Paul se trefferboek, The Shack<\/strong><\/em>, het in 2008 verskyn. \u2019n Boek wat sonder enige amptelike bemarking en slegs deur word of mouth<\/em> 76 weke lank boaan die New York Times se tophonderd boeke gestaan het.<\/p>\n Di\u00e9 voormalige verkoopsman – ook kontrakteur, versekerings-agent en telekombemarker – het oornag w\u00eareldbekend geword.<\/p>\n \u201cEk het nog altyd geskryf. Al was dit net in my dagboek, briewe vir my vrou en vriende, nuusbriefinhoud vir die maatskappye vir wie ek gewerk het … maar dat ek ooit as \u2018\u2019n skrywer\u2019 beskou sou word, het as \u2019n groot verrassing gekom.\u201d<\/p>\n Paul se agtergrond is baie ongewoon \u2013 en was nie altyd so aangenaam nie. Hy\u2019s sestig jaar gelede in Kanada gebore, maar het die grootste deel van sy kinderjare in Nederlands-Nieu-Guinea (Wes-Papoea) deurgebring.<\/p>\n \u201cEk het tussen die Dani grootgeword, tegnies \u2019n Steentydperk-stam. Ons was letterlik die eerste wit mense wat hulle ooit aanskou het.\u201d<\/p>\n Paul se pa was \u2019n sendeling en die mense van di\u00e9 vreemde stukkie aarde was sy roeping.<\/p>\n \u201cDie Dani het my familie geword. As die eerste wit kind, of buiteling, wat hul taal leer praat het, het ek die wonderlike voorreg gehad om in hul kultuur en gemeenskap opgeneem te word.\u201d<\/p>\n Hy wys vir my \u2019n foto van hom, nog in sy doek, tussen die klomp kaal kindertjies. Liefde en beskerming straal uit die foto, so te midde van die oerwoudomgewing.<\/p>\n \u201cHoewel hulle soms oorlog gemaak het, steeds hul geeste en voorvaders aanbid en selfs bekend is daarvoor dat hulle soms kannibalisme toegepas het! – het hulle ook \u2019n aardse en diepe erkenning van identiteit.<\/p>\n \u201cDit het my vir altyd bygebly. Teen die tyd dat ek kosskool toe moes gaan, was ek so te s\u00ea \u2019n wit Dani.\u201d<\/p>\n <\/p>\n <\/p>\n Sy lewe tot nou toe was ook nie sonskyn en roosblare nie. Hy\u2019t \u2019n paar letsels opgedoen, sommiges diepsnydend en blywend. Paul is as jong seun seksueel gemolesteer. Om die saak te vererger, was dit sy eie pa, die sendeling, wat dit aan hom gedoen het.<\/p>\n \u201cDit was vyftig jaar gelede … Dit het die gesig van my pa, die gesig van God, vir my uitgewis,\u201d s\u00ea hy peinsend. Nou, dekades later, hang daardie skaduwee nog oor hom.<\/p>\n In sy huwelik van meer as dertig jaar was daar nog \u2019n vertrouens-verbreking: hy het sowat 19 jaar gelede \u2019n affair<\/em> gehad,<\/p>\n \u201cDit het my jare gevat om terug te keer na die vlak van vergifnis en aanvaarding waar ons nou is.\u201d<\/p>\n Iets is krapperig in ons albei se o\u00eb …<\/p>\n Hy gaan sag voort: \u201cDis miskien \u2019n paar feite van my lewe, maar dit is nie die volle verhaal nie. Ek was op \u2019n reis wat sowel ongelooflik as ondraaglik was. En ek het desperaat gesoek na genade en vergifnis.<\/p>\n \u201cDie feite vertel jou eintlik niks van die inherente pyn van lewensverliese wat amper te swaar was om te dra nie; van middernagtelike skreeue ten hemele oor onreg en ongeregtighede; van \u2019n hoop selfhaat en skande wat jou wil versmoor of van jou kop af wil laat gaan; van lewensdrome wat jy opgefoeter het en teleurstelling wat jy oor jouself laat kom het.<\/p>\n \u201cEn dit vertel ook nie van die kernkrag van liefde en vergifnis, of van die harde pad tot by versoening, die verbasende helingskrag van genade en die omarming van jou gemeenskap, van die transformasie van heelword, en dan die uiteindelike ware geluk nie.\u201d<\/p>\n <\/p>\n <\/p>\n Oor Eve<\/em><\/strong>, sy nuwe boek, praat hy met entoesiasme en ooglopende liefde. \u201cVroue is \u2019n herroeping van ons menslikheid,\u201d of soos hy dit so mooi stel: \u201cwomen are the call back to our humanity<\/em>.\u201d<\/p>\n \u201cOor die algemeen behandel mans verhoudings soos grond. Die gesin is veronderstel om die gesin te wees, maar vroue is eeue lank gedemoniseer. In die oorvertellings is die vrou altyd die verleidster, die bose \u2013 dink maar aan die Haarlem-heksejag – die vrou as die oorsprong van sonde … \u201d<\/p>\n Hy raak lig aan my arm.<\/p>\n \u201cOns, die mens, het die vermo\u00eb verloor om een te word en om om te gee.\u2019<\/p>\n Ek vra hom oor sy skeppingsbeskouing. Is hy \u2019n kreasionis? Of \u2019n evolusionis? Hy grinnik.<\/p>\n \u201cOp \u2019n manier albei. Ek dink nie die twee is onversoenbaar nie, inteendeel. Jy kan my \u2019n \u2018old earth creationist<\/em>\u2019 gekruis met \u2019n \u2018scientific theologian<\/em>\u2019 noem. Ek glo beslis aan \u2019n Intelligente Ontwerper. God. Of, soos dit in die Koran s\u00ea, en dis in meervoud, Elohim. En die gees, is ek oortuig, is vroulik.