Die 85-jarige hardloper Deirdre Larkin het onlangs aan die gesogte Geneva-halfmarathon deelgeneem en Switzerland verower. Carte Blanche het haar avonture op kamera vasgevang en die uittreksel is Sondagaand, 14 Mei 2017, op televisie uitgesaai. Deirdre het in Februarie vanjaar (2017) \u2019n nuwe w\u00eareldrekord vir vroue bo die ouderdom van 85 opgestel nadat sy die vorige\u00a0rekord met 20 minute gebreek het!<\/p>\n
Anet Schoeman het in 2013 met die merkwaardige Deirdre gesels as deel van \u2019n artikel oor drie inspirerende vroue: “Slaan ouderdom \u2019n kishou<\/em>.” Di\u00e9 artikel het in die November-uitgawe van daardie jaar verskyn. Hier is die uittreksel oor Deirdre:<\/p>\n <\/p>\n Loop jy vir Deirdre Larkin (85) van Fontainebleau, Randburg, toevallig in die winkels raak, sou jy haar aan die arm wou neem en by die trappies ophelp, of aanbied om haar inkopiesakke vir haar te dra. Sy lyk broos en klein; \u2019n skrale 1,58 m en \u2019n veergewig van 40 kg. Die duur, ingeloopte Saucony-hardloopskoene aan haar voete en die spiere in haar boarms kon jou dalk hond se gedagte laat kry, en veral wanneer jy agterkom dat sy vinniger as jy stap.<\/p>\n Vertel sy jou dat sy in Mei 2013 die w\u00eareldrekord vir vroue ouer as 80 in die 10 km-wedloop met \u2019n blitsige tyd van 54:17 laat spat het, besef jy dat jy hier met \u2019n perd van \u2019n ander kleur te make het. Sy het ook die vorige aand gehoor dat sy gekies is om Suid-Afrika in Oktober 2013 by die w\u00eareldkampioenskapsbyeenkoms in Brasili\u00eb te verteenwoordig,<\/p>\n Wat haar storie nog meer besonders maak, is dat hierdie konsertpianis eers op 78 begin hardloop het. Omdat sy met een rugwerwel te min gebore is, het sy nooit aan sport deelgeneem nie en n\u00e1 \u2019n groot rugoperasie op 38 kon sy met moeite \u2019n teekoppie optel. Toe osteoporose vroeg in haar sewentigerjare by haar gediagnoseer is, moes sy haar lewe verander.<\/p>\n Geen medikasie wou met haar akkordeer nie en sy het uit radeloosheid \u2019n dieetkundige gaan spreek (sy is die afgelope vyftien\u00a0jaar \u2019n vegetari\u00ebr) en met ligte oefening begin. \u2019n Biokinetikus het haar aanvanklik behandel maar toe die mediese fonds nie meer daarvoor wou betaal nie, het sy groepoefeninge soos joga, pilates en Fitness League probeer.<\/p>\n Buiten Fitness League het nie een van die oefeninge vir haar gewerk nie, tot sy in 2009 begin draf het.<\/p>\n \u201cDit was aanvanklik \u2019n gesukkel,\u201d vertel Deirdre. \u201cEk het drie tree gestap en drie tree gedraf.\u201d<\/p>\n Haar eerste wedloop was in 2010 – die Randburg Harriers Club<\/em> (waarvan sy nou \u2019n lid is) se 10 km- Valentynsdag-wedren wat sy in 1:25 voltooi het. Daarna was daar geen keer aan die blitsige ouma van vyf kleinkinders nie. Dit was die eerste van 36 wedlope in 2010, en die jaar daarna het sy dit tot 58 opgeskuif.<\/p>\n In 2012 het sy haar visier op pryse gestel. Hoewel sy ouer as tagtig is, moes sy in die bo-70-kategorie deelneem – in kleiner wedlope bo 60 – maar sy het nogtans daarin geslaag om talle pryse te wen en die meeste naweke een of twee wedlope te hardloop. Sy het selfs in die bo-70-groep vanjaar se Two Oceans<\/em>-halfmarathon in 2:11 gewen.<\/p>\n Maar niks het haar voorberei op die verrassing van \u2019n w\u00eareldrekord (54:17) in die 10 km-wedloop in Mei 2013 by die SA kampioenskapsbyeenkoms in Durban nie.<\/p>\n \u201cAl hoekom ek so vinnig gehardloop het, was om te voorkom dat ek \u2019n gek van myself maak,\u201d vertel sy beskeie. \u201cDaar was \u2019n baie sterk atleet agter my wat op my hakke gebly het, en dit het my aangespoor.\u201d<\/p>\n Om alles te kroon het sy en di\u00e9 atleet in die eerste rondte \u2019n verkeerde draai geneem en byna 20 m ekstra gehardloop. Maar eers tien dae later het haar seun besef sy het die w\u00eareldrekord (voorheen 56:53, gehou deur \u2019n Duitse atleet) verbeter.<\/p>\n \u201cEk ly nog aan skok en is daagliks verstom oor my sukses! Dis ongelooflik.<\/p>\n \u201cHardloop is soveel pret en opwinding. En die bonus is dat my beendigtheid verbeter het. Ek lees onlangs van \u2019n ouer vrou wat kla oor hoe eensaam sy is omdat haar kinders haar verwaarloos. Ek is te besig om eensaam te wees. Naweke is vol pret met al my wedlope. Hardlopers is vriendelike mense – hulle motiveer my baie. Ek kan nie van my vier kinders verwag om my besig te hou nie. Hulle ondersteun my ten volle, maar het hul eie besige lewe.<\/p>\n \u201cEk dink nooit oor die ouderdom nie. Ek pas aan by hoe ek voel en luister na my liggaam. Ek hoor gedurig mense s\u00ea hulle is \u2018te oud\u2019 vir dit of dat. Maar dan het hulle nog nie eens probeer om \u2019n nuwe uitdaging aan te pak nie.\u201d<\/p>\n Deirdre woon alleen n\u00e1 haar man, John, vyftien jaar gelede oorlede is.<\/p>\n Sy hardloop vier keer per week en spring soggens halfses (ja, selfs in die winter) weg vir haar 8 km. Sy begin net n\u00e1 vyf met haar strek- en kragoefeninge vir opwarming en as sy terugkom, doen sy weer strekoefeninge.<\/p>\n Wat motiveer haar?<\/p>\n <\/p>\n <\/p>\nBreek \u2019n w\u00eareld-rekord<\/h4>\n
\u201cEk hardloop uit vrees! Vrees dat ek my beweeglikheid kan verloor. En hoewel ek soms nie so lus is vir oefen nie, is dit lekker sodra my bloedsirkulasie aan die gang is.\u201d<\/em><\/h4>\n