My lewe\u00a0lank sleep\u00a0ek al di\u00e9\u00a0bruin\u00a0afgedopte\u00a0koffertjie\u00a0met my\u00a0saam: nagrokkie, tandeborsel en\u00a0skoon broekie vir kleintyd se oorslaap.<\/p>\n
Oupa se Bybel en sy woordeboek. Vliegkaartjies\u00a0van waar my krummels (soos ek\u00a0en my ma ons kinders noem) hulle al oral\u00a0bevind het. Dis my stukkies onthou.<\/p>\n
En nou het Ma se groen satynnagjurkie\u00a0bygekom. Haar sigarette, aansteker,\u00a0asbakkie en gebuigde foto\u2019s vol vingermerke.\u00a0\u2019n Blikkie met al haar blink goed,\u00a0byna van geen waarde nie.<\/p>\n
My jongste onthou is die onomkeerbare\u00a0verlies aan my ma.<\/p>\n
Elke middag twintig voor vyf het Ma\u00a0haar pienk karretjie onder die akkerboom\u00a0uitge-manoeuvre, Courtleigh in die mond.<\/p>\n
\u201cMa gaan gou die dorp toesluit,\u201d het Pa\u00a0altyd gespot. Ma sou by Tomlinson\u00a0se teekamer aandoen om Frisco\u00a0met warm melk te drink \u2013 soos net\u00a0Aletta dit kon maak. Di\u00e9 winkel op\u00a0Swellendam was Ma se Tygervallei.\u00a0Praatjies is aangeknoop, newwermaaind\u00a0di\u00e9 wat haastig was – hulle is in \u2019n hoek\u00a0aangekeer om van haar krummels se\u00a0jongste prestasies te hoor.<\/p>\n
As die wolke bo die dorp met een\u00a0druppel re\u00ebn gedreig het, het die pienk\u00a0karretjie in \u2019n huurmotor verander. Net so.\u00a0Op en af sou sy ry om al die boorlinge van\u00a0die onderdorp by die huis te kry.<\/p>\n
Dan was dit terug Full Stop toe vir \u2019n\u00a0groot stuk kaaskoek vir aandete. Ma het\u00a0nie baie erg aan kos gehad nie. Kaaskoek\u00a0en Coke \u2013 diabetes ten spyt. Sesuur het sy\u00a0haar l\u00ea gekry. So op die mat met haar\u00a0asbakkie en koeldrank \u2013 in afwagting op\u00a0haar geliefde 7de Laan.<\/p>\n
Haar groen verjaardagboekie het gebeur\u00a0onder al die verjaardae wat daarin\u00a0opgeteken is. Niemand is oorgeslaan nie,\u00a0en wanneer daar \u2019n uitnodiging vir koek en\u00a0tee was, moes Pa solank die kar laat warm\u00a0word. En sonder uitsondering was die\u00a0gasvrou se geskenk \u2019n rooi rose met \u2019n\u00a0pienk strik. Sy het aan twee vlie\u00eb met een\u00a0klap geglo.<\/p>\n
Ma was \u2019n gewoonteslaaf. Wat sy di\u00e9\u00a0Maandag doen, doen sy volgende Maandag\u00a0weer. Dinsdag was Pa en Katrina\u00a0wasgoed. Vrydae is dit na Rae se haarsalon\u00a0in die verspotte pienk huisie op die hoek\u00a0vir \u2019n revamp van die kapsel. En Saterdae,\u00a0o Saterdae, was dit Goose and Bear of Full\u00a0Stop vir rugby. Op die dorp was rugby kyk\u00a0nie rugby sonder Ma nie. In die winter van\u00a0haar lewe het sy naweek n\u00e1 naweek vir\u00a0Schalk Burger ge-cheer. Algar in die\u00a0kroegie wou \u2019n bietjie van Ma h\u00ea. Sy is\u00a0summier van een kroegstoeltjie na die\u00a0ander gedra om almal te vermaak, gehoortoestelletjie\u00a0ten spyt. As sy vyf minute laat\u00a0was, is Pa gebel: \u201cWaar is ant Marie?\u201d\u00a0Haar stoel is sonder uitsondering bespreek,\u00a0die glasie Coke en asbakkie gereed,\u00a0en eers wanneer sy haar sit gekry het, eers\u00a0d\u00e1n, kon die rugby begin.<\/p>\n
