Sy het alles verloor, het die vrou snikkend op Highveld Stereo (947) se ontbytprogram vertel. Die man wat haar maande lank oor die Internet en Whatsapp die hof gemaak het en wat sy in daardie tyd vir minder as \u2019n uur gesien het (\u201chy het altyd \u2019n krisis gehad\u201d) is vort met elke sent geld waarop sy haar hande kon l\u00ea. Uiteindelik het sy haar huis, meubels, motor en ook haar werk verloor omdat haar werkgewer gekla het dat di\u00e9 krisis met haar werk inmeng. Sy moes in \u2019n skuiling vir haweloses intrek.<\/p>\n
\u201cAs hy my net wil kontak en s\u00ea hoekom hy dit aan my gedoen het, sal ek hom alles vergewe,\u201d het sy gesnik. Sy het erken dat sy steeds hoop dat alles net \u2019n aaklige misverstand was en dat hy haar weer gaan kontak en al haar geld vir haar sal teruggee. Selfs al het sy selfoonnommer en e-posadres nie meer bestaan nie.<\/p>\n
Verskeie inbellers het hierop reageer, almal met min of meer dieselfde hartseerverhaal. Party het gelukkig net \u2019n paar duisend rand verloor voordat hulle besef het wat aan die gang is. Ander het alles verloor en hulle onttrek aan familie en vriende na wie se raad hulle nie wou luister nie. Nie een van die talle inbellers kon verduidelik hoekom hulle al die hartseerstories en leuens geglo het wat aan hulle opgedis is nie.<\/p>\n
Slagoffers word volgens Glenda Paul, \u2019n direkteur by IRS Forensic Investigations<\/em> in Johannesburg wat al talle sulke sake ondersoek het, met \u2019n paar standaardstories saggemaak voordat hulle geld oorbetaal.<\/p>\n \u201cDit wissel van geld wat nodig is om \u2019n saketransaksie te beklink, invoerbelasting wat betaal moet word op geskenke wat hy kastig vir sy slagoffer en haar kinders gekoop het, tot dringende mediese uitgawes, en selfs \u2019n losprys wat betaal moet word aan \u2019n groep wat hom gevange hou.\u201d<\/p>\n Glenda en Nellie Prinsloo, \u2019n kliniese sielkundige van Alberton wat dikwels as deskundige in hofsake optree, is dit eens dat die skelms hul slagoffers oor \u2019n lang tyd \u201cgroom<\/em>\u201d (byna soos \u2019n pedofiel ook sy slagoffers sagmaak deur baie aandag en komplimente) voordat hulle die eerste keer geld vra.<\/p>\n <\/p>\n <\/p>\n Maar watter soort vrou glo hierdie slenters? Nellie en Glenda s\u00ea slagoffers is dikwels ouer vroue (laat dertig en ouer) wat eensaam is en aanlyn na \u2019n maat soek. Verrassend genoeg is dit feitlik almal suksesvolle vroue, ook gegradueerdes.<\/p>\n \u201cDis juis iemand se sukses wat hulle sagte teikens maak. Die feit dat sy eensaam is, is bloot \u2019n bonus,\u201d waarsku Glenda. \u201cGewoonlik is dit iemand wat al tevore in \u2019n verhouding of huwelik was waarin iemand haar uitgebuit het. Sy is reeds gekondisioneer om weer daarvoor te swig.\u201d<\/p>\n Dis dikwels ook vroue wie se emosionele IK baie laer as hul werklike IK is, en faktore soos \u2019n swak selfbeeld kan ook \u2019n rol speel. \u201cHierdie vroue voel meestal op \u2019n manier ge\u00efsoleer,\u201d verduidelik Nellie. \u201cDie scammer<\/em> laat haar goed voel oor haarself en omdat hy na haar luister en op haar behoeftes reageer, voel sy spesiaal. Sulke vroue het vooraf reeds besluit hulle wil nuwe vriende maak, en haar natuurlike wantroue en skanse is klaar af.