{"id":67076,"date":"2017-02-24T14:09:08","date_gmt":"2017-02-24T12:09:08","guid":{"rendered":"http:\/\/novanews.co.za\/rooirose\/?p=67076"},"modified":"2017-02-24T14:09:40","modified_gmt":"2017-02-24T12:09:40","slug":"kostuine-die-belangrikheid-van-water","status":"publish","type":"post","link":"https:\/\/novanews.co.za\/rooirose\/kostuine-die-belangrikheid-van-water\/","title":{"rendered":"Kostuine: die belangrikheid van water"},"content":{"rendered":"

Die landwye droogte (wat op sommige plekke nou tydelik gebreek is), grootskaalse waterskaarste en gepaardgaande waterbeperkings, het tuiniers net weer laat besef hoe onontbeerlik die element water is.<\/p>\n

Water behoort altyd met respek gebruik te word. Mense moet nie net water spaar as daar min water is nie. Dis so goed jy probeer geld spaar wanneer jy niks het nie, dit maak net geen sin nie. Owerhede behoort ook hardkoppige tuiniers wat nie water uit hul eie spaar nie deurlopend daaraan te herinner dat daar net soveel water op aarde is en dat daar nie nog gemaak kan word nie. Waterverbruik behoort baie strenger beheer\u00a0te word in tye wanneer daar wel water is.<\/p>\n

Hiermee dan \u2019n paar wenke om die vaste hulpbron, water te spaar.<\/p>\n

 <\/p>\n

\"Grondtuine\"<\/p>\n

Hierdie modul\u00eare opstapel (\u2018stackable<\/em>\u2019) kratte is ideaal vir groente en kruie. Dit kan sommer dubbeldoelig gebruik word as houers vir komposmaak en die plant van kos as jy die bokasji-lasagnebedding metode gebruik. As die groente en kruie geoes is, kan jy die kompos elders in die tuin gebruik en nuwe lasagnebeddings daarin bou.<\/p>\n

 <\/p>\n

Grondvoorbereiding en instandhouding<\/h4>\n

Sorg dat water die grond binnedring en solank as moontlik daar bly deur tuingrond deeglik voor te berei. Ons het reeds breedvoerig aandag gegee aan hoe jy jou eie kompos kan maak en hoe jy \u2019n nuwe bedding op die bokasji lasagnebedding-manier kan bou.\u00a0Lees meer daaroor hier<\/a>.<\/p>\n

In die natuur vind die toediening van kompos deurlopend plaas deur blare en ander plantmateriaal wat op die grond val en deur diere wat die plante eet en dit uitmis. Hou daarom op om voortdurend dooie blare freneties op te hark. Vul dit eerder aan met groot hoeveelhede kompos wat jy sommer bo-op die grond kan plaas sodat dit nie net die grond voed nie maar ook dien as basis van jou deklaag. Wanneer jy water gee, sal die kompostee uitloog en die grond met voedingstowwe en voordelige mikro-organismes voed.<\/p>\n

 <\/p>\n

Grondhelling<\/h4>\n

Dit help natuurlik ook as die oppervlakte waarop die water val min of meer plat is sodat die water kans kry om die grond binne te dring voor dit wegloop. Die helling van die grond word grootliks bepaal deur\u00a0die ontwerp en aanl\u00ea van die tuin. Dit kan slegs tot \u2019n mate in \u2019n bestaande tuin verander word. Selfs met \u2019n informele ontwerp is dit moontlik. Stut eenvoudig die grond met klippe of stompe om gelyke areas te bewerkstellig. Materiaal wat ontbind, soos stompe, lok natuurlik ook allerhande voordelige insekte en mikro-organismes wat help met die instandhouding van die grond.<\/p>\n

 <\/p>\n

\"Kool\"<\/p>\n

As water die grond diep binnedring, sal die plant se wortels dit volg. Die plant sal ook dan dieper na water gaan soek en dit sal help dat dit dro\u0451 periodes makliker oorleef. Boonop is daar dieper in die grond dikwels ook kosbare minerale voedingstowwe waarby die plant sal baat.<\/p>\n

 <\/p>\n

 <\/p>\n

Deklaag<\/h4>\n

Organiese materiaal werk die beste as deklaag omdat dit ontbind en deel word van die deurlopende voedingsprogram van jou tuin. Fynerige materiaal soos houtsnippers werk baie goed, maar strooi of selfs dro\u0451 gras help om die vog in die grond te hou. Dit is egter\u00a0nie al wat \u2019n deklaag doen nie. Dit keer ook dat die grond nie verdig wanneer jy besproei\u00a0 nie. Dit keer ook dat jou kosbare bo-grond en kompos nie wegwaai nie. Terwyl jy water gee, hou dit ook die water vas en stel die water wat daaraan vaskleef stelselmatig vry soos wat die grond daaronder uitdroog. En dan keer dit natuurlik ook dat onkruid jou tuinplante se water steel deur hulle \u2019n bietjie in toom te hou. Wanneer\u00a0die onkruid opkom, kan die eenjarige tipes net afgeknip word en groenbemesting word – sommer net daar in die bedding. Pak dit net plat tussen jou plante. Ook die blare van die goed wat jy oes wat jy nie gaan gebruik nie, soos die lelike blare van blaarslaai, spinasie en kool of die blare van wortels, kan sommer net daar afgesny en in die bedding gelos word as groen bemesting (behalwe as daar plae op woon). Versnipper snoeisels en gooi dit ook in jou beddings.<\/p>\n

Dit is die drie basiese goed wat in enige tuin altyd in plek behoort te wees. Tuiniers wat hulle nie hieraan steur nie behoort nie toegelaat te word om enige water in hulle tuin te gebruik nie, want sou hulle dit doen, sou dit selfs onder die mees ekstreme toestande nie nodig wees om gevestigde plante meer as twee keer per week water te gee nie.<\/p>\n

 <\/p>\n

\"Cobus-Smit-deklaag-tuinmaak\"<\/p>\n

Strooi of dro\u00eb gras maak \u2019n lekker deklaag soos hier gedemonstreer deur Cobus Smit by \u2019n werkswinkel oor bokasji-lasagnebeddings by The Pink Geranium Kwekery<\/em>.<\/p>\n

 <\/p>\n

Tyd van watergee<\/h4>\n

Die faktore wat jy in aanmerking\u00a0moet neem:<\/p>\n