Lees ook: Elma Smit leef vreesloos vooruit<\/a><\/p>\nLiebie Opperman, die vervaardiger van Toks en Tjops, was baie be\u00efndruk deur wat hy gesien het, en het Janina \u2019n paar dae later gebel en gevra om die vroulike mede-aanbieder op \u2019n nuwe rugbygeselsprogram te wees. Sy lag lekker as sy onthou hoe sy haarself daaruit probeer praat het. \u201cEk het vir Liebie ges\u00ea ek dink daar is baie ander mense wat baie meer van rugby weet as ek.\u201d Maar \u2019n week of wat later het Liebie weer gebel, en ges\u00ea die werk is hare en klaar.<\/p>\n
Sy sal daardie heel eerste Toks en Tjops-opname saam met Toks, Breyton Paulse en die sangers Bok van Blerk, Robbie Wessels en Theuns Jordaan nie sommer vergeet nie. Gelukkig was daar dadelik \u2019n sinergie tussen almal. \u201cOns het een gulde re\u00ebl op die program: geen ego\u2019s nie. Ek dink dis wat ons program so real<\/em> maak. Dis eintlik net \u2019n lekker geselsie om \u2019n braaivleisvuur. Die enigste verskil is dat daar \u2019n kamera is.\u201d Dis duidelik dat sy dol is op haar werk. \u201cToks en Breyton is baie beskermend teenoor my.\u201d<\/p>\n <\/p>\n
“Ek het vir Liebie ges\u00ea ek dink daar is baie ander mense wat baie meer van rugby weet as ek”<\/em><\/h4>\n <\/p>\n
Maar sy moes maar vinnig \u2019n dik vel kry. \u201cDie kykers se kommentaar op SMS\u2019e en sosiale media is soms verskriklik. Opmerkings soos \u2018kyk haar bakore\u2019 of \u2018Janina het \u2019n kalkoennek\u2019 kan \u2019n mens seermaak. Kyk, ek is nie liggeraak oor kritiek nie \u2013 as jy dink ek het \u2019n rugbyfout gemaak, wys my gerus daarop dat ek daaruit kan leer. Maar om sulke persoonlike goed op \u2019n openbare forum te s\u00ea waar ek myself nie eens kan verdedig nie!\u201d<\/p>\n
Sy beklemtoon haar waardering vir almal wat agter die skerms werk om van Toks en Tjops \u2019n sukses te help maak. \u201cNoudat ek by Afrikaans is Groot agter die skerms werk, waardeer ek hulle n\u00f3g meer. Dis hulle wat ons voor die kamera goed laat lyk.\u201d<\/p>\n
Die belangrikheid van respek is iets wat sy vroeg in haar loopbaan al geleer het. \u201cMaar dis eintlik logies, of hoe? \u2019n Mens moet jou medemens respekteer, maar jy moet ook mense se vaardighede respekteer. Of dit nou die kameraman of die grimeerkunstenaar is. Jy moet ook jou plek ken \u2013 ek kan nie vir \u2019n kameraman sy werk probeer leer nie.\u201d<\/p>\n
Haar pad het met \u2019n ompad geloop tot by haar huidige loopbaan. \u201cEk was klaar ingeskryf vir verpleegkunde aan die PUK, maar die dag toe die deposito betaal moet word, het ek van plan verander.\u201d Drama het gewen, iets wat heel logies klink toe jy hoor albei haar ouers was in die Alabama-studentegeselskap. \u201cMy pa, Pieter, was die voorsitter van Alabama, en my ma, Isobet, was die eerste vrouekomediant in die geselskap.\u201d Janina se suster Lianne was ook lid van Alabama. \u201cSo, die PUK is maar in my bloed. Maar ongelukkig het hulle nie \u2019n dramadepartement nie, en moes ek Tukkies toe.\u201d<\/p>\n
Sy skerts dat haar ma \u201cso effens gesug het\u201d toe Janina die voltooide aansoekvorm vir Tukkies bring om te teken. \u201cMaar sy kon my nie eintlik keer nie. Drama is ook in my bloed.\u201d<\/p>\n
