\nHoewel afspraakverkragting met mans en vroue gebeur en selfs tussen lede van dieselfde geslag, het vroue \u2019n groter risiko om slagoffers te word. Vertrou jou instink en as jy onveilig voel, tree dadelik op.<\/p>\n
– Marinda Kotz\u00e9, senior navorser by die Sentrum vir die Studie van Geweld en Versoening<\/strong><\/em> \u2022 Mense wat nie \u201cnee\u201d vir \u2019n antwoord aanvaar nie. Jane* was 15 toe sy die Verkragtingkrisislyn by Lifeline<\/em> bel. Sy was die vorige aand op \u2019n partytjie waar baie drank was. Sy wou \u2019n ouer seun op wie sy verlief was, be\u00efndruk en het saamgedrink. Sy onthou dat sy daarna anders gevoel het, gelukkig en sorgvry. Sy het Abel* gevra om te dans. Die volgende wat sy onthou, is dat sy in die tuin wakker geword het en naar was. Sy was sonder haar jeans en onderklere en in erge pyn. Daar was bloed aan haar geslagsdele.<\/p>\n Rozanne Ashworth, \u2019n traumaberader van Lifeline<\/em> in Pretoria vertel dat sy aan diens was toe Jane bel.<\/p>\n <\/p>\n <\/p>\n \u2019n Nagmerrie. Maar wat as die ondenkbare gebeur en jy op \u2019n afspraak verkrag word? Wat presies is afspraakverkragting<\/strong> en hoe moet dit hanteer word?<\/p>\n Marinda Kotz\u00e9, senior navorser by die Sentrum vir die Studie van Geweld en Versoening, s\u00ea afspraakverkragting is wanneer die persoon met wie jy op \u2019n romantiese afspraak uitgaan jou verkrag. Sy s\u00ea afspraakverkragters gebruik verskillende strategie\u00eb soos om drankies met Rohypnol en Gamma-hidroksiebottersuur (GHB) te dokter. Soms word die slagoffer gedreig of afgepers, ander laat die slagoffer skuldig voel omdat hulle al \u2019n geruime tyd uitgaan, of dat die oortreder vir al die drankies tydens die afspraak betaal het, en selfs deur valse beloftes te maak.<\/p>\n \u201cAfspraakverkragting kan op die eerste afspraak of selfs n\u00e1 talle afsprake voorkom en vroue en mans kan slagoffers van afspraakverkragting wees. Di\u00e9 verkragtings is oor die algemeen minder gewelddadig as verkragting deur \u2019n vreemdeling. Maar die slagoffer is steeds diep getraumatiseer. Slagoffers is dikwels huiwerig om die saak by die polisie aan te meld omdat hulle geneig is om hulself te blameer, of die voorval nie as verkragting beskou nie.\u201d Sy s\u00ea daar is \u2019n siening dat werklike verkragting slegs plaasvind wanneer \u2019n vreemdeling jou oorval.<\/p>\n <\/p>\n Kenners s\u00ea die antwoord is ingewikkeld. Oorsake sluit die siening in dat \u2019n vrou mans se besitting is, gebrekkige seksuele opvoeding, die media wat seksualiteit voorstel as \u2019n drang waaroor mense nie beheer het nie, asook slagoffers se weerloosheid. Wanaangepaste mense, of mense in \u2019n portuurgroep waar geweld goedgekeur word, sal hulle makliker aan afspraakverkragting skuldig maak. Daarby kom faktore soos woede, \u2019n magspel, sadisme of bloot net opportunisme.<\/p>\n <\/p>\n Dr. Stefanie Badenhorst, \u2019n sielkundige, s\u00ea soms kan die slagoffer onbewus<\/strong> wees van die omvang van wat gebeur het omdat sy\/hy onder die invloed van een of ander middel was. \u201cGeheueverlies<\/strong> kan ook voorkom weens die trauma of die skok en omdat die slagoffer dit nie w\u00edl onthou nie. Skuldgevoelens<\/strong> is algemeen – slagoffers neem hulself kwalik omdat hulle onder die invloed was of nie voorkomend opgetree het nie. Daar kan ook fisieke tekens of letsels<\/strong> wees soos krapmerke, kneusing of bloeding.