{"id":68744,"date":"2017-03-23T17:51:01","date_gmt":"2017-03-23T15:51:01","guid":{"rendered":"http:\/\/novanews.co.za\/rooirose\/?p=68744"},"modified":"2017-03-24T09:18:56","modified_gmt":"2017-03-24T07:18:56","slug":"ons-opgewonde-oor-nationalpuppyday","status":"publish","type":"post","link":"https:\/\/novanews.co.za\/rooirose\/ons-opgewonde-oor-nationalpuppyday\/","title":{"rendered":"Ons is opgewonde oor: #NationalPuppyDay"},"content":{"rendered":"

Hulle word nie verniet \u201cA man\u2019s best friend\u201d <\/em>genoem nie. Of hulle nou vir hul bak kos staan en blaf, die halsband vir jou bring om te wys hulle wil gaan stap en of hulle jou by die voordeur inwag wanneer jy by die huis kom, is dit eenvoudig so: honde is komkommerkoel! Hulle verdien beslis \u2019n nasionale hondedag.<\/p>\n

Hier is 10 redes waarom jou hond die beste ding in jou lewe is:<\/h4>\n

1. Hulle het baie swak korttermyngeheue<\/strong><\/p>\n

Een ding wat ons mense-vriende te dikwels doen is om al die kere te onthou wat jy aan hulle sleg gedoen of foute gemaak het. Honde, aan die anderkant, se korttermyngeheue is baie swak en daarom vergewe hulle jou altyd vir jou slegte oomblikke.<\/p>\n

2. Hulle het uitstekende langtermyngeheue<\/strong><\/p>\n

Alhoewel \u2019n hond maklik sal vergeet as jy per ongeluk op sy stert getrap het, sal hy nie sommer julle jare lange vriendskap en baie diep verbinding vergeet nie. Hulle is altyd uiters getrou en lewenslange vriende!<\/p>\n

3. Hulle is altyd aan jou kant<\/strong><\/p>\n

Jy het tog seker al gesien hoe jou hond teenoor vreemdelinge optree, reg? Hulle kyk die kat eers behoorlik uit die boom voordat hulle besluit of hulle iemand gaan vertrou. Hulle sal altyd jou veiligheid eerste stel. In baie gevalle sal hulle \u2019n onskuldige gespeelery veels te ernstig opneem. Soos honde wat tydens twee boeties se speelstoeiery sal inspring en die ander broer byt. Of honde wat hul base aan die arm uit die swembad wil sleep om te keer dat hulle dalk verdrink.<\/p>\n

4. Honde kan jou emosies naboots<\/strong><\/p>\n

Gebasseer op jou stemtoon en liggaamshouding sal jou hond sy beste doen om jou huidige gemoedstoestand na te boots. As jy hartseer is, sal hulle styf teen jou kom l\u00ea of met groot o\u00eb na jou staar. As jy opgewonde is sal hulle hul sterte vinnig swaai en selfs nou en dan saam glimlag. Mense doen dit nie en daarom is honde-vriede beslis beter vriende omdat hulle jou altyd aanvaar, maak nie saak of jy moeg, depressief of gelukkig voel nie.<\/p>\n

5. Honde dien ook as klein skottelgoedwassers<\/strong><\/p>\n

Oukei, dit klink dalk mega-gross <\/em>maar dink so daaroor: Het jy al ooit te min kos oor gehad om te b\u00eare, maar te veel om weg te gooi? Jou hond sal dit met liefde vir jou opeet en maak jou skottelgoed boonop \u2019n klein bietjie makliker om te was.<\/p>\n

\"Nasionale<\/p>\n

6. Honde is die perfekte motivering vir oefening<\/strong><\/p>\n

Hoe kan \u2019n mens nee s\u00ea vir \u2019n smekende hondekind wat graag wil gaan loop (dalk selfs draf)? Die antwoord is eenvoudig: Mens kan nie! So, jy staan maar op en gaan stap \u2019n entjie. Op hierdie manier bly jy en jou honde-vriend fiks en ferm.<\/p>\n

7. Honde is vreeslik slim!<\/strong><\/p>\n

Hoewel intelligensie tussen verskillende honderasse varieer, is hulle almal oor die algemeen vreeslik slim! Dit kan aangeneem word deur te kyk na hul verskillende gesigssuitdrukking \u2013 ek is veral mal oor die \u201cAsseblief, ek vra so mooi!\u201d kop-kantel \u2013 en die manier waarop hulle vinnig \u2019n verskeidenheid slim toertjies kan aanleer. Honde doen ook goed soos om hulle speelgoed weg te steek, hul leibande te bring as hulle wil loop of om die koerant te gaan haal.<\/p>\n

8. Hulle laat jou nie toe om alleen te eet nie<\/strong><\/p>\n

Al is jy \u2019n introvert bly dit tog lekkerder om geselskap te h\u00ea tydens etenstyd. Wel, jy is gelukkig as jy \u2019n hond het, want jy gaan nooit weer alleen hoef te eet nie. Al is hulle net daar om \u2019n ekstra asempie in die vertrek te wees.<\/p>\n

9. Soos die Engelsman sal s<\/strong>\u00ea<\/strong>: \u201cThey won\u2019t leave you hanging.\u201d<\/strong><\/p>\n

Het jy al ooit planne met vriende gemaak en dan kanselleer hulle op die laaste nippertjie? Dit is nie \u2019n\u00a0lekker gevoel as jy skielik nie meer jou nuwe rok kan dra of as jy klaar gegrimeer is nie. Wel, ons kan vir jou een ding belowe en dit is dat jou hond nooit op jou sal kanselleer nie. Of jy nou \u2019n fliek- en springmielie aand het en of jy net rustig op jou bed wil l\u00ea, is jou woelige, harige en baie lewendige metgesel altyd daar vir geselskap.<\/p>\n

10. Honde weet hoe om voluit te leef! <\/strong><\/p>\n

Om dit eenvoudig te stel: \u2019n hond leef soos \u2019n mens wat nie bang is om foute te maak nie. Hulle bekommer hulle nie oor aardse goed soos finansies, mode of selfs ongeskikte mense nie. Hulle leef net in die oomblik en geniet elke oomblik. \u00a0Ja, ons as mense het sekere verantwoordelikhede om na te kom, maar ons vergeet te dikwels om net onsself te wees en tyd vir onsself te maak! Hier kan ons beslis \u2019n les by honde leer!<\/p>\n

\"Nasionale<\/p>\n

<\/h4>\n

Kyk \u2019n bietjie hoe het mense regoor die w\u00eareld vandag\u00a0#NationalPuppyDay <\/strong>op Twitter gevier:<\/h4>\n
\n
\n

My Puppy!!!!!? #NationalPuppyDay<\/a> pic.twitter.com\/sgZe6wb4zL<\/a><\/p>\n

\u2014 Aleks Martinez (@aleks_i_) March 23, 2017<\/a><\/p><\/blockquote>\n