<\/p>\n
“\u2019n Mens moet jou medemens respekteer, maar jy moet ook mense se vaardighede respekteer”<\/em><\/h4>\n <\/p>\n
Haar kinderdae was allesbehalwe vervelig.<\/p>\n
\u201cMy ma was Marike de Klerk se persoonlike assistent, en my pa was Magnus Malan se privaatsekretaris. Ek en my sussie het lekker rondgehol in die gange van Libertas, die destydse eerste minister se ampswoning in Pretoria, en Groote Schuur, die ampswoning in Kaapstad.\u201d Haar ouers is deesdae albei onderwysers.<\/p>\n
Op haar eerste dag op Tuks het sy \u2019n Tuks FM-banier gesien wat ges\u00ea het \u201cWil jy op radio wees\u201d? Sy het op die ingewing van die oomblik aansoek gedoen en ondanks die \u201ch\u00e9\u00e9l aakligste onderhoud van my lewe\u201d die werk gekry. Sy skaterlag toe sy verduidelik hoe \u2019n gesukkel dit was om die ateljeekontroles te leer bemeester. \u201cEk het daai toets seker vier keer gedop, en was dalk die mens wat die heel langste gevat het om op lug te kom.\u201d Maar die saadjie vir uitsaai is vir ewig geplant.<\/p>\n
Aan die einde van haar eerste jaar het sy gedink dis klaar met radio, maar toe nooi die bekende Tim Zunckel haar om saam met hom die ontbytprogram op die stasie aan te bied. Sy het ook programme saam met Robbie Kruse (deesdae by 5FM) en Andre Kunz (OFM) aangebied. \u201cIn my derde jaar was ek gelukkig genoeg om die verkeersverslae vir Jacaranda saam te stel. Ek was nou wel nog nie op lug nie, maar dit was \u2019n voet in die deur.\u201d Hierna het die geleenthede vinnig gekom: binne drie maande \u2019n eie program op Jacaranda, nuusleser op e.TV, vyf jaar lank die verkeersverslaggewer op Martin Bester se program en, les bes, sportverslaggewer op Jacaranda.<\/p>\n
<\/p>\n
Wat het radio haar geleer?<\/h4>\n
<\/p>\n
\n
\u201cDissipline, en dat niemand onvervangbaar is nie. Die bedryf is piepklein, en mense praat met mekaar. Jy kan nie \u2019n slegte reputasie bekostig nie.\u201d En, herhaal sy: \u201cRespek vir jou medewerkers se vaardighede. Dis iets wat ek eintlik al as dramastudent geleer het.\u201d<\/p>\n
Janina is al twee jaar gelukkig getroud met Ryno van Niekerk. Hy werk by \u2019n sitrusuitvoermaatskappy. Hulle het mekaar op \u2019n vriend se partytjie ontmoet, maar Janina het eers agterna gehoor dit was nie \u2019n terloopse ontmoeting nie. \u201cHy het my op Lady Rugga gesien en ges\u00ea hy wens hy kan my ontmoet.\u201d Toe re\u00ebl haar vriendin dit. Maar Janina het dinge glad nie maklik gemaak vir die arme Ryno nie. \u201cEk het vreeslik hard to get<\/em> gespeel, en elke keer wanneer hy my uitgevra het \u2019n verskoning gehad. Vyf weke lank. Toe besluit hy eendag hy gaan my nog \u00e9\u00e9n keer bel. En as ek weer weier, dan\u2019s dit verby.\u201d Maar daardie aand het Janina dadelik ingestem om iets te gaan drink, en die res is geskiedenis. Hulle woon in die ooste van Pretoria saam met hul twee honde. \u201cCody is Mamma se oudste en Django Mamma se mooiste, maar nie noodwendig Mamma se slimste nie,\u201d skerts sy oor haar hondekinders.<\/p>\nJanina het onlangs hierdie foto op Instagram gedeel:<\/p>\n<\/div>\n