Ons beskeie vliegveld op die dorpie het\u00a0jaarliks \u2019n vertoning vir die boorlinge. Toe\u00a0die Harvard-vliegtuie een jaar Swellendam\u00a0binnevlieg, wou sy saam. Sy was reeds\u00a0oor die toelaatbare ouderdomsperk, maar\u00a0Harvard het Ma gevlieg;\u00a0gebollemakiesie saam met\u00a0die aantreklike vlie\u00ebniers en\u00a0\u2019n bietjie ge-flirt ook, so on\u00a0the side.<\/p>\n
Selfs op haar sterfbed het\u00a0sy nie geskroom om te s\u00ea wanneer \u2019n\u00a0man vir haar mooi was nie. Daarvan\u00a0kan dominee Tolla getuig: \u201cJy\u2019s darem\u00a0\u2019n beeld van \u2019n man!\u201d het sy hom vertel.\u00a0Plain en straight.<\/p>\n
Waar daar nie lewe was nie, het Ma dit\u00a0geskep. Sy het almal se hartseer en\u00a0teleurstellings geken. \u201cSuzie, hoe gaan met\u00a0Koos se suiker?\u201d \u201cAnna, het jou klein\u00a0Hendrik al \u2019n job gekry?\u201d<\/p>\n
Ma was \u2019n vrou met vele dimensies.\u00a0Kompleks. Sy was wat sy was. Stoute\u00a0grappies aan die een kant en onbaatsugtige liefde vir haar medemens aan die ander\u00a0kant. Tot in haar wese eerlik maar nooit\u00a0reguit nie: \u201cEerlikheid is \u2019n bate \u2013 om\u00a0reguit te wees, is gevoelloos,\u201d het sy geglo.<\/p>\n
Met haar troosdiens was die kerk vol\u00a0jongmense; mense wat hul lot met\u00a0Ma gedeel het, die stukkendes, het\u00a0almal gekom.<\/p>\n
Die plaaslike spietkop het sy\u00a0hande vol gehad met Ma. Sy het\u00a0altyd te vinnig gery en een keer selfs die\u00a0blik verf op die middelman omgery.<\/p>\n
Uiteindelik het hy boedel oorgegee. Sy het\u00a0later die vryheid van die dorp ontvang \u2013\u00a0van die Verkeersdepartment. Miskien kry
\nsy ook die vryheid van die Goue Strate.<\/p>\n
My ma was klein en broos aan die einde\u00a0maar haar hart het di\u00e9 van \u2019n leeu gebly.\u00a0Haar kinders was alles.<\/p>\n
Ons kon laatnag die foon optel wanneer\u00a0die lewe ons \u2019n dwarsklap gegee het. Ma\u00a0kon altyd raad gee. En ons, haar kinders,\u00a0was altyd en sonder uitsondering reg. Sy\u00a0het \u2019n blindelingse liefde vir haar welpies\u00a0gehad.<\/p>\n
<\/p>\n
My lewe\u00a0lank sleep\u00a0ek al di\u00e9\u00a0bruin\u00a0afgedopte\u00a0koffertjie\u00a0met my\u00a0saam: nagrokkie, tandeborsel en\u00a0skoon broekie vir kleintyd se oorslaap. Oupa se Bybel en sy woordeboek. Vliegkaartjies\u00a0van waar my krummels (soos ek\u00a0en my ma ons kinders noem) hulle al oral\u00a0bevind het. Dis my stukkies onthou. En […]<\/p>\n","protected":false},"author":4,"featured_media":46903,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[43452],"tags":[3378,99,1015],"class_list":["post-6319","post","type-post","status-publish","format-standard","has-post-thumbnail","hentry","category-lees","tag-fiksie","tag-verhale","tag-moedersdag"],"acf":[],"yoast_head":"\n