\u201cJy het w\u00e1t? J\u00fd? Monk?!\u201d vra \u2019n vriend nou die ander dag toe ek hom bel om geluk te wens met sy verjaardag.<\/p>\n
Einste vriend laat nooit die kans verbygaan om my te spot oor \u2019n verjaardagpartytjie vyf jaar gelede in ons huis waar ek glo heelaand met \u2019n kombuislappie gestaan en toonbank afvee en opruim het agter die gaste aan nie. Ek is glo erger as Adrian Monk, die obsessief-kompulsiewe kiemverskrikte speurder van TV-faam.<\/p>\n
Di\u00e9 dat hy hom die jongste verwikkeling in die Genadehuis glad nie kan indink nie:<\/p>\n
Ons het weer \u2019n baba in die huis.<\/p>\n
Maar, anders as mensbabas wat op \u2019n paar weke oud nog fisies redelik stil l\u00ea, is ons nuwe baba soos \u2019n klein tornado: As sy nie plek-plek baie water veroorsaak nie, is sy soos \u2019n warrelwind deur die huis en saai verwoesting.<\/p>\n
Lilly Genade is \u2019n spanjoel en nou 9 weke oud.<\/p>\n
Di\u00e9 dierasietjie is die ene pote en ore en behalwe die tye wat sy slaap, is sy stertswaaiend verheug elke liewe oomblik van die dag.<\/p>\n
Hulle beweer \u2019n mens weet jy is gereed vir kinders as jy \u2019n hond groot gemaak het. Wel, ek is al bykans \u2019n dekade lank die ma van mensekinders en moet eerlik s\u00ea dat ek met die aankoms van die nuwe baba \u2019n paar dae aan bomskok gely het.<\/p>\n
Ek was nie al een nie. Die twee bejaarde katte het gevlug en geblaas en hulle repertoire aansienlik vergroot: Een ween by tye soos die bure se Husky. Die ander een grom soos ‘n grassnyer.<\/p>\n
Dit is seker net \u2019n wonder dat die konyne nog nie vanuit hulle hok laat hoor het “Yeah, whatsuuuup, Doc!” nie.<\/p>\n
Om dit ligtelik te stel: Die huisroetine is sedertdien effens versteur.<\/p>\n
Lilly het binne \u2019n week geleer om te tjank en deur toe te hardloop bedags as die nood druk \u2013 wat heel gaaf werk solank daar iemand in dieselfde vertrek as sy is.<\/p>\n
As ek \u00earens heen moet ry, word sy vir eers met haar mandjie, al haar speelgoed, kos, water en byderwetse plaslappie (\u2019n winskoop teen R6,90 een) in die badkamer toegemaak. Daar was tye in die eerste week wat ek oorweeg het om die badkamer na s\u00f3 \u2019n uitstappie eerder aan die brand te steek – darem nie met haar daarin nie – as om dit op te ruim. Na \u2019n week is daar darem al \u2019n aansienlike verbetering.<\/p>\n
Snags lol dit maar met die noodplan, want daar is \u2019n alarm, \u2019n ho\u00eb stel trappe en \u2019n deur en \u2019n hek of twee waardeur sy moet knyp tot by die gras. En, meestal slaap ons salig onbewus van haar gekriewel op die kamervloer \u2013 met die gevolg dat ons die noodmaatre\u00ebl moes instel dat die kinders hulle kamerligte en die ganglig aanskakel as hulle in die nag opstaan sodat landmyne betyds ge\u00efdentifiseer word.<\/p>\n
Die kinders is natuurlik in die wolke oor die nuutste toevoeging tot die gesin. My dogtertjie beweer dat sy \u201cal amper agt jaar vra vir \u2019n hondjie\u201d \u2013 al word sy eers volgende maand agt. Haar ouboet het egter die nuwe baba se hart gesteel en oral waar hy stap, het hy \u2019n bewonderende stertjie.<\/p>\n
Daar is egter \u2019n klompie dinge waaroor ons al jare wonder vir \u201cas ons eendag d\u00e1lk \u2019n hond sou kry\u2026\u201d, wat nou baie vinnig moet gebeur.<\/p>\n
Soos die heining wat skielik beveilig moet word sodat die swaaiende ore en stert nie daardeur kan glip nie.<\/p>\n
Soos, wat maak ons as ons \u2019n aand of naweek weggaan? Na jare tussen buurhonde wat hartverskeurend ween sodra hulle eienaars Kaap of kafee toe ry, is ek nie baie gene\u00eb om \u2019n vierpootfamilielid in die tuin te los as ons nie hier is nie. Daar was boonop die laaste tyd \u2019n paar gevalle van honde wat uit erwe gesteel word.<\/p>\n
\u2019n Dierehotel is \u2019n moontlikheid, maar soos dit met swanger ma\u2019s gaan wat gevraagd en ongevraagd raad kry oor babasorg, het ons al heelwat kommentaar oor die beskikbare plaaslike diereverblyf moes aanhoor. Intussen hou ek boek van al die buurmanne wat verbystap as ons met haar in die tuin speel en s\u00ea hulle sal enigetyd die hondjie oppas. Stuur julle kalenders, k\u00earels!<\/p>\n
Min het ek wel kon raai hoe vinnig hierdie klein logistieke uitdaginkie met haar hondeasem en hangore in my hart sal kruip. Ek het myself nog nooit gesien as iemand wat sal sit en graad 4-Natuurwetenskap vra (eintlik kan die sin maar hier ook eindig\u2026) met \u2019n bondeltjie hondehare op die skoot en \u2019n snuffelende snoet knus in die waai van my arm nie.<\/p>\n
En, ja. Uiteindelik, uit-\u00e9\u00edn-de-lik is daar iemand wat maak asof daar \u2019n superheld by die kombuisdeur invlieg as al-lankal-al-deel-van-die-meubels \u00e9k tuiskom!<\/p>\n","protected":false},"excerpt":{"rendered":"
\u201cJy het w\u00e1t? J\u00fd? Monk?!\u201d vra \u2019n vriend nou die ander dag toe ek hom bel om geluk te wens met sy verjaardag. Einste vriend laat nooit die kans verbygaan om my te spot oor \u2019n verjaardagpartytjie vyf jaar gelede […]<\/p>\n","protected":false},"author":8,"featured_media":59094,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[682,3476],"tags":[1245],"class_list":["post-59090","post","type-post","status-publish","format-standard","has-post-thumbnail","hentry","category-blogs","category-ontspanning","tag-bloggers"],"acf":[],"yoast_head":"\n