Maar, hoe gemaak as jy \u2019n huisvrou is met \u2019n vryskutinkomste wat met tye meer seldsaam is as \u2019n re\u00ebnbui in die Wes-Kaap?<\/p>\n
Jy pak kaste reg! Of, eintlik voer jy \u2019n strategiese skattejag uit in die hoop om op enigiets bruikbaars af te kom wat jy vir kontant kan ruil.<\/p>\n
Maar, laat ek begin by die begin van die week.<\/p>\n
Na \u2019n Moedersdag wat net so kort duskant doller as kopaf gaan draai het by Ongevalle met \u2019n kind wat haar kop oopgeval het, onthou ek Maandag ewe skielik weer dat di\u00e9 einste kind se pa oor minder as \u2019n week verjaar.<\/p>\n
En, ek en ons kroos het nog nie eers \u2019n halwe gedagte wat ons as presente wil koop en hoe ons die ouk\u00earel kan bederf nie.<\/p>\n
Ek het gewapen met my klererekeningkaarte die mall van hoek tot kant deurgedraf en omdat ek self nie eintlik \u2019n voorstander is van \u201csakdoeke en sokkies\u201d in geskenksakkies nie, het ek half moedeloos teruggekeer huis toe.<\/p>\n
Intussen het \u2019n ander plan in my kop gevorm: Ons het s\u00f3 lanklaas met vriende gekuier\u2026 So, wat van \u2019n verrassingspartytjie?<\/p>\n
Die praktiese ventjie op my een skouer het egter gefluister: Jy het reeds nie geld vir \u2019n present nie, hoe op aarde wil jy nog eet- en drinkgoed bekostig?<\/p>\n
Op die ander skouer: Al partytjies waarop ons deesdae kom, is kinderpartytjies. So, dit is sowaar hoogtyd vir \u2019n grootmenskuier\u2026!<\/p>\n
Ek bel \u2019n bekende wat \u2019n gewilde restaurant op die dorp het. Verduidelik my penarie en vra of dit geweldig en vreeslik onbeskof en onverskoonbaar sal wees van my om \u2019n tafel te bespreek vir \u2019n paar vriende en dan te verwag dat hulle \u2019n paar pizzas sal moet deel?<\/p>\n
Nee wat, seg hy. Mense doen dit gereeld.<\/p>\n
Verlig dat ek nie die groeiende lysie gaste op \u2019n driegangmaaltyd sal moet trakteer nie, hoop ek heimlik die man dink nie ek is \u2019n cheapskate<\/em> toe ek nog vra oor kurkfooi ook nie.<\/p>\n Want, sien, as ek dalk \u2019n paar bottels wyn op my Woolworthsrekening kan koop en net in die restaurant kan laat ontkurk, kan dit my ook \u2019n paar sente spaar (of ten minste die drinkgoed maandeliks laat afbetaal).<\/p>\n Aangevuur deur vriende wat via selfoonboodskappe laat weet dat hulle solank Vrydagaand oophou vir die beplande verrassingskuier, nooi ek sommer nog \u2019n paar.<\/p>\n Dis nie net brandewyn wat nie brieke het nie \u2013 \u2019n huisvrou met \u2019n kop vol planne se handrem is toetentaal gebreek.<\/p>\n Met die twee fluisterende knape weerskante op my skouers, het ek dus die kaste in die gastekamer begin fynkam vir nuttige items wat dalk en hopelik hulle gewig in goud werd sal wees.<\/p>\n Ons mikrogolfoond wat in \u2019n steeds werkende toestand plek gemaak het vir \u2019n mikrogolfoond wat ons ge\u00eberf het, is \u2019n moontlikheid.<\/p>\n Selfoonfoto. Wag, delete<\/em> foto. Eerder een sonder die flash<\/em> neem \u2013 dalk lyk die mikrogolf nuwer. Wie het ges\u00ea filters is net op menseselfies van toepassing?<\/p>\n Volgende is \u2019n suedetipe baadjie van die jare voor kinders my uit my mediumgrootte klere laat groei het. Selfoonfoto.<\/p>\n Ah! My krukke van twee jaar gelede se gebreekte voet. Die lopery met krukke daardie Kersfees was so \u2019n seer en ongemaklike gedoente, die krukke is feitlik ongebruik. Ek huiwer egter \u2019n oomblik want toe ek verlede jaar die krukke op ons dorp se koop-en-verkoop-blad adverteer het, was \u2019n gebreekte kleintoontjie minder as \u2019n week later my voorland. Mens tart nie die noodlot nie, maar, hei, geld is geld.