As daar nie \u2018n koel bergpoel in jou onmiddellike omgewing is waarin jy die somerhitte kan ontduik nie, is daar dalk \u2018n swembad. Swembaddens is een van die beste uitvindsels ooit \u2013 mits hulle iemand anders se verantwoordelikheid is.<\/p>\n
Ek het op \u2018n ou huis verlief geraak en dit gekoop, ten spyte van die swembad in die agterplaas. Wie luister nou na haar gesonde verstand as staalplafonne, \u2018n vredige atmosfeer en rankplantbegroeide mure met haar praat?<\/p>\n
Sedertdien het ek \u2018n intieme verhouding met die ma en dogterspan by die plaaslike swembadwinkel ontwikkel. Vra, en hulle verskaf die antwoord. Ek kan my voorstel hoe Merlyn, die legendariese dru\u00efde uit die tyd van Koning Arthur, se o\u00eb sou rek as hy kon sien hoe my swembad oornag van paddaslikgroen na skitterblinkblou verander.<\/p>\n
N\u00e1 die vakansie was die scenario egter nuut. In my afwesigheid het ek – sonder my medewete – \u2018n suksesvolle muskietteelstasie in my agterplaas begin. Die elektrisiteitstoevoer na die swembadpomp het die gees gegee en die gevolg was \u2018n indrukwekkende aantal krioelende, dun, swart lyfies in my swembad. Dit het \u2018n man gekos om my te oortuig dis muskietlarwes.<\/p>\n
Eeeeeuw!<\/p>\n
Ek wonder of die waternimfe uit die Griekse mitologie ook met afgryse op \u2018n muskiet-infestasie sou reageer. Dalk sou hulle in my geval \u2018n padda-le\u00ebrmag aanbeveel. Dit sou natuurlik interessante moontlikhede skep. Wat as daar \u2018n paddaprins onder die muskietvreters sou skuil?<\/p>\n
Terwyl ek reeds myne gevind het (\u2018n prins, nie \u2018n padda nie) sou dit sake net ingewikkeld maak. Nee wat, di\u00e9 keer bly ek by die tegnologie. Hoewel die mitologie nie te versmaai is nie. Hoe het die nimfe dit nou weer reggekry om die manne van hul keuse konstant in \u2019n staat van betowering te hou?<\/p>\n","protected":false},"excerpt":{"rendered":"
As daar nie \u2018n koel bergpoel in jou onmiddellike omgewing is waarin jy die somerhitte kan ontduik nie, is daar dalk \u2018n swembad. Swembaddens is een van die beste uitvindsels ooit \u2013 mits hulle iemand anders se verantwoordelikheid is. Ek […]<\/p>\n","protected":false},"author":4,"featured_media":43164,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[682],"tags":[34],"class_list":["post-5919","post","type-post","status-publish","format-standard","has-post-thumbnail","hentry","category-blogs","tag-mariette-snyman"],"acf":[],"yoast_head":"\n