Op pad na Erica Wessels s\u00ea \u2019n kennis wat haar al ontmoet het: \u201cSy is \u2019n lieflike kind, die soort mens wat ek graag beter sou wou leer ken.\u201d Haar man wat op die agtergrond doenig is, lig summier sy ore op. \u201cJa, ek hou haar ook al lankal as aktrise dop. Het jy opgelet wat \u2019n mooi gul mond sy het?\u201d<\/p>\n
Dis met nie veel meer as hierdie inligting tot my beskikking nie wat ek een weekmiddag voor die huisie met die digte Victoriaanse kantwerk in \u2019n klein, verslete straatjie in Woodstock stilhou. \u2019n Man leun teen sy motor oorkant die straat. Toe hy sien dat ek onseker rondkyk, stap hy nader. \u201cJa, dit \u00eds Erica se huis daai.\u201d<\/p>\n
Sy kom rietslank uitgestap, haar hare blond gekleur vir \u2019n nuwe rol. Ons stap gangaf, verby die slaapkamer waar \u2019n skildery wat sy gemaak het sy aan sy hang met een deur\u00a0haar aktrise-vriendin Lika Berning. In die kombuisie met sy kleurryke keramiekware word eers koffie geskink. Daar is vars kruie in potte by die agterdeur.<\/p>\n
\u201cDis my ma, H\u00e9l\u00e8ne, se skuld dat ek so mal is oor gesonde kos,\u201d vertel sy later. \u201cGroente. Vrugte. Water. My ma was haar tyd ver vooruit as dit by kos en gesondheid kom. Ons vyf kinders het al in die tagtigerjare dinge soos polenta, olyfolie, soja, organiese dadels en wortels ge\u00ebet en rou amandels in ons kospakkies gekry.\u201d<\/p>\n
Het dit gehelp om jou verhouding met jou lyf en voorkoms makliker te maak? Kolligvangers soos aktrises het dit mos soms nog moeiliker as die res van ons?<\/p>\n
\u201cEk is gelukkig dat ek werklik hou van oefen en gesond eet. In my vroe\u00eb twintigs het ek ook maar soos die meeste vroue met \u2019n obsessie oor vet en maer gestoei. Die alewige gedink oor kilojoules het ironies juis veroorsaak dat ek altyd vet was. Op 37 leef ek heeltemal anders. Ek fokus nou op gesondheid en hoe my lyf voel en waarvoor hy w\u00e9rklik lus is. Wanneer dit oor gesondwees gaan, begin jy spontaan dinge soos suiker, verfynde koring en te groot porsies uit jou lewe uitsny. Daardie goed laat \u2019n mens aaklig voel. En ek wil lekker voel.\u201d<\/p>\n
As jy soos die bedrywige Erica jou voetwerk voor gehore en rolprentspanne moet ken, kan jy nie bra bekostig dat jou lyf \u00f3f jou gemoed jou begewe nie. Sy het by tye al die stamina nodig waarop sy haar hande kan l\u00ea. Die maak van \u2019n rolprent kan uitmergelend raak. En Erica, bekend vir haar professionele aanslag, dompel haar elke keer ten volle daarin. Sy moes die afgelope jaar van Treurgrond na Trouvoete beweeg. En aanstaande jaar is sy in drie vollengte flieks te sien: Hatchet Hour, haar eerste vollengte Engelse swart komedie\/riller, onder regie van Judy Naidoo; My Father\u2019s War oor die uitwerking van die Angola-oorlog op \u2019n gesin se verhoudings en Mossie, wat sy as \u2019n pragdrama oor \u2019n jong meisie se lewe bestempel.<\/p>\n
Die vrou wat haar \u201cin \u2019n honderd pare skoene kan sit\u201d omdat sy haar maklik in \u2019n ander se situasie kan indink, is die eerste een wat sal erken sy is \u2019n intense gevoelsmens, een wat enigiets van ander se emosies tot aksente optel. Maar sy het deur die jare maniere ontwikkel om haar te verweer teen die kaleidoskoop van stemme en toonaarde wat so maklik in haar kom nesmaak.<\/p>\n
\u201cEk voel baie. Seker maar die Franse bloed wat in my kook.\u201d Sy is nie \u2019n swart-wit mens nie, \u201ceerder grys met hope kleur tussenin en ek hou nie van boksies of etikettering nie.<\/p>\n
\u201cDinge is organies, verander heeltyd. Een van die lekker dinge van ouer word, is om jouself te begin aanvaar \u2013 ek is stadigaan besig om met my eie kompleksiteit vrede te maak\u201d.<\/p>\n
