Liewe Steve,
\nNou\u2019s jy 50.<\/p>\n
Geweet jy deel di\u00e9 mylpaal met Sandra Bullock, Courtney Love, Courteney Cox, Wynonna Judd, Melissa Gilbert, Russell Crowe, Nicolas Cage, Matt Dillon, Rob Lowe, Elle Macpherson, Mary-Louise Parker, Keanu Reeves, Calista Flockhart, Marisa Tomei, Teri Hatcher en nog \u2019n hele paar ander? Interessante, rebelse lotjie, as ek di\u00e9 Klub van Vyftig<\/strong> s\u00f3 bekyk.<\/p>\n Vyf dekades, \u2019n halfeeu oud. In di\u00e9 tyd het jy dit reggekry dat mense jou aanbid \u00e9n verafsku, toustaan om jou te sien en hoor \u00f3f draaie om jou loop, tydskrifte en koerante koop as jy die hoofstorie word \u00f3f lang debatte voer oor hoe jy die nasie opsweep, aanpraat en aanvat.<\/p>\n Daar\u2019s di\u00e9 wat van jou hou en di\u00e9 wat jou haat. Di\u00e9 wie se knie\u00eb jy laat knak en di\u00e9 wie neusoptrekkerig ander pad kyk.<\/p>\n En ek? Ek het geweet, maar weet nie meer hoe ek oor jou voel nie. Vandag wil ek eintlik net s\u00ea: baie geluk. Omdat my ma my so grootgemaak het \u2013 verjaardae bring koek, presente \u00e9n vergifnis.<\/p>\n Eendag, eendag as ek die moed bymekaar het om jou tromp-op te loop as ek jou hoed-oor-die-o\u00eb tussen die boekwinkel se rakke sien skuil, wil ek jou sitmaak vir koffie en \u2019n lang rits vrae vra. Ek wil praat oor wat jy lees, wat jy skryf en wat jy regtig dink van die goed wat jou aanhangers \u00e9n haters alles in die openbaar kwytraak. Oor jou. En oor jou mense. Ek wil weet hoekom jy doen wat jy doen as jy nie sing of skryf nie.<\/p>\n En nee. Ek wil nie praat oor Die Stem-gedoente nie, net soos ek destyds nie wou praat oor of luister na Bok van Blerk se Ons vir jou Suid-Afrika nie. Daai goed sit nie vir my lekker nie. Of wag, dalk, net dalk moet ons t\u00f3g daaroor praat.<\/p>\n Jy ken my nie (die enigste ooreenkoms tussen ons is dat ons in dieselfde week verjaar), al pryk daar iewers op my elektronika verskeie foto\u2019s van ons saam. Foto\u2019s wat my familie en vriende veroordelend laat grinnik. Ek steur my lankal nie.<\/p>\n Sien, ek dink jy\u2019s \u2019n goeie ou. \u2019n Pa wat dit regkry om in die openbaar \u2019n saamgestelde kroos groot te kry. D\u00edt sit nie in elke ou se broek nie. En ja, \u2019n briljante bemarker.<\/p>\n Ek kan nie ignoreer dat jy behoeftes van \u2019n bepaalde mark aanspreek nie. Soms, soms dink ek (dalk na\u00efef) dat hul reaksie oor jou manewales baie meer s\u00ea oor hulle as oor jou. Maar dis nie waaroor hierdie brief gaan nie.<\/p>\n Ek skryf om te s\u00ea: baie geluk. Jy\u2019s vyftig. Vier dit.<\/p>\n