Of jy nou vir of teen Valentynsdag is, het eintlik min daarmee uit te waai. Hierdie maand loop jy jou oral vas in hartjies, ballonne en eindelose aanmanings om sjokolade te koop. Reisbestemmings doen ook hul deel met die klem op romantiese etes en spa-behandelings vir twee, maar daaraan hoef jy jou natuurlik nie te steur nie. Enige uittog saam met jou geliefde kan romanties wees, of dit nou na \u2019n eilandbestemming of die karavaanpark buite die dorp is. Veral as jy \u2019n paar dingetjies in gedagte hou:<\/p>\n
<\/p>\n
Flieks, romanses en reisadvertensies verkoop aan ons \u201cdie volmaakte vakansie\u201d of \u201cdie ideale naweek\u201d. Dis seker moontlik dat so iets bestaan, maar min mense (selfs wittebroodspare) het dit al ervaar. Elke wegbreek het momente wat jou verveeld laat gaap, jou humeur laat ontvlam of jou ho\u00eb verwagtinge laat platval. Komedies floreer op voorbeelde hiervan.<\/p>\n
Een of ander wyse siel het ges\u00ea: \u201cWe remember moments, not days<\/em>.\u201d Sien uit na \u2019n klompie romantiese oomblikke, en laat die res van die reis toe om te wees soos dit wil – al sluit dit ure agter die stuurwiel, ongemaklike matrasse of slegte weer in.<\/p>\n <\/p>\n Hoe sou jy \u2019n romantiese oomblik beskryf? Is dit \u2019n teer aanraking, \u2019n passievolle omhelsing, o\u00eb wat mekaar nie los nie, woorde, woordelose begrip, \u2019n geskenkie, \u2019n bederfgebaar, \u2019n kompliment, of om spontaan saam te lag? Is dit die onverwagse oomblikke wat die grootste indruk op jou maak en wat jy jare later steeds onthou?<\/p>\n Dit kan nie kwaad doen om te dagdroom oor wat vir jou regtig lekker sal wees nie. Soms is ons so bang vir teleurstelling dat ons nie eens \u2019n verbeeldingsvlug wil waag nie. Maar \u2019n enkele gelukkige oomblik of twee is nie veel gevra nie, en as ons ons oopstel, is ons meer ontvanklik. (En \u2019n dromerige kyk in die o\u00eb was nog nooit onaantreklik nie \u2026)<\/p>\n <\/p>\n In die verliefdheidsfase doen ons dit outomaties: ons laat geen kosbare oomblik ongemerk verbygaan nie. Ons neem foto\u2019s van oulike gesigsuitdrukkings. Ons ervaar elke aanraking met al ons sintuie. Ons b\u00eare liefdesbetuigings in ons hart. Ons lag lekker vir kwinkslae. Ons word tot dankiedrukkies, digterlike e-posse en entoesiastiese Whatsapp<\/em>-boodskappe aangespoor.<\/p>\n In \u2019n vreemde omgewing is ons baie keer outomaties meer op die oomblik ingestel, veral as ons besef dat ons nooit weer daardie stads- of natuurtoneel gaan beleef nie \u2013 of wanneer ons baie daarvoor opdok!<\/p>\n Die Engelse woord vir waardering, appreciation<\/em>, s\u00ea dit miskien sterker. As jy met jou hele wese op kosbare oomblikke kan inzoem, styg jou ervaring van romanse \u2019n aks of wat.<\/p>\n <\/p>\n Dalk ken jy jou geliefde al dekades, of miskien is die verhouding \u2019n nuutjie. Watter voorkeure het hy of sy? Die maklikste is om aan kosvoorkeure te dink en tydens die wegbreek \u2019n bederfie, <\/em>gereg of uitstappie te beplan wat daarby pas.<\/p>\n Met watter aktiwiteit kan jy jou geliefde tydens die reis verras? Kan jy dalk \u2019n belangstelling wat jou gewoonlik koudlaat saam met hom of haar ervaar? Kan jy uit jou patroon breek en vroeg opstaan of laat opbly, \u2019n slaggie wegkruip, of \u2019n verspotte dansie doen? Die gedagte is nie dat jy jou beginsels versaak nie, net dat jy iets ligweg op \u2019n ander manier doen.<\/p>\n Nie een van hierdie vier dinge<\/strong> is tot \u2019n reis beperk nie. Jy kan elkeen saamvat huis toe. Dis egter makliker om klein eksperimentjies te doen terwyl jy vry is van jou gewone roetine en verantwoordelikhede.<\/p>\n Kom ons hou duimvas vir \u2019n tikkie meer romanse \u2013 veral as jy dit begeer!<\/p>\n","protected":false},"excerpt":{"rendered":" Wanneer \u201cromanties\u201d en \u201creis\u201d saam in een sin gebruik word, gaan dit gewoonlik oor romantiese bestemmings, baie keer v\u00ear of peperduur. Maar \u2019n vakansie of \u2019n naweek by enige bestemming kan romanties wees \u2013 mits jy \u2019n bietjie kopwerk doen! Deur Mariette Snyman. Foto Pexels<\/p>\n","protected":false},"author":8,"featured_media":66193,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[2968,3476],"tags":[135,157,158,825,1725],"class_list":["post-66191","post","type-post","status-publish","format-standard","has-post-thumbnail","hentry","category-reis","category-ontspanning","tag-verhoudings","tag-vakansie","tag-reis","tag-liefde","tag-valentynsdag"],"acf":[],"yoast_head":"\n2 Stel jou oop<\/h4>\n
3 Waardeer dit behoorlik<\/h4>\n
4 Bedink verrassings<\/h4>\n