\u201d<\/p>\n <\/p>\n Foto Pixabay<\/p><\/div>\n <\/p>\n Minnie Loubser, \u2019n kliniese sielkundige, s\u00ea daar is nie \u2019n eenvoudige oplossing nie omdat gemeenskappe en kulture so baie verskil. Gemeenskappe moet opgevoed en mense bemagtig word om selfgeldend te wees en hul verwagtings en behoeftes duidelik te verwoord.<\/p>\n \u201cOnkunde<\/strong> is \u2019n groot probleem. In die meeste kulture in ons land is vroue tradisioneel grootgemaak om toegeeflik te wees en om \u2018vroulik, sag en die minste\u2019 te wees en hulle nie te sterk uit te spreek nie. Vroue kan leer om meer selfgeldend<\/strong> te wees en hoe om hulself fisiek te verdedig. Hulle moet weet wat die invloed van te veel alkohol of ander dwelms of pille op hulle kan wees.\u201d<\/p>\n Dr. Badenhorst s\u00ea dit is belangrik dat mense voorkomend<\/strong> optree. \u201cIndien dit gebeur het, is dit noodsaaklik om \u2019n klag by die polisie te l\u00ea. Ongelukkig kan dit nog meer traumaties wees omdat bewyse beperk is. Die saak kan ook die trauma vererger omdat die slagoffer blootgestel word en as \u2019n leuenaar uitgemaak kan word, of as iemand wat die situasie uitgelok het. Kry professionele advies en \u2019n goeie regsverteenwoordiger wat bekend is met di\u00e9 soort sake.\u201d<\/p>\n Marinda s\u00ea mense moet geleer word \u201cnee\u201d beteken \u201cnee\u201d en nie dalk later \u201cja\u201d nie. Kinders moet van jongs af geleer word om empatie<\/strong> met ander te h\u00ea.<\/p>\n Rozanne glo dis belangrik dat kinders van jongs af geleer word om grense te stel<\/strong> in verhoudings, sowel as om duidelik te kommunikeer en konflik te hanteer.<\/p>\n <\/p>\n Rozanne: Marinda: Minnie: Stefanie: <\/p>\n Rozanne: Kontakbesonderhede<\/strong> Bemagtig jouself – Dr. Stefanie Badenhorst, sielkundige Hoewel afspraakverkragting met mans en vroue gebeur en selfs tussen lede van dieselfde geslag, het vroue \u2019n groter risiko om slagoffers te word. Vertrou jou instink en as jy onveilig voel, tree dadelik […]<\/p>\n","protected":false},"author":8,"featured_media":66732,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[674,662],"tags":[11000,11001,11002,11003,135,345,833,1531,1629,2356,3824,3975,5512,5684],"class_list":["post-66731","post","type-post","status-publish","format-standard","has-post-thumbnail","hentry","category-in-die-nuus","category-jou-lewe","tag-berading","tag-geweld","tag-sadisme","tag-bloeding","tag-verhoudings","tag-woede","tag-sielkunde","tag-seks","tag-verkragting","tag-dwelms","tag-konflik","tag-mishandeling","tag-geheueverlies","tag-trauma"],"acf":[],"yoast_head":"\n
\nWees oplettend hoe ander jou behandel. Wees versigtig vir:<\/p>\n
\n\u2022 Iemand wat nie jou persoonlike ruimte respekteer nie.
\n\u2022 Iemand wat \u2019n negatiewe houding teenoor die teenoorgestelde geslag openbaar.
\n\u2022 Moenie jou drankie onder jou o\u00eb laat uitgaan nie. As jy het, kry eerder \u2019n ander een. Moenie dat iemand vir jou \u2019n drankie ingooi waar jy hulle nie kan sien nie. Let op na die kleur van jou drankie. Veral Rohypnol kan ongekleurde drankies \u2019n blou kleur gee, maar dis nie altyd sigbaar in \u2019n gekleurde drankie nie.
\n\u2022 Indien jy saam met iemand gaan wat jy nie goed ken nie, vertel \u2019n vertroueling daarvan en ook waarheen julle gaan. As jy skielik duiselig, naar, lighoofdig, moeg of vreemd begin voel, of selfs net ongemaklik, soek hulp. Bel iemand om jou te kom haal en probeer by \u2019n veilige plek uitkom sonder om jouself te isoleer en so meer kwetsbaar te maak.
\n\u2022 Kry mediese hulp om die gevolge van \u2019n besmette drankie of \u2019n oormaat alkohol te behandel.
