Menopouse is \u2019n woord wat jou\u00a0woordeskat ongenooid binnesluip.\u00a0Die een oomblik is jy nog jonk, die\u00a0volgende doem die begrip \u201cmiddeljarig\u201d\u00a0voor jou op. En as mense van\u00a0gemoedskommelings, \u2019n toename in\u00a0gewig en \u2019n afname in libido begin\u00a0praat, kan \u2019n voortydige warm gloed\u00a0(suiwer angs) jou tref. Wat wag wanneer\u00a0jy aan die einde van jou vrugbare\u00a0jare kom?<\/p>\n
\u201cDaar kan heelwat\u00a0verkeerd loop\u00a0tydens en n\u00e1\u00a0menopouse,\u00a0maar ek verkies\u00a0om vroue te wys op alles wat r\u00e9g kan loop,\u201d\u00a0s\u00ea dr. Christiane Northrup, bekende\u00a0Amerikaanse ginekoloog, vrouegesondheidskenner\u00a0en topverkoperskrywer. \u201cDis \u2019n\u00a0mite dat vroue op vyftig oor die muur is.\u00a0Inteendeel: ons beste jare l\u00ea dan voor. Ek\u00a0beklemtoon graag dat ons liggame ontwerp\u00a0is om grenslose genot te ervaar – en dit sluit\u00a0die opwindendste seks van jou lewe in.\u201d<\/p>\n
In The Secret Pleasures of Menopause<\/em>\u00a0brei dr. Northrup op haar onortodokse\u00a0sienswyse uit. Vreugde, s\u00ea sy, is net \u2019n\u00a0kopskuif ver. Hier verwys sy na vervulling\u00a0op alle lewensgebiede: fisiek, emosioneel,\u00a0verstandelik en spiritueel.<\/p>\n \u201cDie tydperk van sowat ses tot dertien\u00a0jaar wat tot jou laaste maandstonde –\u00a0gemiddeld op 52 – lei, is \u2019n uitsonderlike,\u00a0biologies ondersteunde geleentheid om\u00a0geboorte te gee aan \u2019n nuwe jy.<\/p>\n \u201cHormoonveranderings veroorsaak nie\u00a0net algemeen bekende simptome soos\u00a0borsteerheid en \u2019n gebrek aan konsentrasie\u00a0nie; dit be\u00efnvloed ook die manier waarop\u00a0ons dink en inligting verwerk. Baie vroue\u00a0voel byvoorbeeld sterker oor onreg en\u00a0spreek hulle makliker daarteen uit. Ons\u00a0intu\u00eftiewe vermo\u00ebns verskerp. Omdat ons\u00a0nie meer lewensenergie gebruik om\u00a0maandstondes te h\u00ea en babas te kry nie,\u00a0ervaar baie van ons die drang om iets\u00a0nuuts te skep, of dit nou \u2019n gedig of \u2019n nuwe\u00a0onderneming is. Vergete drome kom klop\u00a0weer aan. Dis asof jou siel s\u00ea: \u2018Wanneer is\u00a0dit my\u2019 beurt?\u2019\u201d<\/p>\n Om jou lewe in hero\u00ebnskou te neem, is\u00a0al klaar \u2019n angswekkende vooruitsig – laat\u00a0staan nog jou deur leefstyl- en ander veranderings\u00a0te herskep. Is dit die moeite\u00a0werd?<\/p>\n Die menopouse is nie net \u2019n gulde\u00a0geleentheid hiervoor nie, maar \u2019n wekroep\u00a0waarvoor jy jou kwalik doof kan hou, s\u00ea dr.\u00a0Northrup. \u201cVan tienertyd tot in ons veertigs\u00a0is ons liggame meer vergewensgesind.<\/p>\n As jy oorspanne of oorwerk is, rook, verkeerd\u00a0eet, te veel drink en te min oefen,\u00a0kan jy steeds redelik gesond voel. In die\u00a0middeljare raak dit moeiliker. Vroue wat\u00a0die menopouse emosioneel of voedingsgewys\u00a0uitgeput binnegaan, toon die ernstigste\u00a0simptome, en ervaar ook later swakker\u00a0gesondheid. Daarenteen sukkel vroue wat\u00a0gesonder leef minder met \u2019n verlies aan\u00a0beendigtheid en geslagsdrang, kardiovaskul\u00eare\u00a0probleme, depressie, vergeetagtigheid\u00a0en so meer.