\u201d<\/p>\n Albei kenners waarsku dat kuberskelms baie sjarmante, ervare mense is. \u201cHulle sal inligting uit jou kry sonder om \u2019n direkte vraag te vra,\u201d waarsku Glenda. Byvoorbeeld: jou \u201cprins\u201d sal kla oor hoe moeilik dit is om \u2019n enkelpa te wees. Waarop jy waarskynlik sal reageer deur oor jou eie gesukkel as enkelma te praat. En siedaar, jy gee hom \u2019n klomp bruikbare inligting oor jou en jou kwetsbaarhede, en sommer \u2019n verskoning vir byvoorbeeld die koop van duur presente vir jou arme kinders (en natuurlik die gepaardgaande versoek vir \u201cinvoerbelasting\u201d wat jy net eers moet betaal, selfs al het jy nie vir die geskenke gevra nie).<\/p>\n Daar is geen statistiek beskikbaar oor hoeveel geld Suid-Afrikaners al deur hierdie soort bedrog verloor het nie, aangesien dit bloot saamgebondel word onder die sambreelterm bedrog. Glenda se kli\u00ebnte het tussen R330 000 en R1,4 miljoen elk op hierdie manier verloor, wat \u2019n mens \u2019n idee gee van die skaal daarvan.<\/p>\n <\/p>\n <\/p>\n Nog \u2019n probleem is dat polisielede nie genoeg ervaring of opleiding in die hantering van hierdie soort misdaad het nie.<\/p>\n \u201cSodra jy so iets wil aanmeld, s\u00ea hulle dis \u2019n private aangeleentheid tussen minnaars. Niemand wil verstaan dat die sogenaamde \u2018verhouding\u2019 eintlik met \u2019n fiktiewe mens was wat met opset \u2019n fiktiewe profiel geskep het nie,\u201d verduidelik Glenda.<\/p>\n Boonop meld nie alle slagoffers dit aan nie omdat hulle te skaam voel. \u201cEk is seker daarvan mans is ook dikwels slagoffers van die soort slenters, maar hulle is n\u00f3g skamer om dit aan te meld.\u201d<\/p>\n Moenie die fout maak en dink jy het met net een skelm te doen nie. \u201cHierdie wonderlike man wat heeldag vir jou boodskappies stuur, is gewoonlik \u2019n hele paar mans wat ure lank agter rekenaars sit en vir baie vroue soos jy dieselfde boodskappe stuur.\u201d<\/p>\n Glenda s\u00ea dit verg taamlik baie verduideliking en geduld om mense te laat besef hulle was die slagoffers van gewetenlose boewe wat hulle hoegenaamd nie liefhet nie.<\/p>\n <\/p>\n <\/p>\n Die radio-inbeller het vertel hoe sy haar \u201ck\u00earel\u201d nog net een maal kon sien: op die O.R. Tambo-lughawe. Volgens haar was hy \u2019n Amerikaanse soldaat wat in Afganistan diens gedoen het (\u2019n gunstelingstorie van hierdie kuberskelms) en moes hy, pas nadat sy vliegtuig geland het, dringend terug Amerika toe omdat hy toe eers gehoor het sy pa is sterwend. Sy het n\u00e1 heelwat heen-en-weerdery erken sy het hom nooit by die aankomssaal se deure sien uitkom nie, maar streng opdrag gekry het om vir hom in \u2019n hotel by die lughawe te wag. Hulle het minder as \u2019n uur saam deurgebring n\u00e1 maande se aanlynvryery en verskeie beloofde kuiers wat op die nippertjie gekanselleer is. Glenda s\u00ea dit moes een van die eerste tekens gewees het dat sy met \u2019n skelm deurmekaar is.<\/p>\n <\/p>\n <\/p>\n Die storie van \u2019n soldaat in \u2019n verre land of \u2019n hartseer wewenaar is veral gunstelinge onder die Internetskelms, maar die meeste werk sommer in Gauteng vir Nigeriese sindikate. Die sindikate gebruik Suid-Afrikaners \u2013 soms selfs Afrikaanssprekendes \u2013 vir die telefoonoproepe en ontmoetings,\u201d verduidelik Glenda.<\/p>\n \u201cOnthou, baie Suid-Afrikaners is by hierdie sindikate betrokke \u2013 hulle open dikwels die bankrekenings waarin die \u2018lenings\u2019 betaal word voordat dit weer gesluit word.