{"id":73204,"date":"2023-05-31T10:20:19","date_gmt":"2023-05-31T08:20:19","guid":{"rendered":"http:\/\/novanews.co.za\/rooirose\/?p=73204"},"modified":"2023-05-31T10:22:50","modified_gmt":"2023-05-31T08:22:50","slug":"waterwys-met-droogtebestande-tuine","status":"publish","type":"post","link":"https:\/\/novanews.co.za\/rooirose\/waterwys-met-droogtebestande-tuine\/","title":{"rendered":"Waterwys met droogtebestande tuine"},"content":{"rendered":"

Droogtebestande tuine hoef nie hard, klipperig en dor te wees nie. Die besondere skoonheid van die Kaapse blommeryk<\/strong> is \u2019n goeie voorbeeld daarvan.<\/p>\n

Jy kan vir seker \u2019n lieflike, sagte voorkoms skep met lowerryke aanplantings en die voorkoms verder versag met interessante detail. Probeer \u2019n seildrapering oor die leefplek, \u2019n vo\u00eblkou wat aan \u2019n boom of prieel hang, ou, karaktervolle tuingereedskap, \u2019n grasroller teen die muur (uit die dae toe daar w\u00e9l nog \u2019n grasperk was) of plant geharde plante soos Viola<\/em> of Crassula<\/em> in \u2019n ou stewel en hang dit iewers op.<\/p>\n

\u2019n Watertuin<\/strong> skep altyd \u2019n gevoel van koelte, al is daar harder elemente in die res van die omgewing, soos groot klippe en \u2019n heining van houtpale teen die agtergrond van \u2019n dro\u00eb landskap.<\/p>\n

\"Watertuin\"

Watertuin<\/p><\/div>\n

Die waterelement in jou tuin kan enigiets wees. Dink aan \u2019n sinkemmer in \u2019n bak met water wat in die bak oorloop. Hou die emmer vol met \u2019n pyp wat daarin loop. Die bak word toegepak met groot klippe om dit veilig vir kinders te maak. Rietbesems rond die prentjie af.<\/p>\n

Daar is talle droogtebestande, inheemse plante<\/strong> wat uitstekend vir vormsnoei is, soos soutbos en Searsia<\/em> (voorheen Rhus<\/em>) crenata<\/em>. Jy kan \u2019n interessante spel met vorm en tekstuur skep deur vormgesnoeide plante met ander struktuurplante, soos aalwyne, te kombineer en af te wissel met plante wat natuurlik groei. Selfs al is daar niks wat blom nie, lyk dit steeds treffend.<\/p>\n

Wees \u2019n bietjie waaghalsig en verf die tuinmuur<\/strong> met \u2019n ongewone kleur, soos helder blou, lemmetjiegroen en selfs pienk of pers. Rond dit af met skakerings van grys wat alles mooi saambind.<\/p>\n

\"Gekleurde-tuinmuur\"

Blou tuinmuur<\/p><\/div>\n

Daar is soveel ornamentele grassoorte<\/strong> dat jy byna \u2019n hele tuin daarmee kan maak. Nie almal is inheems nie, maar hulle is meestal baie droogtebestand en groei in \u2019n verskeidenheid klimaatsomstandighede. Probeer al die restio\u2019s, asook Carex<\/em>, Penisetum<\/em>, Festuca<\/em> en Juncus<\/em> wat ook goed in potte aard.<\/p>\n

\"Grassoorte\"

Gras<\/p><\/div>\n

Aalwyne<\/strong>, veral kokerbome en Natalse kus-aalwyne, aard in potte en beddings. Rond die prentje met spoelklippe af.<\/p>\n

Neem die landstreek in ag waarin die plant van nature voorkom. As hulle nie daar baie water kry nie, moet jy seker maak dat jou beddings goed dreineer, want anders gaan hulle sukkel en selfs vrot.<\/p>\n

Vetplante<\/strong> word dikwels met droogtebestande tuine verbind maar nie almal skep \u2019n harde, strak gevoel nie. Daar is baie soorte wat \u2019n heel sagte indruk kan maak, soos Crassula fragilis<\/em> wat op \u2019n afstand amper soos baba-se-trane (peace-in-the-home<\/em>) lyk. Di\u00e9 lyk baie treffend saam met meer gestruktureerde plante, soos dwergaalwyne. Nog \u2019n vetplant wat baie mooi en sag vertoon, is Euphorbia<\/em> met sy stamme wat saam met die seisoene van geel en rooi tot lemmetjiegroen verkleur.<\/p>\n

\"Vetplante-woestynrosies\"

Vetplante<\/p><\/div>\n

Plant wilde kweekspesies<\/strong> (Cynodon<\/em>) en LM\/Berea- of buffelsgras wat steeds koel en sag sal lyk, pleks van die algemene kweek wat maar \u2019n vermorsing van drinkwater bly en beperk moet word.<\/p>\n

Kies ook vetplante as jy te besig of vergeetagtig is om jou plante water te gee. \u2019n Verskeidenheid kleipotte en herbruikbare houers wat as \u2019n groep op \u2019n rak uitgestal word, kan \u2019n nuwe begin wees vir diegene wat al tuinmaak en veral potplante afgeskryf het.<\/p>\n

 <\/p>\n

#rooirosewenke<\/h4>\n

Hier is nog \u2019n paar wenke wat ook kan help dat jou tuin nie al die drinkwater opdrink nie.<\/p>\n