<\/p>\n \u201cOns vergeet ook dat ons liggame\u00a0akkurate barometers is van die mate waarin\u00a0ons in ooreenstemming met ons sielswysheid\u00a0leef. As jy jou diepste gevoelens\u00a0en verlangens bly verontagsaam, miskien\u00a0omdat jy bang is jy sal die mense na aan\u00a0jou ontstig, kan jy meer las van menopousale\u00a0simptome verwag. Die liggaamsielverband\u00a0neem tydens die menopouse toe.\u201d<\/p>\n In \u2019n neutedop: om die meeste te maak\u00a0van die jare wat vir jou voorl\u00ea, is dit van\u00a0deurslaggewende belang om die dinge te\u00a0heroorweeg wat op verskillende gebiede\u00a0vir jou werk of nie. Die uitslag hoef nie \u2019n\u00a0neerdrukkende lys van moets en moenies\u00a0te wees nie. Inteendeel: volg jy dr. Northrup\u00a0se raad, sal jy jou tot blywende verandering\u00a0verbind juis omdat jy die goeie gevolge aan\u00a0eie lyf ervaar. Veranderings wat jy treetjie\u00a0vir treetjie maak, kan op die lange duur\u00a0meer energie, eiewaarde en lewensvreugde\u00a0beteken. Klink dit nie aanloklik nie?<\/p>\n <\/p>\n Die geheime bestanddeel<\/span> <\/p>\n Hoe sou jy voel as iemand jou sou beskryf\u00a0as \u2019n vrou wat plesier najaag? Ons kultuur\u00a0het gemengde gevoelens oor die spontane\u00a0genieting van die sensuele. Baie van ons\u00a0het grootgeword met die onuitgesproke\u00a0oortuiging dat lekkerkry sleg of sondig is.<\/p>\n Genot word dikwels beskou as \u2019n vermorsing\u00a0van tyd, of iets wat ons met harde\u00a0werk moet verdien. Daarby staan haar eie\u00a0plesier vir menige vrou agter di\u00e9 van haar\u00a0gesinsgenote in die ry.<\/p>\n In The Secret Pleasures of Menopause\u00a0<\/em>voer dr. Northrup aan dat die daaglikse\u00a0ervaring van genot noodsaaklik is vir\u00a0gesondheid en geluk – dis nie bloot \u2019n luukse\u00a0nie. Sy staaf die aanspraak deur te wys\u00a0op onlangse navorsing oor stikstofmonoksied,\u00a0\u2019n gas wat deur ons liggame vervaardig\u00a0word.<\/p>\n Wanneer jy iets lekkers ervaar, word\u00a0stikstofmonoksied deur die voering van jou\u00a0bloedvate vrygelaat. Dit stimuleer jou\u00a0bloedsomloop sodat jou selle flukser gevoed\u00a0en afvalstowwe vinniger verwyder\u00a0word. Sellul\u00eare inflammasie wat met hartsiektes,\u00a0kanker, diabetes en beroerte verbind\u00a0word, word hierdeur beperk.<\/p>\n Stikstofmonoksied stimuleer ook die\u00a0produksie van neuro-oordragstowwe soos\u00a0beta-endorfien – wat pyn verdoof en gevoelens\u00a0van ekstase skep – en prolaktien, die\u00a0sogenaamde verbintenishormoon.<\/p>\n Prolaktien word onder meer tydens borsvoeding\u00a0en orgasme vrygestel en laat jou\u00a0nader aan jou baba of geliefde voel.<\/p>\n Stikstofmonoksied bevorder kommunikasie\u00a0tussen die denkende en niedenkende\u00a0dele van jou brein. Jou gedagtes het \u2019n\u00a0onmiddellike uitwerking op die niedenkende\u00a0deel wat onder meer jou asemhaling,\u00a0hartklop en bloeddruk reguleer. Dink jy \u2019n\u00a0positiewe gedagte, sorg stikstofmonoksied\u00a0dat al jou organe \u2019n kragtige \u201calles is wel\u201d-\u00a0boodskap kry.