In antieke tye was borsvoeding die enigste manier om \u2019n baba se honger te stil, reg? Nie noodwendig nie! In Egipte is houers wat bababottels kon gewees uit die tydperk 2000 voor Christus opgegrawe, en in Rome is \u201cbababottels\u201d van klei gevind in die graffies van babas wat gebore is tussen die eerste en die vyfde eeu na Christus. Bababottels is dus geen nuutjie nie.<\/p>\n
Tog kan ons aanvaar dat borsvoeding millennia lank die botoon gevoer het. In die Weste was dit ook die aangewese manier van doen, totdat dit in die vroe\u00eb jare van die twintigste eeu in lande soos die VSA en Kanada \u2019n negatiewe kleur gekry het. Sommige mense het gemeen dis \u2019n \u201congekultiveerde\u201d praktyk, en dat baba- of formulemelk baie meer gesofistikeerd is.<\/p>\n
Die gebruik van babamelk het toegeneem, veral n\u00e1 die Tweede W\u00eareldoorlog, en in die laat jare sestig \u2019n piek bereik. Sedertdien beleef borsvoeding \u2019n opbloei.<\/p>\n
<\/p>\n
Die wenner is \u2026 Noorwe\u00eb! Hier, nes in Swede en Denemarke, maak ruim swangerskapverlof dit maklik vir ma\u2019s om lank te borsvoed. Hulle kan tot 49 weke volbetaalde swangerskapverlof neem, of 59 weke teen 80% van hul salaris. Boonop is werkende vroue geregtig op borsvoedingsbreuke tydens hul werksdag.<\/p>\n
Talle kraamhospitale in Noorwe\u00eb word deur die W\u00eareldgesondheidsorganisasie of WHO as \u201cbabavriendelik\u201d geklassifiseer. Dit beteken hulle aanvaar geen gratis babamelk of bottels van privaatmaatskappye nie, en die personeel word opgelei om ma\u2019s te help borsvoed van \u2019n halfuur na die baba se geboorte tot weke nadat hulle die hospitaal verlaat het. Advertensies van bottelmelk is taboe.<\/p>\n
Die uitkoms van hierdie maatre\u00ebls is die hoogste borsvoedingstatistiek van alle ontwikkelde lande: 99% van die babas wat in Noorwe\u00eb gebore word, word ten minste deels geborsvoed, en 80% van hierdie babas geniet die voorreg tot op ses maande, of later. Noorwe\u00eb se klein bevolking (net sowat 50 000 geboortes per jaar) en die feit dat die bevolking relatief\u00a0homogeen is in terme van opleiding, inkomste en sosiale denke, tel in hul guns.<\/p>\n
Ma\u2019s voed hul babas sonder skroom op busse, in parke, restaurante of winkels. Die nadeel is dat ma\u2019s wat nie wil of kan borsvoed nie, die wenkbroue laat lig.<\/p>\n
<\/p>\n
Weens \u2019n baie ho\u00eb voorkoms van wanvoeding onder Peruviaanse kinders, het die regering borsvoeding \u2019n beleidsprioriteit gemaak. Sedert die jare negentig word gesondheidswerkers opgelei om borsvoeding aan te moedig en soveel moontlik steun aan ma\u2019s te verleen. Vroue met kinders onder 12 maande mag ook borsvoedingsbreuke neem by die werk.<\/p>\n
Elke Augustus, tydens Internasionale Borsvoedingsweek, organiseer die Departement van Gesondheid kompetisies om te sien watter vrou haar kleinding die langste aaneen kan voed. Hierdie benadering werk! In 1992 is minder as 20% van alle Peruviaanse babas uitsluitlik geborsvoed. Teen 2012 het die syfer gestyg na 67.5%.<\/p>\n
<\/p>\n