Na \u2019n tawwe, propvol derde kwartaal, besluit ek en die ou man om Saterdagaand die kans te benut om Ouma en Oupa te laat kinders en babahond oppas. Kan nie onthou wanneer laas ons kon uiteet \u00e9n fliek nie en ons het dit met oorgawe gedoen.<\/p>\n
Sondag staan ek met \u2019n effense seer keel op en drink maar al om die ses uur \u2019n sluk griepdoepa.<\/p>\n
Maandagoggend voel dit asof ek \u2019n bak duwweltjies ingesluk het. Daar kom net \u2019n geforseerde fluisterkwaak uit my keel \u2013 en toe niks.<\/p>\n
Lekker ou laringitis.<\/p>\n
Boonop op die eerste weeksdag van die kort wekie skoolvakansie.<\/p>\n
Die kinders kyk my geamuseerd, dog simpatiek aan. Die hond knor vir my en byt my tone.<\/p>\n
Ek voel soos \u2019n vis op \u2019n rivierwal. Mond oop, mond toe; geen klank nie.<\/p>\n
Dinge wat ontvou as \u2019n ma met laringitis opstaan:<\/p>\n
* Die bejaarde kat grom en blaas as jy beduie hy moet optstaan, jy wil bed opmaak. Gewoonlik berei jy hom voor met woorde soos: \u201cNog vyf minute l\u00ea, dan moet ons opst\u00e1\u00e1n \u2026 Maar, dan kan jy weer lekker kom l\u00ea \u2026\u201d Nou is hy sissende en siende blind vir jou paaiende handgebare.<\/p>\n
* Die kinders hoor ten spyte van definitiewe handgebare nie hulle moet beddens opmaak en kamers opruim nie.<\/p>\n
*Die hond blaf vir jou, want fluister klink soos \u2019n baie lekker nuwe speletjie.<\/p>\n
*Die hond piepie op die gang- en kombuisvloer want jou gefluister klink baie soos die psss-psss-geluid waarmee jy haar al vir twee en \u2019n half weke \u00e1 l\u00e0 Pavlov kondisioneer om \u2019n draai in die tuin te loop.<\/p>\n
* Die Checkerskassier giggel senuweeagtig want hy verstaan nie hoekom jy geheimsinnig fluister dat jy asseblief \u2019n sakkie wil h\u00ea nie.<\/p>\n
* Mense wat jou stormloop en groet in die mall, lyk afgehaal omdat jy nie ewe luidrugtig en sprankelend teruggroet nie.<\/p>\n
* Die DriveThru-assistent lyk ietwat geskok as jy vra vir \u2019n \u201cNumber 2\u201d omdat dit net makliker is as om die gemorskosete se uitgebreide naam te probeer fluister.<\/p>\n
* Die wassery-eienaar knik instemmend as jou kind verduidelik dat sy asseblief die strykgoed moet aflewer laatmiddag. Die strykgoed het 18 uur later egter steeds nie opgedaag nie.<\/p>\n
* Jou selfoon lui en lui en lui, want jy kan nie antwoord sonder \u2019n stem nie. En, as die persoon nie op WhatsApp is nie, kan jy met die nuwe selfoonpakket wat geen SMS\u2019e het nie, ook nie die persoon laat weet waarom jy nie antwoord nie.<\/p>\n
* Die nors buurvrou wat reeds vir twee jaar van mening is dat jy haar opsetlik ignoreer as sy met die kerk se kollekteerlyste voor die hek staan terwyl jy stofsuig en nie die klokkie hoor nie, loop gelukkig weer \u2019n wye draai om jou hek. Om fluisterend aan haar die stemsituasie te verduidelik, sou dalk net haar \u201cjy is vreemd\u201d-vermoedens bevestig.<\/p>\n
Die enigste pluspunt na \u2019n lang dag van fluisterfrustrasies, is dat jou ander helfte nie hoor as jy laataand vanuit die TV-kamer fluister dat jy later die kombuis sal kom opruim, hy kan maar gaan slaap, nie. Dan maak jy laatnag in jou reeds skoon kombuis vir jou \u2019n koppie tee met net genoeg heuning om die seer stembande te lawe, maar nie die stem heeltemal te herstel nie. Fluister het sy voordele.<\/p>\n","protected":false},"excerpt":{"rendered":"
Na \u2019n tawwe, propvol derde kwartaal, besluit ek en die ou man om Saterdagaand die kans te benut om Ouma en Oupa te laat kinders en babahond oppas. Kan nie onthou wanneer laas ons kon uiteet \u00e9n fliek nie en […]<\/p>\n","protected":false},"author":8,"featured_media":59913,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[682,3476],"tags":[1245,3378],"class_list":["post-59910","post","type-post","status-publish","format-standard","has-post-thumbnail","hentry","category-blogs","category-ontspanning","tag-bloggers","tag-fiksie"],"acf":[],"yoast_head":"\n