<\/p>\n Stikstofmonoksied sneller\u00a0ook aksies soos weefselherstel en die\u00a0weerstand wat jou witbloedselle teen infeksie\u00a0bied. \u2019n Groot voordeel van stikstofmonoksied\u00a0is dat dit \u2019n gas is en blitsig deur\u00a0selmembrane kan beweeg.<\/p>\n Stikstofmonoksied gee nie net jou\u00a0gesondheid en gemoedstoestand \u2019n hupstoot\u00a0nie; navorsing wys dat ho\u00eb vlakke\u00a0daarvan tot diepgaande spirituele ervarings\u00a0kan lei.<\/p>\n Wanneer jy daarenteen gespanne bly\u00a0en selde plesier ervaar, vervaardig jou liggaam\u00a0streshormone wat jou stikstofmonoksiedvlakke\u00a0laat daal. Irritasie, frustrasie,\u00a0terneergedruktheid en selfs woede kan die\u00a0gevolg wees. \u201cDis dan wanneer jy na vinnige\u00a0verligting gryp – \u2019n oormaat suiker,\u00a0kitskos, alkohol, koffie, sigarette of verdowingsmiddels.\u00a0Jy voel beter, maar op die\u00a0lange duur het jy al hoe meer van jou quick\u00a0fix <\/em>nodig, soms met noodlottige gevolge.<\/p>\n Dis baie sinvoller om jou brein en lyf daagliks\u00a0met stikstofmonoksied vol te maak.\u201d<\/p>\n <\/p>\n Hoe doen jy dit?<\/strong><\/span><\/p>\n <\/p>\n Al is jou stikstofmonoksiedvlakke hoe laag,\u00a0is dit nooit te laat om dit doelbewus te\u00a0begin opstoot nie. Die geheim is om elke\u00a0dag daaraan aandag te gee. \u201cDie molekules\u00a0se leeftyd is enkele sekondes. Ons kan dit\u00a0nie stoor nie. Jou liggaam kan hope daarvan\u00a0vervaardig, maar dit gebeur nie outomaties\u00a0nie. Jy moet jou daarop toespits. Gelukkig\u00a0kan dit lekker wees!\u201d<\/p>\n Die eerste stap is om opbouende\u00a0gedagtes te kies. Binne hierdie raamwerk is\u00a0positiewe denke nie net \u2019n modewoord nie;\u00a0hoe jy dink, het \u2019n meetbare invloed op jou\u00a0welsyn.<\/p>\n Positief wees beteken allermins dat jy\u00a0negatiewe gevoelens onderdruk. \u201cDis\u00a0essensieel om jou emosies te voel en op \u2019n\u00a0gesonde manier uit te druk. Neem \u2019n oomblik\u00a0om vas te stel hoekom jy so voel, en\u00a0verander die omstandighede of jou reaksie\u00a0daarop. Jy sal tog nie in vuil badwater bly\u00a0sit nie! Dieselfde geld emosies soos leed en\u00a0vrees.<\/p>\n \u201cOnthou ook dat die middeljare emosioneel\u00a0stormagtig kan wees. Diep verborge\u00a0emosies kan nou na vore kom. Talle\u00a0vroue ervaar woede oor omstandighede\u00a0wat hulle vroe\u00ebr gelate aanvaar het. Soms\u00a0voel dit soos die einde omdat jy \u2019n rol, verhouding,\u00a0leefstyl of posisie wat meer energie\u00a0verg as wat dit jou gee, wil laat gaan.<\/p>\n Sien dit as die geboortepyne van \u2019n nuwe\u00a0self en kry terapeutiese hulp as jy moet.\u201d<\/p>\n Die volgende stap is om so gesond\u00a0moontlik te leef. Werk saam met \u2019n gesondheidskundige\u00a0om toestande soos ho\u00eb\u00a0bloeddruk onder beheer te kry. \u201cLet op hoeveel\u00a0beter jy voel as jy verstandig eet, aanvullings\u00a0ryk aan anti-oksidante neem,\u00a0genoeg water drink, oefen en slaap, en\u00a0ophou rook.\u201d<\/p>\n Aktiwiteite soos joga, meditasie, massering,\u00a0akupunktuur, kalmerende musiek,\u00a0seks en lekker lag wakker stikstofmonoksiedvlakke\u00a0aan.