![\"tintswalo-at-waterfall-219_d422588hd\"](\"https:\/\/novanews.co.za\/rooirose\/wp-content\/uploads\/2016\/10\/Tintswalo-at-Waterfall-219_D422588HD.jpg\")
<\/p>\nVoor my op die konferensietafel staan glashouers met mini-pretzels en sagte wit pepermente, en \u2019n beker yswater gegeur met appel- en lemoenskywe. G\u2019n mens kan mos konferensie hou sonder \u2019n innerlike versterkinkie nie. Daarby word die gasheerhotel altyd fyn dopgehou om te sien of hulle die glashouers en bekers tydens teepouses volmaak. Tintswalo at Waterfall het die toets uitmuntend geslaag.<\/p>\n
Di\u00e9 luukse vyfsterboetiekhotel in die Waterfall Equestrian Estate, in die hartjie van Johannesburg se noordelike voorstede, streef daarna om die perfekte balans tussen stad en platteland te skep. Die hotel is net \u2019n vyf minute-rit vanaf die Mall of Africa \u2013 die grootste winkelsentrum wat plaaslik in \u2019n enkele fase gebou is. Terselfdertyd voel jy egter ver van die stad. Jy kyk uit oor \u2019n groen polobaan en \u2019n blou dam waar \u2019n verskeidenheid vo\u00ebls kom en gaan.<\/p>\n
<\/p>\n
<\/p>\n
<\/p>\n
Die rustigheid van die landskap wat buite l\u00ea word ge-eggo in die uitleg van die hotel. Die dubbelvolume-ruimte van rooi bakstene verwelkom jou met \u2019n kombinasie van leer, hout en tapyte wat jou onmiddellik tuis laat voel. Die kunswerke en snuisterye, almal met \u2019n perdetema, wissel van elegant tot speels; iets vir elke smaak.<\/p>\n
<\/p>\n
![\"tintswalo-at-waterfall-225_d422646hd\"](\"https:\/\/novanews.co.za\/rooirose\/wp-content\/uploads\/2016\/10\/Tintswalo-at-Waterfall-225_D422646HD.jpg\")
<\/p>\n
<\/p>\n
Omdat die hotel sentraal gele\u00eb is, was die Johannesburgse kollegas dagbesoekers. Die \u201crosies\u201d uit die Kaap het oorgeslaap en die volle Tintswalo-ervaring beleef. Daar is 16 suites, elk invidiueel versier om die kleure en eienskappe van spesifieke perderasse uit te beeld.<\/p>\n
<\/p>\n
Wie ookal vir die gebak by Tintswalo verantwoordelik is, is my nuwe held. Dis \u2019n kuns om croissants, muffins, Deense gebak, vlatertjies en alles wat voortkom uit botter, eiers en meel s\u00f3 te bak dat die geur eerder as die soetheid jou tref. Moet nooit, ooit by Tintswalo se kaaskoek verbyloop nie. Dit was van die lekkerste wat ek nog ooit geproe het.<\/p>\n
<\/p>\n
![\"tintswalo-at-waterfall-food\"](\"https:\/\/novanews.co.za\/rooirose\/wp-content\/uploads\/2016\/10\/Tintswalo-at-Waterfall-092_D422028.jpg\")
<\/p>\n
<\/p>\n
Jy hoef darem nie te vrees dat jy jou gebak gaan vergryp nie. Daar is elke dag \u2019n groot verskeidenheid vars en gesonde kos aangebied. Selfs \u201cbanters\u201d sal by hul eetstyl kan hou, mits hulle genoeg selfbeheersing aan die dag l\u00ea!<\/p>\n
<\/p>\n
