, Dewald en Lafras. Dit is nou my base en die direkteure van ManJfique Designs (Edms) Bpk.<\/p>\n
\u201cJy het nou nog nie \u2019n kantoor nie, A,\u201d s\u00ea Lafras verskonend. \u201cSodra ons kontantvloei op die been is, sal ons vir jou een inrig. Jou werkstasie is voorlopig hier in die ontvangsgedeelte.\u201d<\/p>\n
\u201cHier is darem \u2019n koffiemasjien,\u201d troos Dewald.<\/p>\n
\u201cOns het ook vir jou \u2019n behoorlike rekenaar opgestel. Hier is Wi-Fi en alles,\u201d s\u00ea Lafras trots. \u201cOnthou, Vrydae loop ons eenuur tensy ons \u2019n dreigende deadline<\/em> het.\u201d<\/p>\n Ek knik effe oorweldig …<\/p>\n \u201cE, so waarmee begin ek?\u201d<\/p>\n Ek voel soos \u2019n skooldogtertjie in graad een. S\u00ea nou ek verstaan glad nie die tekstielbedryf nie? Ontwerp is een ding, maar materiaal, weeftegnieke, digtheidstoetse \u2013 daarvan weet ek niks.<\/p>\n \u201cHenk gaan jou eerste onder sy vlerk neem.\u201d Dewald kyk streng na Henk, d\u00ede was tot dusver grafstil en kyk my uitdrukkingloos aan. \u201cHy gaan vandag kli\u00ebnte spreek oor die matte, gordyne en muurpapier van \u2019n nuwe hotelgroep.\u201d<\/p>\n \u201cO?\u201d Ek kyk na Henk. Beslis die moeilikste van die baard-brille. \u201cWatter groep?\u201d<\/p>\n \u201cParadise Hotels. En vergeet sommer nou van palmbome. Ek doen nie palmbome nie,\u201d antwoord Henk nukkerig en kyk op sy indrukwekkende horlosie. \u201cJy kan jou goedjies neersit en gaan pieps, ons ry oor vyftien minute. Die kli\u00ebnt is in Johannesburg en ek stop nie langs die pad nie.\u201d<\/p>\n Waarin het ek my begewe? Wie praat so met ander mense? Maar ek dink aan my afspraak met die eiendomsagent later vanmiddag en glimlag asof my ablusiegewoontes elke dag aan my voorgeskryf word. Ek kort blyplek, \u2019n mediese fonds en moderne werksklere. Ek het hierdie betrekking nodig. \u201cEk sal gereed wees.\u201d<\/p>\n <\/p>\n <\/p>\n \u201cBarend, ek weet nie of die werk vir my is nie.\u201d Ek snuif en vee lastige trane af terwyl ons na \u2019n meenthuiskompleks in die Ooste van die Ooste van Pretoria soek. Ek wou nooit in meenthuis-manie woon nie, nou weet ek nie eens of ek dit sal kan bekostig om hier te woon nie.<\/p>\n \u201cIs dit nou net omdat Henk mislik is? Ek s\u00ea mos vir jou, hy is ongeskik met almal.\u201d<\/p>\n \u201cEn hy bestuur soos \u2019n maniak.\u201d<\/p>\n \u201cRy volgende keer met jou eie kar. Jy chicken<\/em> nie uit voordat jy jou eerste mat-gordyn-muurpapier trio ontwerp het nie, gehoor?\u201d<\/p>\n \u201cJa, Baas Barend,\u201d antwoord ek suur. \u201cOns moet nou naby wees. Die prentjie van die woonstel was ook so Toskaanserig.\u201d<\/p>\n Hy ril. \u201cDaar is darem net iets vreeslik grillerigs aan nuwe geld. Kyk daardie kitsch mansions<\/em> op die bult.\u201d<\/p>\n \u201cBarend, ek kan nie bekostig om snobisties te wees nie. En ek het nie eens nuwe geld nie. Ek het eintlik geen geld nie.\u201d<\/p>\n \u201cOukei, ontspan die boude. Ons is nou hier. Nogal St Tropez. Hierdie spul was duidelik nog nooit oorsee nie.\u201d<\/p>\n Ek maak weer groot o\u00eb en sit toe maar voet aan wal by St Tropez, Oos van Pretoria Oos.<\/p>\n \u201cBaie goeie koop,\u201d draal Huibrie-die-agent. \u201cDie eienaars sluit die gordyne by die koopprys in. Dit is pragtig, sjiffon en tafsy.\u201d<\/p>\n \u201cKlink byna soos \u2019n matriekafskeidrok,\u201d merk Barend droog op.<\/p>\n \u201cTwee slaapkamers, elk met \u2019n en-suite badkamer.\u201d Huibrie kyk tersluiks na my linkerhand. \u201cGaan jy alleen hier woon of is julle \u2026 \u201d<\/p>\n \u201cOns is lewensmaats met \u2019n oop verhouding, die spaarkamer gaan dus goed te pas kom,\u201d s\u00ea Barend asof botter nie in sy mond kan smelt nie.<\/p>\n \u201cO, goed. Wel, die kli\u00ebnte se behoeftes is bo. Ek het ook \u2019n eiendom met vier slaapkamers as julle dalk liewer … \u201d<\/p>\n \u201cDankie Huibrie,\u201d onderbreek ek vriendelik. \u201cEk, e, hou van wat ek sien, maar ek wil my pa ook bring om te kom kyk.\u201d<\/p>\n \u201cDis terrible<\/em>,\u201d verklaar Barend toe ons weer in sy motor sit. \u201cJy kan nie hier bly nie. Dit is \u2019n dagreis van enige ordentlike mall<\/em> af en almal ry met Fortuners.\u201d<\/p>\n \u201cOntspan die boude,\u201d tart ek hom. \u201cGaan jy my nie vra oor my date<\/em> met Xander nie?\u201d<\/p>\n \u201cO! Vertel! Het hy met sy toorstokkie elke gedagte aan Cobus uitgewis?\u201d<\/p>\n \u201cBarend! Natuurlik nie. Ons het gaan eet.\u201d Ek voel hoe my keel dik word. \u201cEn toe bars ek met die wynbestellery in trane uit. Cobus het altyd wyn bestel. Ek kan nie hierdie dating<\/em>-ding doen nie.\u201d<\/p>\n \u201cHemele help ons. Kyk daar op my selfoon. Stuur my kopdokter se nommer na jou foon toe \u2013 kyk by Kop Dokter. Hy is fantasties. En \u2019n catch<\/em>.\u201d<\/p>\n <\/p>\n","protected":false},"excerpt":{"rendered":" Dis haar eerste dag by die nuwe werk. Annemieke voel soos \u2019n skooldogtertjie in graad een tussen die drie manne met die baarde en brille … Deur Bernette Bergenthuin. Foto ter illustrasie Pixabay<\/p>\n","protected":false},"author":8,"featured_media":74976,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[15259,15262,43452,3476],"tags":[14246,1518,4119],"class_list":["post-74973","post","type-post","status-publish","format-standard","has-post-thumbnail","hentry","category-caxton","category-use-only-text","category-lees","category-ontspanning","tag-annemieke-mentz","tag-kortverhaal","tag-vervolgverhaal"],"acf":[],"yoast_head":"\nWaarin het ek my begewe? Wie praat so met ander mense?<\/em><\/h4>\n