Ons Suid-Afrikaners is glo maar treurige spaarders, wat boonop nie juis binne ons finansi\u00eble vermo\u00ebns leef nie. Volgens statistieke spaar ons sowat 15% tot 20% van ons inkomste, wat heeltemal
\nte min is om, byvoorbeeld, vir ons oudag voorsiening te maak. Hoe gemaak as jy nie genoeg gespaar het nie? Hoe spaar jy as jy klaar elke maand sukkel met \u2019n spul rekeninge en skuld wat handuit ruk?<\/p>\n
<\/p>\n
Die eerste stap om beheer oor jou geldsake te neem is om \u2019n begroting op te stel. En veral om daarby te hou.<\/strong> In \u2019n begroting sit jy nie net uiteen wat elke maand betaal moet word nie (motor, skoolfonds, medies, ens.), maar jy moet ook bepaal wat jou kort-, medium- en langtermynprioriteite is.<\/p>\n Byvoorbeeld: Is dit vir jou belangriker om vir jou aftrede te spaar (lang termyn), of vir jou kinders se studie (medium termyn)? Neem in ag dat daar \u201cweggesteekte\u201d uitgawes is, soos \u2019n vinnige koffie op pad werk toe, snoepiegeld vir die kinders, Sondagkoerante … Beplan daarvoor sodat jy nie aan die einde van die maand vasbrand nie. As jy onseker van jou uitgawes is, hou vir \u2019n maand al jou betaalstrokies. Jy sal kan sien waar jy te veel bestee, veral aan goed wat nie noodsaaklik is nie.<\/p>\n Suzelle Jooste, senior regsadviseur by Ou Mutual, s\u00ea jy moet eerste die skuld takel waar regstappe dreig, en daarna di\u00e9 wat die meeste rente hef. Sy s\u00ea al gaan dit broekskeur, m\u00f3\u00e9t jy jou skuld delg as jy weer op die been wil kom. As jy een rekening afbetaal het, voeg daardie geld by die bedrag wat jy aan \u2019n ander rekening afbetaal. Sodoende kom jy vinniger uit jou verknorsing.<\/p>\n Ou Mutual s\u00ea \u2019n goeie manier om jou geld te bestuur is om dit nie te \u201csien\u201d nie. As jy debietorders vir die meeste uitgawes het, word jy nie in die versoeking gelei om \u201cnet die \u00e9\u00e9n keer\u201d nie daardie paaiement te betaal nie. Doen dit ook vir spaargeld \u2013 as die geld outomaties uit jou rekening verdwyn, kan jy dit nie mors nie.<\/p>\n Vermy \u201cspesiale\u201d aanbiedinge en uitverkopings. Vra jouself af of jy regtig van plan was om daardie goedere te koop. Net as jy van plan was om iets spesifieks te koop is dit sinvol, anders bestee jy net geld aan goed wat jy nie regtig nodig het nie.<\/p>\n Wanneer jy wel geld spaar met iets wat jy gekoop het, moenie dan meer koop nie. B\u00eare daardie geld wat jy gespaar het. Dit kan help om \u2019n noodfonds op te bou, of om skuld vinniger af te betaal. <\/p>\n <\/p>\n Finansi\u00eble instellings moet mense eerlik oor hul produkte inlig. Hy s\u00ea ons moet onsself opvoed sodat ons kritiese vrae oor finansi\u00eble produkte kan vra en ons eie finansi\u00eble lot kan bepaal. Weet jy byvoorbeeld hoeveel bankkoste jy per maand betaal? Kan jy dalk spaar deur van bank of selfs net rekeningstrukture te verander? Het jy regtig \u2019n Platinum-rekening nodig as \u2019n Goue rekening eintlik dieselfde voordele teen verlaagde koste bied?<\/p>\n Versekering kan \u2019n duur, maar nodige uitgawe wees. Maar kan jy dalk \u2019n beter premie beding? Het jy byvoorbeeld lank nie \u2019n eis ingestel nie, of die veiligheidmaatre\u00ebls by jou huis verbeter? As jy \u2019n geen-eis-uitbetaling van \u2019n versekeringsmaatskappy ontvang, spaar dit eerder as om dit op onnodige goed uit te gee.<\/p>\n <\/p>\n Ou Mutual gee hope raad vir daaglikse besparings. Dit is inderdaad baie makliker om klaarbereide kos te koop en vinnig in die mikrogolfoond te druk, maar deur self kos te maak kan jy baie spaar \u2013 \u00e9n gesonder eet.<\/p>\n \u2022 As jy self kook, kan jy sorg dat daar iets oor is vir die volgende dag se middagete. Jy sal skrik as jy optel hoeveel jy bestee as jy elke dag \u2019n toebroodjie vir werk koop.<\/p>\n \u2022 Moenie te veel varsprodukte op \u2019n slag koop nie. Te gereeld is daar groente\/vrugte in die yskas wat oud geword het.<\/p>\n \u2022 Wanneer jy iets by die groot maat kan koop, doen dit. Dikwels kos \u2019n paar items dieselfde as \u2019n groot pak van \u2019n betrokke produk.<\/p>\n \u2022 Beplan jou inkopies en etes vir die week en maand \u2013 sodoende koop jy net wat jy nodig het en nie onnodige goed vir \u201cas jy dit dalk nodig het nie\u201d. Vat \u2019n inkopielysie saam winkels toe \u2013 dit help om jou op koers te hou.<\/p>\n \u2022 Jy hoef nie noodwendig die heel goedkoopste, generiese produkte te koop nie, maar kan minder luukse produkte kies. Het jy regtig die heel duurste koffie nodig, of is die een wat \u2019n paar rand minder kos ook lekker?<\/p>\n \u2022 Maar onthou, goedkoop koop, is partykeer duur koop. Koop gehalteprodukte wanneer dit saak maak. Byvoorbeeld: om elke maand \u2019n effens goedkoper sonneblomolie te koop is nie die einde van die w\u00eareld nie, maar \u2019n goeie wasmasjien kan jou op die lang duur baie geld en \u2019n gesukkel spaar.<\/p>\n \u2022 Indien jy nie seker is oor \u2019n aankopie nie, wag en dink \u2019n dag of wat daaroor na. Jy kry dalk klarigheid oor of jy dit werklik nodig het, en of dit nie dalk \u00earens anders goedkoper beskikbaar is nie.<\/p>\n
\nSpaar is die geheim tot finansi\u00eble standvastigheid. Ou Mutual beveel aan dat jy spaar \u2019n prioriteit maak en elke maand minstens 10% van jou bruto salaris (met ander woorde, voor aftrekkings) spaar. ABS Belasting-en-boekhoudienste s\u00ea dit is belangrik om so vroeg moontlik te begin spaar. Pravin Gordhan (Suid-Afrika se voormalige minister van finansies),\u00a0s\u00ea Suid-Afrikaners moet hulself bemagtig deur hul finansi\u00eble kennis te verbeter.<\/p>\n\u201cGewone mense moet weet dat finansi\u00eble instellings tans regtig in gierige monsters verander het wat wins najaag. Hulle wil nie ryk word deur \u2019n balans te tref tussen eie gewin en die regte stel etiese en morele beginsels nie.\u201d <\/em><\/span><\/h4>\n
Dag-tot-dag besparings<\/h4>\n