{"id":73023,"date":"2023-05-22T12:55:14","date_gmt":"2023-05-22T10:55:14","guid":{"rendered":"http:\/\/novanews.co.za\/rooirose\/?p=73023"},"modified":"2023-05-22T12:57:43","modified_gmt":"2023-05-22T10:57:43","slug":"vogsproeiers-vir-sinusitis-ja-of-nee","status":"publish","type":"post","link":"https:\/\/novanews.co.za\/rooirose\/vogsproeiers-vir-sinusitis-ja-of-nee\/","title":{"rendered":"Vogsproeiers (humidifiers) vir sinusitis: ja of nee?"},"content":{"rendered":"

\u2019n Vogsproeier vir die huis omskep water in koue stoom (mis) om die vog in \u2019n vertrek te verhoog.<\/p>\n

 <\/p>\n

Moenie \u2019n vogsproeier verwar met …<\/h4>\n

\u2022 Verstuiwers<\/strong> (nebulizer<\/em>) wat op dieselfde beginsel werk maar medisyne in mis omskep sodat jy dit in jou longe, sinusse en lugwe\u00eb kan inasem;
\n\u2022 Ioniseerders<\/strong> wat statiese elektrisiteit opwek en bakterie\u00eb en ander onsuiwerhede uit die lug onttrek. Ioniseerders k\u00e1n so die lug suiwer, maar kenners verskil oor hul doeltreffendheid om \u2019n hele vertrek werklik skoon te hou; en
\n\u2022 Osoniseerders<\/strong> wat gewone lugsuurstof in osoon omskep. Osoon dood mikro-organismes baie doeltreffend maar kan in selfs lae dosisse die longe beskadig. Daarom word osoonterapie in talle lande nie meer toegelaat nie.<\/p>\n

 <\/p>\n

Hoekom sal \u2019n vogsproeier vir sinusitis help?<\/h4>\n

Die slymvliese in jou neusholtes se hooftaak is om slym te vorm \u2013 \u2019n liter daarvan per dag, en baie meer as \u2019n verkouekiem hom in jou neus probeer tuismaak. In die piepkleine ruimte werk hierdie slym soos \u2019n gom: dit vang die stof en kieme wat jy inasem vas en kanaliseer hulle uit na jou neus toe. So sorg dit dat net silwerskoon gefiltreerde lug in jou longe kom. Maar as die kanaaltjies verstop is, kan die mukus nie dreineer nie, wat jou sinusse in \u2019n warm, kosryke blyplek vir mikrobes omskep. Dit lei tot die tipiese inflammasie, druk en pyn wat jy ervaar. Jou slymvliese werk op hul beste as die lug skoon en\/of vogtig genoeg is. Ons binnelandse winterlug is b\u00e1ie droog en lugre\u00ebling by die werk en in die motor, asook kaggels en verwarmers droog die lug verder uit. Dus is \u2019n vogsproeier \u2019n uitstekende oplossing. M\u00e1\u00e1r talle asmalyers ervaar dat vogtige lug hul asma vererger.<\/p>\n

 <\/p>\n

Wat kan jy nog doen?<\/h4>\n

1<\/strong> Gee jou kind ekstra vitamien C en omega-3\u2019s. Volgens Vital is dit noodsaaklik vir gesonde slymvliese.<\/p>\n

2<\/strong> Die Universiteit van Maryland s\u00ea wasabi (die groen skerp pasta by soesji), gemmer, sterk kerrie, hoendersop en tee met heuning en suurlemoen is ontstumiddels wat werklik help om die swelling in die sinusslymvliese te laat sak.<\/p>\n

3<\/strong> As jy nie \u2019n vogsproeier het nie, week \u2019n vadoek in warm water met \u2019n paar druppels bloekomolie in. Droog die vadoek ligweg uit en drapeer dit oor jou gesig.<\/p>\n

4<\/strong> Sorg vir \u2019n plat bak water by \u2019n verwarmer of kaggel om die lugvog aan te vul.<\/p>\n

 <\/p>\n

Wat is …<\/h4>\n

Sinusitis<\/strong><\/em><\/p>\n