\u201d<\/p>\n Hy val homself in die rede.<\/p>\n \u201cHet jy geweet die woorde vir \u2018womb<\/em>\u2019 (baarmoeder) en \u2018mercy<\/em>\u2019 (genade) het in hierdie ou geskrifte dieselfde stamboom, soos die Bybel, die Torah en die Koran?<\/p>\n \u201cDie vroulike dimensie van die godheid is nog altyd ge\u00efgnoreer, hetsy deur eerste vertalers, of predikante, teolo\u00eb, filosowe … Dis \u00f3ns wat die polarisasie geskep het. Ons. Mans. Die mens.\u201d<\/p>\n Paul weet sy godsbeskouing en interpretasie van gelowige tekste is vir sommige mense uitdagend en moeilik verteerbaar. Trouens, in Amerika was daar \u2019n hele groep predikante wat hom daaroor veroordeel het. Maar terselfdertyd het hy miljoene mense se siele aangeraak met The Shack<\/em>, toe Crossroads<\/em>, en nou moontlik sy \u201cuitdagendste\u201d boek, Eve<\/em>. En terselfdertyd het net so \u2019n groot groep denkers en teolo\u00eb hom begin steun.<\/p>\n <\/p>\n <\/p>\n Die gewildheid van The Shack<\/em> was vir hom \u2019n algehele verrassing. Die boek handel oor \u2019n pa wat sy dogter in tragiese omstandighede verloor, en haar \u2013 en homself \u2013 in \u2019n hut in die bosse vind. Dit is \u2019n geestelike reis aan die hand van \u2019n lieflike roman, en het \u2019n aar raakgeboor in lesers, Christene en ander, w\u00eareldwyd. Dit is veral sy vernuwende interpretasie van geloof en sy belewenis van God wat mense laat regop sit het. Dit is \u2019n boek oor tragedie en triomf, en sal jou ook uitdaag om met ander o\u00eb na die lewe te kyk.<\/p>\n \u201cEk het dit eintlik vir my kinders en my vriende geskryf, op versoek van my vrou, Kim. Sy wou h\u00ea ons kinders moet verstaan \u2018waar hul pa se vreemde kop\u2019 vandaan kom … \u201d Hy lag terwyl hy liggies teen sy slaap tik.<\/p>\n \u201cAanvanklik was dit so \u2019n dunnerige boekie, en dit moes maar eintlik net my persoonlike reis, spiritueel en andersins, omarm. Een naweek in die shack<\/em> moes 38 jaar se roete en soeke verbeeld: selfvergifnis en die soeke na die vergifnis van my Papa.\u201d (Paul noem God \u201cPapa\u201d en hoewel sommige mense nie gemaklik met di\u00e9 eieheid is nie, s\u00ea hy dit verwoord sy verhouding met s\u00fd God.<\/p>\n <\/p>\n <\/p>\n Hy het aanvanklik net 15 kopie\u00eb laat druk, een elk vir sy ses kinders en \u2019n paar vir vriende. Twee van die vriende het hom aangemoedig om die boek te publiseer, maar 26 afkeurings later het hulle besluit om dit self uit te te gee.<\/p>\n \u201cTwee vriende het gehelp om die boek te herskryf, groter te maak, en ons het almal ons kredietkaarte leeggemaak om die eerste paar duisend boeke te druk. \u2019n Derde vriend het bygekom en saam het hulle spesiaal Windblown Media<\/em> as die uitgewer vir The Shack<\/em> geskep.<\/p>\n \u201cWel, toe word dit \u2019n golf. En ons het werklik geen bemarking gedoen nie. Die bre\u00ebr bewussyn van die boek het net mondelings versprei. Al hoe meer mense het bestellings geplaas en baie het op die koop toe tien op \u2019n slag gekoop om ook vir ander vriende te gee. Ons moes heeltyd net meer druk. Dit was \u2019n ongelooflike tyd. Ek het my nog nooit as \u2019n skrywer beskou nie, maar ek doen dit nou.\u201d<\/p>\n Daardie \u201cgolf\u201d het tot gevolg gehad dat The Shack<\/em> in 2008 en 2009 w\u00eareldwyd vir \u2019n rekordtydperk boaan topverkoperlyste was. Daar is intussen ook \u2019n fliek gemaak van The Shack<\/em> wat in 2017 op die silwerdoek verskyn. Sy volgende boek word ook reeds verfilm vir n\u00f3g \u2019n grootskermproduksie.<\/p>\n <\/p>\nDertien skole later het hy al geleer \u201cevery hallo is just another goodbye waiting to happen\u201d<\/em><\/h4>\n
Feite, s\u00ea Paul, help \u2019n mens dalk verstaan waarom iemand in \u2019n krisis was, maar dit verdoesel ook die ware aard van daardie mens.<\/em><\/h4>\n
![\"Paul](\"https:\/\/novanews.co.za\/rooirose\/wp-content\/uploads\/2017\/05\/Paul-Young-500x500.jpg\")
<\/p>\n\u201cMy invloede, benewens die heilige geskrifte \u2013 ek het teologie studeer, onthou! \u2013 sluit denkers uit alle oorde in, soos Kierke-gaard, CS Lewis, Jacques Ellul, selfs Kahlil Gibran.\u201d<\/em><\/h4>\n
\u201cEk lewe onbeskaamd \u2019n lewe van geloof en liefde, en die vrees wat ons vir onsself met die Allerheiligste geskep het, is \u2019n mensgemaakte ding.\u201d<\/em><\/h4>\n
Kyk hier na die voorskou van The Shack<\/em><\/h4>\n