Afbrekende verhoudings kom in baie vorme en in alle gemeenskappe voor en is nie altyd vir buitestanders sigbaar nie. Soms is die gelowige, gemanierde, professionele man met die sagte stem by die huis, wanneer ander nie hoor nie, \u2019n aggressiewe, moeilike bullebak. Miskien het die vriendelike, versorgde vrou by die huis \u2019n vlymskerp tong wat bitter krities en verbaal afbrekend kan wees. Dit is dikwels \u2019n stryd om die uitwerking wat afbrekende ouers op kinders het te stop, want ander mense glo jou gewoon nie.Mishandeling en misbruik gaan oor meer as net bloukolle, kneus- en seerplekke. Die seerste seer kan dikwels nie gewys word nie, want die stukkende plekke is aan die binnekant. Hul geloof in hulself en selfwaarde is afgebreek. Hulle verloor hul geloof in mense en dit laat hul lewensbeskouing dat mense goed is en die w\u00eareld \u2019n veilige plek, verkrummel.<\/p>\n
Kinders is weerloos as hulle uitgelewer word aan situasies wat vir hulle onbeheerbaar en onvoorspelbaar is. Dit saai emosionele verwoesting en disori\u00ebntering wanneer hulle nie weet hoe en waar om te keer dat dit nie weer gebeur nie.<\/p>\n
In baie gewone gesinne waar alles op die oog af goed gaan en almal gelukkig is, is emosionele mishandeling ook deel van die prentjie. Wanneer die ouer heeltyd oorkrities is, ervaar die kinders dikwels dat wie hulle is, of niks wat hulle doen, ooit goed genoeg is nie . Kinders word emosioneel mishandel wanneer hulle voortdurend verkleineer, gedreig, beskuldig, verneder of skeldname genoem word, maar ook wanneer hulle op \u2019n negatiewe wyse met ander vergelyk word, of telkens moet hoor hulle is treurig, lui, sleg of waardeloos.<\/p>\n
\u2019n Kind wat verwerp en met stilstuipe ge\u00efgnoreer word, of fisieke kontak en die fisieke uitdrukking van liefde onts\u00ea word, word ook mishandel. Dikwels reken ouers dis hul reg \u00e9n plig om kinders \u2019n goeie pak slae te gee, maar di\u00e9 \u201ctugtiging\u201d kan soms aan fisieke mishandeling grens. Die grense van gesonde dissipline word oorskry wanneer die ouer die kind in woede gryp en fisiek straf in \u2019n poging om hom te beheer; of as vrees \u2019n dissiplin\u00eare meganisme word en die ouers se gedrag en die grense daarvan vir die kind onvoorspelbaar is. Sulke kinders leer om baie versigtig te wees, want hulle weet nooit wat tot di\u00e9 onbeheerste optrede sal lei nie. Dis ook nie leersaam of motiverend nie. Dis dikwels vir ouers wat in \u2019n eie problematiek en oorlewingstryd gewikkel is, baie moeilik om vir hul kinders te gee wat die kind werklik nodig het. Die kinders moet dit maar ontgeld.<\/p>\n
Dis ironies dat dit juis vir hulle baie moeilik is om afstand van \u2019n ouer se afbrekende gedrag te kry sonder om verwerping te ervaar, of te internaliseer dat die fout by hulle l\u00ea.Afbrekende optrede is meestal erger wanneer daar drank- en dwelmmisbruik, erge konflik en gesinsgeweld ter sprake is. \u2019n Wanfunksionele leefstyl soos dronkenskap, stel kinders ook aan allerlei potensieel gevaarlike situasies bloot. Dit lei dikwels tot dreigemente en erge manipulasie wat die volslae beheer en afsondering van die kind insluit en op fisieke en emosionele verwaarlosing en mishandeling uitloop.<\/p>\n
Dit hou \u2019n ernstige bedreiging vir kinders se emosionele, fisieke en sielkundige welstand in, veral as dit \u2019n chroniese situasie is. Kinders in di\u00e9 soort omstandighede onttrek hulle op \u2019n sosiale vlak omdat hulle nie kans sien om maats huis toe te bring nie. Hulle neem hulself vir die omstandighede kwalik en is geneig om te onderpresteer. Kinders leer dikwels die wanfunksionele gedrag aan en gebruik ook wanfunksionele gedrag, soos aggressie om ander te beheer, of om uiting aan hul stres en frustrasie te gee. Sommige reageer weer deur emosionele afgestompheid, angs of depressie, of leer nooit om gesonde grense vir ander te stel en hulself te beskerm nie omdat hulle so lank nie bestendigheid of beheer in hul lewe ervaar het nie. As volwassenes is hulle dikwels geneig om weer in sulke verhoudings betrokke te raak.<\/p>\n
Volgens die Suid-Afrikaanse Grondwet het elke kind die reg om teen mishandeling, verwaarlosing, misbruik of vernedering beskerm te word. Maar die werklikheid is dat dit vir mense moeilik is om \u2019n eggenoot of familielid aan te meld. Hulle is bang vir die gevolge daarvan, vir hulself, maar ook vir die ander een. Mishandelaars en misbruikers is dikwels ook meester-manipuleerders en -intimideerders om aanmelding te voorkom.<\/p>\n","protected":false},"excerpt":{"rendered":"
Afbrekende verhoudings kom in baie vorme en in alle gemeenskappe voor en is nie altyd vir buitestanders sigbaar nie. Soms is die gelowige, gemanierde, professionele man met die sagte stem by die huis, wanneer ander nie hoor nie, \u2019n aggressiewe, […]<\/p>\n","protected":false},"author":4,"featured_media":12934,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[651],"tags":[1703,1704],"class_list":["post-7184","post","type-post","status-publish","format-standard","has-post-thumbnail","hentry","category-verhoudings","tag-afbrekende-ouers","tag-woorde"],"acf":[],"yoast_head":"\n