Presies twee weke gelede het my wederhelf uitgevind die hand wat hy die vorige dag by die werk beseer het, is gebreek.<\/p>\n
Nou kyk, \u2019n been-af man, het ek al agtergekom, is \u2019n vreemde spesie. So, ek was nogal angstig oor wat \u2019n af-hand man aan\u2019t huis sou behels.<\/p>\n
Die gebreekte hand is dieselfde dag deur die ortopeed gespalk en Meneer moes eers langnaweek hou met die seer hand voor sy teaterbesoek die Dinsdagmiddag.<\/p>\n
Sal dit nie sommer hardop erken nie, maar ek het die arme af-hand man sommer baie jammer gekry, want hy was nog nooit sedert hy sy verstand gekry het (ons sal nie n\u00f3\u00fa in hierdie debat betrokke raak nie), in die hospitaal nie \u2013 wat nog onder die mes.<\/p>\n
Na \u2019n senutergende naweek waar hy hardkoppig \u2013 maar, weliswaar nie hardhandig nie \u2013 steeds daarop aangedring het om motor te was en al sy gewone huishoudelike dinge te doen, het die dag van die operasie aangebreek.<\/p>\n
Hy was kalm. Ek het gemaak of ek kalm is.<\/p>\n
Want, sien, ek was in my lewe al so \u2019n stuk of 13, 14 keer in die teater. En ek w\u00e9\u00e9t dis baie minder senutergend as dit jyself is wat met daai onbetaamlike blou jurkie teater toe gestoot word. As dit \u2019n geliefde is, is dit veel, veel erger. Mens voel so magteloos en die bekommernis fladder soos \u2019n lastige spreeu op die krop van jou maag.<\/p>\n
Na skool het ek en die kinders in die hospitaalkamer gaan sit en wag. Die prosedure het toe \u2019n anderhalfuur langer geduur as deur die ortopeed voorspel en my senuwees en die kinders se geduld was op.<\/p>\n
Gelukkig het alles voorspoedig verloop en Manlief is met \u2019n n\u00f3g groter spalk reeds dieselfde aand ontslaan.<\/p>\n
Almal met kinders weet dat s\u00f3 \u2019n dag uit roetiene sy tol eis en ons is almal vroeg bed toe \u2013 een met sterk pynmedikasie en een met \u2019n glas verwerkte wingerdsap vir die senuwees.<\/p>\n
Ek het nog gegiggel oor die boodskappe van simpatie wat \u00e9k gekry het, want \u201calmal weet mos hoe \u2019n siek man is\u201d. Maar, ek moet erken dat die pasi\u00ebnt onder my dak glad nie s\u00f3 iesegrimmig was soos ek en almal voorspel het nie. Ook glad nie kleinserig nie. Hy het sy pille gesluk en gaan rus as hy pyn het en verder was hy nie vreeslik veeleisend nie.<\/p>\n
Dis net dat sy inherent iesegrimmige verpleegster nogal gesukkel het om gewoond te raak daaraan dat daar soggens skielik iemand in haar lewensruimte en hardop dinkspasie is.<\/p>\n
Waar ek voorheen soggens die kinders by die skool gaan aflaai het en teruggekeer het na \u2019n stil huis waar ek eers \u2019n stil sug van verligting kon slaak voor ek my Franse popmusiek of lafs\u00f4ngs kliphard kon speel, was daar nou iemand anders om in ag te neem.<\/p>\n
As ek my rug draai om iets te gaan haal, is die ketel wat ek sopas gekook het, drooggeskink in s\u00fd koffiebeker. Die koerant wat ek op die skoolroete gekoop en sopas neergesit het om te lees, het skielik voete gekry.<\/p>\n
Selfs die twee ou bejaarde katte se roetine was versteur en al het hulle geen besware daarteen gehad dat die bed nie meer so gereeld opgemaak en hulle afgeboender word nie, het hulle met tye miaauend deur die huis gedwaal.<\/p>\n
Ek het soms gevoel om te deel in die kattekoor.<\/p>\n
Daar was ook skielik kommentaar oor hoeveel waspoeierkapsules ek gebruik, hoe gereeld ek die skottelgoedwasser aanskakel\u2026 Alles dinge waaroor \u2019n onwillige huishoudster nie nog boonop verslag wil lewer nie.<\/p>\n
Die kersie op die koek was egter toe ek voor die stoof weg geskouer is sodat hy in die potte kan loer en speserye na s\u00fd voorkeur byvoeg en m\u00fd gereg roer soos h\u00fd dink nodig is.<\/p>\n
T\u00f3\u00e9 het twee weke siekverlof sy vervaldatum bereik en die komplimente oor my kos was mosterd na die maal.<\/p>\n
En, nou is Meneer vanoggend na twee weke weer terug werk toe \u2013 harrekwas, want hy is eintlik ses weke afgeboek. Tien minute n\u00e1 hy gery het, het ek my skootrekenaar in sy sak gepak en koers gekies na \u2019n koffiewinkel om te kom sit en werk.
\nWant, die huis is skielik net t\u00e9 stil.<\/p>\n","protected":false},"excerpt":{"rendered":"
Presies twee weke gelede het my wederhelf uitgevind die hand wat hy die vorige dag by die werk beseer het, is gebreek. Nou kyk, \u2019n been-af man, het ek al agtergekom, is \u2019n vreemde spesie. So, ek was nogal angstig […]<\/p>\n","protected":false},"author":4,"featured_media":40951,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[682],"tags":[106,1464],"class_list":["post-7408","post","type-post","status-publish","format-standard","has-post-thumbnail","hentry","category-blogs","tag-ina-genade-se-blog","tag-rooi-rose-blogs"],"acf":[],"yoast_head":"\n