\n\u2022 Onthou, as jy dink jou vriendin het \u2019n afspraakdwelmmiddel ingekry, soek hulp sonder om haar alleen te los.<\/p>\n\u201cDie kind het ges\u00ea haar ma sou nie verstaan nie. Sy het nie geweet wat om te doen nie en om hulp gepleit. Uit die oproep het dit geblyk dat sy die vorige aand verkrag is.\u201d<\/em><\/h4>\n
Maar hoekom gebeur afspraakverkragting?<\/h4>\n
Wat is die tekens van afspraakverkragting?<\/h4>\n
![\"Water-glas-drank\"](\"https:\/\/novanews.co.za\/rooirose\/wp-content\/uploads\/2017\/02\/Water-glas-drank-500x337.jpg\")
Is daar \u2019n oplossing?<\/h4>\n
Raad aan slagoffers<\/h4>\n
\n\u2022 Baklei terug<\/strong> teen die nagevolge. Dis nie nodig om \u2019n slagoffermentaliteit aan te neem nie. So neem jy beheer terug en laat nie toe dat die verkragter jou beheer nie.
\n\u2022 Wees sag<\/strong> met jouself. Genesing neem tyd. Gee een tree, een dag op \u2019n slag.
\n\u2022 Neem beheer<\/strong> van jou lewe en besluit om te doen waarvan jy hou en te sosialiseer met wie jy wil.
\n\u2022 Moenie lewensbelangrike besluite<\/strong> neem terwyl jy besig is om innerlik te genees nie.<\/p>\n
\n\u2022 Of jy fisiek beseer is of nie, dis steeds belangrik om na jou plaaslike kliniek, hospitaal of Thuthuzela-sorgsentrum te gaan vir \u2019n mediese ondersoek<\/strong>. Die ondersoek sal deur \u2019n dokter of forensiese verpleegster gedoen word. Die mediese ondersoek is ontsettend belangrik, omdat enige fisieke bewyse wat die verkragter agtergelaat het, aangeteken en vasgel\u00ea moet word vir verdere forensiese ondersoek. Dwelmondersoeke is nie altyd standaardpraktyk nie. S\u00ea vir die dokter of verpleegster as jy vermoed die verkragter het jou bedwelm. Hoe langer jy wag om \u2019n mediese ondersoek te ondergaan, hoe groter is die kans dat die fisieke bewyse verdwyn het. Hierdie stap is ook belangrik omdat jy \u2019n spesiale kombinasie antiretrovirale middels kan kry wat MIV-besmetting, asook besmetting met ander seksueel oordraagbare siektes en swangerskap kan voorkom. Hierdie middels is op hul doeltreffendste binne die eerste ses tot agt uur n\u00e1 die verkragting.
\n\u2022 Meld die verkragting by die polisie<\/strong> aan. Onthou, die ondersoek en hofsaak kan uitgerek word. Moenie moed verloor nie en baklei terug.
\n\u2022 Omring jou met mense wat jou ondersteun<\/strong>.<\/p>\n
\n\u2022 Kry professionele hulp<\/strong>, spesifiek by iemand wat in traumaberading opgelei is. Slagoffers van verkragting is dikwels onseker oor hul reg om daaroor te praat. Vroue ervaar soms dat hulle vir die situasie verkwalik word, daarom bly hulle eerder stil. Dis belangrik om te praat en die soort hulp te kry wat jou liggaam en siel kan help om die trauma te verwerk.<\/p>\n
\n\u2022 Dit kan nuttig wees om by \u2019n ondersteuningsgroep<\/strong> in te skakel.<\/p>\nKen jou regte<\/h4>\n
\nIngevolge die Menseregtehandves maak verkragting inbreuk op mense se basiese menseregte: die reg op lewe, vryheid, persoonlike veiligheid, waardigheid, toegang tot howe en gesondheidsorg, die reg om nie gemartel te word nie, asook die reg op \u2019n gesonde omgewing. Verkragting raak nie net die slagoffer nie, maar ook hul vriende, familie en die gemeenskap.<\/p>\n
\n\u2022 Minnie Loubser: psychologist.minnieloubser@gmail.com<\/a>
\n\u2022 Dr. Stefanie Badenhorst: docstef@iafrica.com<\/a>
\n\u2022 Lifeline: 012 804 1853
\n\u2022 Sentrum vir die Studie van Geweld en Versoening: www.csvr.org.za<\/a><\/p>\n","protected":false},"excerpt":{"rendered":"