<\/p>\n Bederf jou waar jy kan. Behalwe salonbehandelings,\u00a0\u2019n nuwe haarstyl en so meer,\u00a0kan jy jou voete elke aand liefdevol met\u00a0room insmeer. \u2019n Ander oefening wat aanvanklik\u00a0ongemaklik kan wees, maar jou\u00a0selfbeeld ingrypend kan verbeter, is om\u00a0dertig dae lank twee keer per dag voor die\u00a0spie\u00ebl te staan en met liefde na jouself te\u00a0kyk, soos na \u2019n klein kindjie. S\u00ea: \u201cEk aanvaar\u00a0myself onvoorwaardelik.\u201d Pleks van jou\u00a0maag te kritiseer, dink jy byvoorbeeld daaraan\u00a0dat dit besondere kinders in die w\u00eareld\u00a0help bring het. Hoe jy jouself sien, bepaal\u00a0hoe jy oor jouself voel en ook hoe ander jou\u00a0waarneem.<\/p>\n <\/p>\n SLAAPKAMERSAKE<\/strong><\/span><\/p>\n <\/p>\n In The Secret Pleasures of Menopause l\u00ea dr. Northrup klem op praktiese maniere om\u00a0meer seksuele vervulling te ervaar.<\/p>\n \u201cSolank jy fisiek en emosioneel gesond is, is\u00a0daar geen ouderdomsbeperking op passie nie. Ons is almal tydens orgasme verwek;\u00a0dit spreek vanself dat genot ons geboortereg is. Goeie seks begin in jou kop.\u00a0As jy jou sintuie doelbewus voed, sal jy ontvankliker word vir plesier.\u201d<\/p>\n Jy kan jou sensuele sy volgens dr. Northrup s\u00f3 \u2019n hupstoot gee:<\/p>\n Maak \u2019n lang lys van alles wat jou plesier gee. Is dit vars blomme, \u2019n skuimbad of\u00a0\u2019n aandjie uit? Beplan jou dag om verskeie vreugdes in te sluit. Sien dit as \u2019n voorskrif\u00a0vir gereelde dosisse stikstofmonoksied.<\/p>\n Herbedraad jou gedagtegang. Eien gedagtes soos \u201cEk is te oud\u201d of \u201cEk is nie\u00a0meer mooi nie\u201d, maar moet hulle nie summier veroordeel nie. Vervang hulle algaande\u00a0deur positiewer gedagtes. Di\u00e9 proses vra geduld.<\/p>\n Lees romanses, kyk na sensuele flieks, luister na romantiese musiek – wat jou\u00a0ook al lekker laat voel.<\/p>\n \u2019n Vrou wat begeerlik voel, is magneties. Wanneer ons leer om op genot te fokus,\u00a0eerder as om ons gedurig met een of ander onbereikbare ideaal te vergelyk, word\u00a0ons waarlik sexy – maak nie saak wat ons rokgrootte is nie.<\/p>\n Neem verantwoordelikheid vir jou tevredenheid tussen die lakens. S\u00ea of wys vir\u00a0jou maat wat jy genotvol vind. Dit kan jy natuurlik net doen as jy jou liggaam ken.\u00a0Die mites rondom masturbasie is besig om te verdwyn. Dis \u2019n gesonde aktiwiteit\u00a0wat onder meer jou bloedsomloop stimuleer, en \u2019n sinvolle opsie vir mense sonder\u00a0maats.<\/p>\n Onbevredigende seks kan beteken dat jy te sterk op orgasme fokus. Geniet eerder\u00a0die fisieke en emosionele nabyheid. Die reis is belangriker as die bestemming.\u00a0Di\u00e9 soort veranderinge kan weerstand, skuldgevoelens en selftwyfel sowel as kritiek\u00a0van jou nabymense ontlok. Werk daardeur. Herinner jouself gereeld dat \u2019n\u00a0doelbewus sensueler manier van leef in belang van jou gesondheid is – jou gewig,\u00a0slaappatroon, bloeddruk en hormoonvlakke – alles vind baat daarby. Les bes sal \u2019n\u00a0vervullender leefstyl jou lewensvreugde wyer laat uitkring: \u201cVroue wat in hul middeljare\u00a0blom, voed ander met kragtige lewensenergie.\u201d<\/p>\n <\/p>\n
\n<\/strong><\/p>\n