\u201d<\/p>\n <\/p>\n Suid-Afrika het \u2019n kubermisdaadeenheid, maar dit vat lank vir \u2019n saak om by hulle uit te kom. Jy moet eers \u2019n saak by jou plaaslike polisiekantoor maak, en dit is juis waar dinge dikwels skeefloop, s\u00ea Glenda. \u201cMaar druk deur. Dring aan om met \u2019n speurder of die stasiebevelvoerder te praat. As niemand in die polisie jou wil help om \u2019n saak te registreer nie, kontak die polisie se klagtedirektoraat.<\/p>\n \u201cSodra jy \u2019n saaknommer het, kontak die Internetdiens-verskaffer op wie se webwerf jy die skurk ontmoet het. Hulle sal ingevolge privaatheidswette niks oor sy werklike identiteit en kontakbesonderhede met jou kan deel nie, maar kan dan begin om sy aanlynaktiwiteite dop te hou en so dalk nog inligting kry wat later in die polisieondersoek gebruik kan word. Maar die polisie sal die diensverskaffer moet dagvaar om die inligting te kry.\u201d<\/p>\n Probeer om die polisie van soveel inligting moontlik te voorsien. \u201cDit sluit alle inboksboodskappe, Whatsapps, e-posse en bewyse van oorbetalings in. Hoe meer inligting jy gee, hoe groter is die kans op suksesvolle vervolging.\u201d<\/p>\n <\/p>\n Afspraakwebwerwe en facebook is kuberskurke se gunsteling-jagveld.<\/strong> Vroue moet meer pro-aktief optree om hulself te beskerm, s\u00ea Glenda.<\/p>\n Beskerm jouself so: \u2022 Moenie te gou te veel intieme inligting<\/strong> aanlyn deel nie. \u201cMoenie intieme seksuele gesprekke<\/strong> voer met iemand wat jy nog nie eens ontmoet het nie. Ek het al van hierdie gesprekke gelees wat my kli\u00ebnte aanlyn gevoer het, en baie daarvan het my laat bloos. Moet ook nooit noem dat jy onlangs geld ge\u00ebrf het, jou egskeidingskikking gekry het, of \u2019n uitbetaling van versekering gekry het nie. Jy maak van jouself \u2019n teiken.\u201d<\/p>\n \u2022 Moet nooit vriendskapsversoeke<\/strong> aanvaar van iemand wat jy nie ken nie, of wat geen gemeenskaplike vriende het nie. \u201cGoogle sy naam, of vra gemeenskaplike vriende oor hom uit as jy steeds twyfel.\u201d<\/p>\n Een slagoffer het eers nadat sy reeds derduisende rande aan iemand betaal het en aan wie sy selfs verloof geraak het, sy naam gegoogle en gesien hy was al in die tronk vir bedrog wat groot opspraak in koerante verwek het.<\/p>\n Bekyk die persoon se profiel<\/strong> baie mooi. As hy nog niks gedeel het nie, dink twee maal. Het hy net vroue as vriende? Kyk ook na sy foto\u2019s<\/strong>.<\/p>\n \u201cHierdie skelms gebruik dikwels foto\u2019s van modelle of steel ander mense se profielfoto\u2019s. Soms lyk hulle na verskillende mense op die foto\u2019s op hul blad \u2013 dit is omdat jy te doen het met \u2019n klomp vals foto\u2019s. As jy twyfel, gebruik Google Images se maklike soekfunksie om te kyk of die foto ook op ander plekke aanlyn voorkom.\u201d (Ek het dit getoets met \u2019n kennis se profielfoto wat baie duidelik \u2019n generiese foto was. Binne 1,12 sekondes het Google 353 trefslae vir die presiese foto uitgewys. Save eenvoudig die foto, klik op Google, gaan na Images en laai die foto volgens die aanwysings op. Jy sal binne sekondes weet of jou prins eintlik \u2019n skurk is.)<\/p>\n \u2022 Bly gesels aanlyn<\/strong> op FB of die afspraakwebwerf se inboks. Dis veiliger. Moenie jou e-posadres of telefoonnommer te gou met iemand deel nie. Moet dit ook nooit op facebook plaas nie. \u201cStel jou privaatheidfilter so hoog as wat jy kan,\u201d maan Glenda.