Lees wat s\u00ea die rooi rose<\/em>-redaksielede (in alfabetiese volgorde!)<\/p>\n Anelle Tewson, produksiehoof:<\/strong><\/p>\n Wat ek die meeste van Tintswalo geniet het, is die argitektuur – die gebou was regtig mooi. Die groot vensters het pragtige lig ingelaat. Ek is mal oor die rooi bakstene en staalstukke. Dit lyk nie soos jou tipiese hotel nie, dit is \u2019n baie mooi gebou.<\/p>\n <\/p>\n <\/p>\n Cornel Dunn, leefstylredakteur:<\/strong><\/p>\n Die luuksheid van die slaapkamers en die rustige atmosfeer het my opgeval. Die feit dat die hotel so klein is, maak dit meer intiem en stil.<\/p>\n Elmarie Otto, teksredakteur<\/strong><\/p>\n Myne was die visvanger \u2013 vir seker! Asook die groot groen tuin, die water en die rustigheid binne en buite.<\/p>\n Die gesonde, vars kos was elke keer \u0149 groot bonus \u2013 ek onthou veral die lekker steak<\/em> en die groente en slaaie en een koffietyd se donkerkleurige koekblokkies met die interessantste rooi versiersel en \u2019n smaak wat tegelykertyd sjokolade- en vrugtekoek is. Die ontspanne atmosfeer en die besonder vriendelike en behulpsame personeel en diens kry jy beslis nie oral nie – al hoort dit oral so.<\/p>\n Die hotel was nogal nie vir my so afskrikwekkend erg formeel en statig en deftig soos ander vyfsterplekke kan wees nie.<\/p>\n <\/p>\n <\/p>\n Hannelie Diedericks, adjunk-redakteur:<\/strong><\/p>\n Die lekker koue vrugtewater op die tafels.<\/p>\n Die mooi uitsig vanuit die konferensielokaal.<\/p>\n Karyn Harrison, ontwerp & uitleg:<\/strong><\/p>\n Die personeel was ongelooflik vriendelik en hulpvaardig.<\/p>\n Ek was gek na die elegante en tog rustieke dekor met die perdetema.<\/p>\n Die vars gebak en versnaperinge elke dag.<\/p>\n <\/p>\n <\/p>\n Martie Pansegrouw, redakteur:<\/strong><\/p>\n Die rustigheid saans, ver van die stadslawaai.<\/p>\n \u2019n Lieflike landelike atmosfeer en mooi tuine wat rustigheid skep.<\/p>\n Voor slaaptyd kan jy op jou kamer se stoepie sit met die skuifdeure oop om die aandlug te geniet.<\/p>\n Heerlike badkamers met yslike bad- en luukse stortgeriewe.<\/p>\n Baie vo\u00ebls, veral ook visvangers, wat ons op suksesvolle lugaanvalle in die watervore trakteer het.<\/p>\n Aandete was baie lekker voorberei en gaan met vriendelike en persoonlike diens gepaard.<\/p>\n Daar was \u2019n groot genoeg verskeidenheid op die spyskaart om die meeste mense gelukkig te hou.<\/p>\n <\/p>\n <\/p>\n Michelle Nortj\u00e9, webredakteur:<\/strong><\/p>\n Vir my was die perde vroegoggend pragtig \u2013 die perdryers wat geoefen het. Dit het my kalmeer.<\/p>\n Ek het ook gehou van die hotel se atmosfeer. Dit het nie gevoel asof ons in Midrand is nie.<\/p>\n <\/p>\n <\/p>\n Salom\u00e9 Delport, gesondheidsredakteur:<\/strong><\/p>\n Die perde\/polotema is interessant deurgetrek, sonder om kitsch en oorweldigend te raak. \u2019n Paar perdekunswerke en saals is hier en daar geplaas.<\/p>\n \u2019n Heerlike paadjie om die kompleks waar jy \u2019n hele paar kilometers kan stap of draf, in die veiligheid van die kompleks.<\/p>\n Brulpaddas wat jou vermaak as \u2019n ligte ho\u00ebveldse storm uitbreek \u2013 dit het gevoel asof Paul McCartney se paddaliedjie iewers uitspeel.<\/p>\n Elke aand \u2019n nougat, eerder as \u2019n valerige sjokolade \u2013 en selfs \u2019n kraffie met sjerrie vir twee pasella.<\/p>\n Kamergeriewe is puik \u2013 ekstra plush<\/em> japonne, genoeg hangers, genoeg kragproppe met adaptors<\/em>.<\/p>\n Vriendelike, hulpvaardige personeel \u2013 geen hysbak nie, maar die personeel bied dadelik aan om jou sware tasse na jou kamer te neem.