Ek het al daarvan gelees. \u2019n Buiteliggaamlike ervaring. Die vlieg-teen-die-muur gevoel. Asof jou lewe \u2019n fliek is wat hom voor jou afspeel. Ek beleef tans so \u2019n oomblik. En dan word die vlieg teen die muur \u2019n vlieg in die salf of die wyn of die werklikheid. \u201cSkei? Jy wil skei?\u201d<\/p>\n
Cobus kyk my halfbedremmeld aan. \u201cJammer Anna. Ek weet dit is onverwags. Die ding het my net so onkant betrap. Ek … \u201d<\/p>\n
\u201cDie ding?!\u201d Ek spring op. \u201cWatse d\u00edng, Cobus? Het die ding \u2019n naam? Dra sy \u2019n rok? Waddehel gaan met jou aan!\u201d<\/p>\n
Cobus is nou ook regop. \u201cAnnemieke, jy is histeries my skat. Sit, dan maak ek vir ons rooibos sodat ons rustig hieroor kan praat.\u201d<\/p>\n
Ek gaan sit maar. Oukei. Vandag het soos elke ander dag begin. Cobus se wekker het halfses begin skree. Hy het dit doodgedruk. Ons het kwart voor ses opgestaan. Hy het aangetrek vir werk terwyl ek vir hom All-Bran in \u2019n bakkie gegooi het, met warm melk soos wat hy daarvan hou. Ons het Nespresso-cappuccinos gedrink. Cobus is werk toe. En toe hy terugkom, wil hy sommer skei. Ek verstaan dit nie. My gedagtes voel soos \u2019n Kersfees-koekstruif.<\/p>\n
\u201cEk het suiker in jou tee gegooi. Dit sal help vir die skok.\u201d<\/p>\n
Ek troetel die beker tussen my hande.\u201cIs jy verveeld? Moet ons nuwe dinge probeer, dalk \u2019n bietjie Fifty Shades of Grey<\/em> lees? Ek weet dat ek soms konserwatief is, maar ek kan aanpas.\u201d<\/p>\n \u201cAnna, dit is nie jy nie, dis ek.\u201d Hy haal diep asem. \u201cHierdie is nie wat ek uit die lewe wil h\u00ea nie. Ek wil ongebonde wees. Ek wil reis, plekke sien en mense beleef. Ek wil \u2019n boek skryf oor iets.\u201d<\/p>\n Ek kyk verslae na my man. My beste vriend. My hele w\u00eareld.<\/p>\n \u201cCobus. Jy is \u2019n aktuaris. Julle skryf nie boeke nie. Jy was veronderstel om die veiligste belegging van al my vlerkslepers op universiteit te wees! Jy bestel altyd dieselfde gereg by dieselfde restaurant. Jy laat jou onderbroeke stryk. Hoe gaan jy sonder my in vreemde lande oorleef?\u201d<\/p>\n Hy skuif nader, \u2019n vreemde glimlag lig sy ganse gelaat op. \u201cDit is juis die punt, Anna! Wie is Cobus sonder Annemieke? Wie is Cobus Mentz?\u201d<\/p>\n Ek voel tranerig. My keel is dik. Ek gaan nou geen argument kan wen nie, as daar ooit \u2019n argument op die tafel is. Ek voel hoe my gesigspiere onwillekeurig begin vertrek. Hier kom dit nou. Ek huil. Katte en honde.<\/p>\n \u201cSjjj … Ons sal dit uitwerk. Ons gaan oukei wees, jy sal sien.\u201d<\/p>\n Ek snuit my neus met sy Pringle-of-Scotland hemp.<\/p>\n <\/p>\n <\/p>\n \u201cIs hy van sy kop af?\u201d Lian\u00e9 se stem grens aan histerie.<\/p>\n \u201cHy het klaar besluit, ek kan dit sien. Wat gaan ek doen, Lian\u00e9?\u201d<\/p>\n \u201cJy gaan my m\u00f4reoggend agtuur kom sien, dit is wat jy gaan doen. Ons gaan Cobus vat vir alles wat hy het. Hy gaan op \u2019n donnerse w\u00eareldreis moet gaan om sy skuldeisers te ontduik wanneer ons die dag met hom klaar is.\u201d<\/p>\n Lian\u00e9 is \u2019n prokureur. En hoewel ek nie vir Cobus wil vat-vir-alles-wat-hy-het nie, het sy dalk \u2019n punt beet. Sien, ek werk nou al vir \u2019n bietjie meer as \u2019n jaar glad nie. Ek is mos getroud. Wel, nou is ek drie en dertig, werkloos en amper geskei.<\/p>\n \u201cWaarvan gaan ek lewe? Sherbet, Lian\u00e9, ek gaan moet werk soek! Waar begin ek? Niemand gaan my ernstig opneem nie, ek het \u2019n hele jaar koek gebak en gebalanseerde aandetes gekook.\u201d<\/p>\n \u201cDit is later se bekommernis. S\u00ea eers vir my, hoe gaan jy die nuus aan jou ma oordra?\u201d<\/p>\n \u201cDalk moet ek net stilbly daaroor en wag tot sy dit agterkom? Dalk n\u00e1 drie of vier vakansies sonder Cobus?\u201d<\/p>\n My vriendin lag oor die lyn.<\/p>\n \u201cSkuus, dit is nie snaaks nie.\u201d Sy sug. \u201cKan hy nie op sy w\u00eareldreise gaan, kyk of hy oor sy geite kom, en dan net voortgaan met julle huwelik asof niks gebeur het nie?\u201d<\/p>\n \u201cEk het gevra. Die antwoord is nee.\u201d<\/p>\n My selfoon vibreer teen my oor. \u201cHier is nou eers \u2019n ander \u2013 ag hel, dit is my ma. Ek bel jou nou-nou.\u201d<\/p>\n Ek haal diep asem en kyk na die skerm, huiwerig om te antwoord.<\/p>\n Dit is dan nou so.<\/p>\n Welkom by die ontnugterende ontwaking van Annemieke Mentz.<\/p>\n","protected":false},"excerpt":{"rendered":" Geniet saam met ons die eerste aflewering in \u2019n reeks dramatiese gebeure in die lewe van ons heldin, Annemieke Mentz. Deur Bernette Bergenthuin. Foto Pexels<\/p>\n","protected":false},"author":8,"featured_media":69116,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[43452,3476],"tags":[14246,3434,14244],"class_list":["post-69072","post","type-post","status-publish","format-standard","has-post-thumbnail","hentry","category-lees","category-ontspanning","tag-annemieke-mentz","tag-ons-mense","tag-rubrieke"],"acf":[],"yoast_head":"\n\u201cNee Cobus, j\u00fd gaan oukei wees en ek gaan geskei wees.\u201d<\/em><\/span><\/h4>\n