<\/p>\n \u2022 Skakel die location<\/em>-funksie<\/strong> op jou FB af. \u201cMoet ook nooit s\u00ea waar jy gaan fliek, uiteet of kuier nie. Doen dit n\u00e1 die tyd as jy werklik lus het om soveel inligting oor jouself te deel, maar ek beveel altyd aan dat mense eerder te min oor hulself aanlyn s\u00ea as te veel. Hierdie skurke tik jou naam in en kan dadelik \u2019n hele klomp goed van jou te wete kom as jy nie versigtig is nie. As jy wil weet hoeveel inligting van jou daar reeds op die net beskikbaar is vir hele w\u00eareld om te sien, google net jou eie naam.<\/p>\n <\/p>\n <\/p>\n \u2022 Onthou dat hierdie soort man op jou gevoel<\/strong> speel. \u201cN\u00e1 die eerste oorbetaling, al is dit ook \u2019n klein bedrag, gaan die stories net hartseerder en die versoeke net groter word. Moet nooit jou kosbare geld vir iemand gee nie. Jy gaan dit nooit weer sien nie.\u201d Slagoffers se gedrag maak nie noodwendig vir die res van ons sin nie, maar teen die tyd dat hulle hul fout agterkom, is hulle al baie desperaat.<\/p>\n \u201cBaie van my kli\u00ebnte het reeds met die eerste oorbetaling instinktief geweet hulle maak \u2019n fout, maar was so desperaat om daardie geld terug te kry dat hulle nog geld oorbetaal het.\u201d<\/p>\n","protected":false},"excerpt":{"rendered":" Tegnologie maak dit vir ons moontlik om nuwe vriende en selfs lewensmaats aanlyn te ontmoet. Maar wakker loop, baie van hierdie gawe vriende is gewetenlose skurke wat net agter jou geld aan is. Deur Ilse Salzwedel<\/p>\n","protected":false},"author":8,"featured_media":67718,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[651,662],"tags":[2192,2600,4052,12592,24,1113,1166,1373,2049,2053],"class_list":["post-67713","post","type-post","status-publish","format-standard","has-post-thumbnail","hentry","category-verhoudings","category-jou-lewe","tag-selfbeeld","tag-vriende","tag-kuberskelms","tag-bedrog","tag-sukses","tag-aktueel","tag-tegnologie","tag-emosies","tag-geld","tag-huwelik"],"acf":[],"yoast_head":"\n\u201cOnthou, hierdie skurke het baie tyd en is baie geduldig\u201d<\/em><\/h4>\n
\u201cDis \u2019n w\u00eareldwye tendens dat aanlynmisdaad aan die toeneem is.\u201d<\/em><\/h4>\n
\u201cVroue soek mos maar altyd liefde en intimiteit en een of ander konneksie met iemand. Almal wil liefgeh\u00ea word. Dis vir hulle moeilik om te glo dat iemand so gewetenloos kan wees, veral as die \u2018verhouding\u2019 al maande duur.\u201d<\/em><\/h4>\n
\u201cAs iemand jou net nooit kan ontmoet nie, behoort die rooi ligte te flikker.\u201d<\/em><\/h4>\n
Jy was \u2019n slagoffer. Wat nou?<\/h4>\n
Keer so dat jy \u2019n slagoffer word<\/h4>\n
\n\u2022 Hou die inligting oor jouself baie vaag<\/strong>. \u201cWoorde soos finansi\u00eble klerk, afdelingshoof, eienaar van eie onderneming, besit eie huis, of selfs net self-employed<\/em> laat die skurke onmiddellik twee maal na jou profiel kyk, want hulle dink jy het toegang tot baie geld. Moet ook nie te veel oor jou belangstellings s\u00ea nie. Onthou, hierdie skelms grond hul korrespondensie met jou op alles wat hulle van jou weet. Sorg dat dit min is.\u201d<\/p>\n\u201cAs iets te goed is om waar te wees, is dit.\u201d Luister na die stemmetjie in jou kop as hy vra hoekom \u2019n Amerikaanse soldaat of \u2019n Italiaanse miljoen\u00ear of \u2019n Arabiese prins in jou, Vaal Griet van Gauteng, sal belang stel. <\/em><\/h4>\n