<\/p>\n <\/p>\n <\/p>\n Susra Matthee, moderedakteur:<\/strong><\/p>\n Vir my was die groot, luukse kamers met die sagste leerbanke wat uitkyk op die dam \u2019n hoogtepunt aan die einde van die dag. Jy kan op die bank gaan sit met \u2019n glas wyn of \u2019n koppie tee en net ontspan.<\/p>\n <\/p>\n <\/p>\n Suzanne Kotz\u00e9, skoonheidsredakteur:<\/strong><\/p>\n Die heerlike groot gemakstoele in ons kamers wat uitgekyk het op die water. Dit het so lekker gesit dat dit baie moeilik was om daaruit op te staan.<\/p>\n Vickie de Beer, kosredakteur:<\/strong><\/p>\n Die koffie-en teegeriewe in die kamers was baie oulik gedoen en baie mooi aangebeid. Hulle het selfs vars gesnyde suurlemoene en vars melk in die yskas gehad.<\/p>\n Die kospakkies na die lughawe toe ons moes terugvlieg Kaap toe, was baie mooi verpak en goed deurdag. Daar was \u2019n biltong snoephappie-pakkie en vars vrugte, \u2019n broodjie en \u2019n nougat – regtig oulik verpak.<\/p>\n Kontakdetail<\/strong><\/p>\n Meer inligting en besprekings by 011 300 8700, res@waterfall.tintswalo.com<\/a>\u00a0of \u00a0www.tintswalo.com\/waterfall\/#<\/a><\/p>\n <\/p>\n Die rooi rose-span het in September 2016 hul jaarlikse beplanningskonferensie by Tintswalo at Waterfall in Midrand gehou. Die aangename atmosfeer, heilsame kos en bederfdiens het die kreatiwiteit behoorlik laat vloei. Deur Mariette Snyman. Foto\u2019s verskaf.<\/p>\n","protected":false},"author":21,"featured_media":60309,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[2968,3476],"tags":[157,158],"class_list":["post-60226","post","type-post","status-publish","format-standard","has-post-thumbnail","hentry","category-reis","category-ontspanning","tag-vakansie","tag-reis"],"acf":[],"yoast_head":"\n![\"lo-at-waterfall-sitkamer-238_d422756hd\"](\"https:\/\/novanews.co.za\/rooirose\/wp-content\/uploads\/2016\/10\/Tintswalo-at-Waterfall-238_D422756HD.jpg\")
<\/p>\n![\"tintswalo-at-waterfall-216_d422551hd-2\"](\"https:\/\/novanews.co.za\/rooirose\/wp-content\/uploads\/2016\/10\/Tintswalo-at-Waterfall-216_D422551HD-2.jpg\")
<\/p>\n![\"tintswalo-at-waterfall-patio-view\"](\"https:\/\/novanews.co.za\/rooirose\/wp-content\/uploads\/2016\/10\/Tintswalo-at-Waterfall-Patio-View.jpg\")
<\/p>\n![\"tintswalo-at-waterfall-bathroom\"](\"https:\/\/novanews.co.za\/rooirose\/wp-content\/uploads\/2016\/10\/Tintswalo-at-Waterfall-Bathroom.jpg\")
<\/p>\n![\"tintswalo-at-waterfall-panorama\"](\"https:\/\/novanews.co.za\/rooirose\/wp-content\/uploads\/2016\/10\/Tintswalo-at-Waterfall-Panorama.jpg\")
<\/p>\n![\"tintswalo-at-waterfall-017_d421764\"](\"https:\/\/novanews.co.za\/rooirose\/wp-content\/uploads\/2016\/10\/Tintswalo-at-Waterfall-017_D421764.jpg\")
<\/p>\n![\"tintswalo-at-waterfall-suite\"](\"https:\/\/novanews.co.za\/rooirose\/wp-content\/uploads\/2016\/10\/Tintswalo-at-Waterfall-Suite.jpg\")
<\/p>\n![\"tintswalo-at-waterfall-food-009_d421717hd\"](\"https:\/\/novanews.co.za\/rooirose\/wp-content\/uploads\/2016\/10\/Tintswalo-at-Waterfall-009_D421717HD.jpg\")
<\/p>\n","protected":false},"excerpt":{"rendered":"