Soms raak ek r\u00earig suur vir myself. Denkpatrone wat ek wie weet waar opgetel het, neem op die mees ongele\u00eb tye van my besit en bederf \u2019n wonderlik eenmalige oomblik.<\/p>\n
Soos \u2019n week of twee terug, toe ek die geurigste cappuccino in \u2019n rustige hoekie op \u2019n lughawe in Brasili\u00eb sit en drink. Let wel: ek reis nie so dikwels dat ek hierdie sinnetjie nonchalant kan s\u00ea nie. Dis met die allergrootste selfbeheersing dat ek my daarvan weerhou om te skryf: \u201cIn Brasili\u00eb!!!\u201d<\/p>\n
Nietemin. Daardie koppie koffie het my sowat R60 uit die sak gejaag, en dit was lank nie die enigste een teen daardie prys op daardie trip nie. Dus het my binnegesprek min of meer so gelui:<\/p>\n
Mmmm, ek is m\u00e1l oor die skuim (slurpgeluidjies.)<\/p>\n
Waarop die denkpatroon dadelik \u2019n teenaanval geloods het met: O, regtig? Dink jy miskien jy verd\u00ed\u00e9n so \u2019n buitensporige luukse, boonop een wat jy met toe o\u00eb sit en geniet?<\/p>\n
Maar – ek is al lankal lus vir cappuccino, en die Brasilianers is bekend vir hulle koffie, en \u2026<\/p>\n
Fronsende denkpatroon: Die feit dat jy jou op \u2019n ander kontinent bevind, beteken nie jy kan alle finansi\u00eble verantwoordbaarheid in die wind slaan nie. Hoe gaan jy jou begroting laat klop wanneer jy terug is in Suid-Afrika? Hierdie dure cappuccino\u2019s is al klaar \u2019n gewoonte. Het jy enige idee waar dit kan eindig?<\/p>\n
Skielik het die laaste slukkie koffie in die koppie my sterk aan die kleur van bankrotskap herinner. Dit het my aandag so gevange geneem dat ek blind en doof was vir die verskeidenheid mense en tale by die ander tafeltjies – onbewus van \u2019n ryk, onherhaalbare oomblik.<\/p>\n
\u201cWhen fear speaks, it\u2019s always wrong,\u201d lui vandag se \u201cNote from the Universe\u201d van die Amerikaanse spreker Mike Dooley in my Inbox. Ek dink ek moet di\u00e9 woorde op \u2019n regte juffrou-liniaal plak. Sodra daardie denkpatroon dit waag om weer sy kop uit te steek, gaan ek hom onmiddellik daarmee klits.<\/p>\n
Ek het klaar besluit. Van nou af is dit cappuccino met geklopte room, en as ek enigsins \u2019n s\u00ea het, moet die drinkervaring sensueel en sonder haas wees. En onder die heel laaste slukkie moet \u2019n gesmelte sjokolade-sirkeltjie op die bodem vir my l\u00ea en wag.<\/p>\n","protected":false},"excerpt":{"rendered":"
Soms raak ek r\u00earig suur vir myself. Denkpatrone wat ek wie weet waar opgetel het, neem op die mees ongele\u00eb tye van my besit en bederf \u2019n wonderlik eenmalige oomblik. Soos \u2019n week of twee terug, toe ek die geurigste […]<\/p>\n","protected":false},"author":4,"featured_media":39328,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[682],"tags":[34,35,1124],"class_list":["post-6548","post","type-post","status-publish","format-standard","has-post-thumbnail","hentry","category-blogs","tag-mariette-snyman","tag-blogs","tag-mike-dooley"],"acf":[],"yoast_head":"\n