<\/p>\n Google hoeveel \u2019n nuwe stel krukke kos. Laai die foto en \u2019n bedrag vir \u2019n derde van die prys van \u2019n nuwe stel op die koop-en-verkoop-blad.<\/p>\n Nou moet ek net wag.<\/p>\n En ek wag toe.<\/p>\n En ek wag toe nog ure.<\/p>\n Groot was my blydskap toe daar sowat agt ure later \u2019n boodskap van iemand wat ek ken kom wat dalk belangstel in die mikrogolfoond. Maar, sy sal weer laat weet. So, ek wag steeds.<\/p>\n Nog \u2019n paar ure later kry ek \u2019n boodskap van iemand wie se kind die krukke sal kan gebruik na \u2019n operasie. Die volgende oggend is daardie transaksie beklink en ek moes net pasop om nie nog \u2019n toon te breek in my huppelende blydskap nie.<\/p>\n Die verrassingsfonds was al sowat drie pizzas sterk. Ons maak vordering.<\/p>\n Die foon lui en \u2019n vriendin wil h\u00ea ek moet haar binnekort ontmoet om weer te gesels oor die bemarking van haar gastehuise. Ons raak aan die gesels en ek vertel van my knoeiplanne om die verjaardagk\u00earel te verras. Sy spot en s\u00ea sy sal vir my van hulle landgoed se wyne bring as ek haar afslag gee op die skryfwerk.<\/p>\n Ek en my reeds oorgewig Woolieskaart slaak verlig \u2019n sug. Viva, die dopstelsel. Ek wonder hoe \u201cwerk vir wyn\u201d op my C.V. sal lyk.<\/p>\n Terwyl ek steeds wag dat die foon moontlik weer piep met iemand wat die baadjie of mikrogolf wil ruil vir kontant, bespied ek steeds in elke vertrek wat daar moontlik te verkope is.<\/p>\n Na \u2019n kaalvoetontmoeting met \u2019n verdwaalde Lego-blokkie, wonder ek hoeveel terapie dit in die toekoms sal verg vir die 10-jarige se trauma sou sy wrede ma sommer die hele krat vol Lego\u2019s verkwansel.<\/p>\n Sy agtjarige sussie het ook nou al aangebied om by die mall se ingang te gaan staan en sing vir \u2019n geldjie as ek net sal ophou na haar poppe kyk s\u00f3 asof ek pryse op hulle koppe plak.<\/p>\n Arme kinders, dink ek. Maar, hei. Dis vir \u2019n goeie doel.<\/p>\n Met nog net 24 uur oor voor die verjaardagverrassing, kon ek darem nog \u2019n paar sent uit my uitasem kredietkaart wurg en aangesien niemand (oud, maar veral jonk) nog tot dusver uitgepraat het (waarvan ek weet nie) en ek betyds die WhatsApp-uitnodiging kon onderskep voor ek dit ingedagte aan my man ook stuur, is alles gere\u00ebl vir die groot verrassing.<\/p>\n Dit is t\u00e1f op \u2019n konkelende, bankrot huisvrou se reeds oorwerkte breinselle om \u2019n verrassing te re\u00ebl en dit dan boonop ook \u2019n verrassing te h\u00f3\u00fa \u2026<\/p>\n <\/p>\n","protected":false},"excerpt":{"rendered":" Ek is mal daaroor om vir iemand \u2019n verrassing te re\u00ebl (onthou nou, maats, twee r\u2019e en twee s\u2019e \u2013 die ander een is ek glad nie gek oor nie). Blog deur Ina Genade. Ek is mal daaroor om vir iemand \u2019n verrassing te re\u00ebl (onthou nou, maats, twee r\u2019e en twee s\u2019e \u2013 die ander een is ek glad nie gek oor nie). Blog deur Ina Genade. Foto Pixabay<\/p>\n","protected":false},"author":8,"featured_media":72495,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[682,15259,55176,15262,3476],"tags":[1245,2299],"class_list":["post-72488","post","type-post","status-publish","format-standard","has-post-thumbnail","hentry","category-blogs","category-caxton","category-ina-genade","category-use-only-text","category-ontspanning","tag-bloggers","tag-ina-genade"],"acf":[],"yoast_head":"\n