Oefening is een van haar oorlewingsmeganismes. \u201cDaarsonder word ek mal. Ek gaan gimnasium toe, swem, doen joga of gaan stap die berg uit. Daar raak ek lekker stil. En as ek aan \u2019n rolprent werk, gaan ek omtrent nie uit nie. Dis dan vir my belangrik om my te herlaai met soveel slaap moontlik en om saans tuis eers rustig te raak met \u2019n glas rooiwyn. Hulle kom laai jou soms al drie-uur soggens op vir die grimering en saans as jy tuiskom, moet jy weer aan die volgende dag se dialoog werk.\u201d<\/p>\n
Maar sy kla nie. Sy weet ook hoe r\u00earig moeilik dit is as die ooptes en die leegtes toeslaan en oudisie na oudisie niks oplewer nie; wanneer jy jouself later moet dwing om vriende te gaan opsoek in \u2019n poging om nie weer tot n\u00e1 elf in pajamas rond te slons nie.<\/p>\n
\u201cDit is onafwendbaar dat jy aan jouself begin twyfel. Jy begin wonder wat is verkeerd met jou. Gelukkig is ek redelik goed met besig bly. Ek leer Frans en het vir my \u2019n swart digitale Yamaha-klavier gekoop waarop ek lekker oefen vir die klasse wat ek neem wanneer ek nie werk nie. As ek die nodige talent gehad het, sou ek dalk graag \u2019n wonderlike skilder\u00a0of pianis wou wees. Ek wil binnekort ook begin met kursusse in olieverf en keramiek.\u201d<\/p>\n
Sy lag. \u201cEk was deur die jare al maklik agt keer in trane by my agent om te s\u00ea dit is nou regtig die einde. Ek. Hou. Nou. Op. Maar elke keer het daar kort daarna iets opgeduik wat my weer moed gegee het.\u201d Die verskeie benoemings en toekennings wat na haar kant toe gekom het, het ook gehelp. \u201cDit s\u00ea dalk iemand sien jou werk raak.\u201d<\/p>\n
En tog weet sy sy is eintlik beter met onsekerheid as met \u2019n voorspelbare roetine. \u201cDie werk bly interessant en elke karakter anders. Wat my ook help, is dat ek nooit eintlik weet hoe lank ek dit nog gaan doen nie. Daar is iets in my wat kort-kort kriewel om verandering en om iets heeltemal anders te doen. Ons sal maar moet sien. Waar ek in my twintigs vreesloos was, veral as dit by teater kom, het ek in Oktober 2013 besluit om my liewer in die rolprentw\u00eareld te begewe. Dit was asof ek bang geword het. En moeg. Baie akteurs ervaar dit blykbaar in \u2019n stadium.\u201d<\/p>\n
As laatlammetjie in \u2019n groot gesin het Erica \u2019n gelukkige, geborge en bevoorregte kindertyd gehad. \u201cAs jongste het ek die soort vryheid gehad waarin my\u00a0verbeelding, altyd so groot soos New York, kon gedy. My pa is \u2019n afgetrede prokureur en my ma \u2019n baie doenige huisvrou. Ons is passievolle, uitgesproke mense en alles is nie perfek nie, maar almal bly betrokke by familie-kwessies en verhoudings word gerespekteer.\u201d<\/p>\n
Nadat sy haar dramagraad op Stellenbosch voltooi het, het sy drie jaar in die buiteland deurgebring.<\/p>\n
\u201cIn daardie tyd het ek alles behalwe toneelgespeel. Ook my\u00a0hart verloor en gebreek en grootgeword.\u201d Iets waarvan sy baie gehou het, was om bejaardes te versorg – \u201cmet hulle te gesels, hulle te bad en roompies in te smeer, daardie soort ding\u201d.<\/p>\n
Vandag dink sy in albei tale en praat die een oomblik Afrikaans om net kort daarna na Engels oor te glip. Sy doen Afrikaanse en Engelse stemwerk, speel in flieks en TV-reekse, kry rolletjies in Britse en Amerikaanse rolprente en help ook so nou en dan met\u00a0\u2019n advertensie.<\/p>\n
In teenstelling met haar rol as die boervrou Nellie \u2013 \u201c\u2019n sterk karakter maar so heeltemal nie ek nie\u201d \u2013 in Treurgrond, kon sy haar meer vereenselwig met die 33-jarige kunssinnige Ella in Trouvoete. Maar die aktrise in haar wat soms komplekse, bitter dinge soos die plaasmoordtema in Treurgrond wil oopbreek om die hart van die stam te ontbloot, voel bevredig as sy deel was van \u2019n verhaal wat mense opnuut laat dink. Sy het vroeg in haar loopbaan \u2019n doelbewuste besluit geneem om nie die sepieroete in te slaan nie. \u201cSepie-akteurs werk ontsettend hard en ek het baie respek daarvoor. Ek is net gelukkiger om te kan vryskut. Dit werk vir my. Vir nou.\u201d<\/p>\n
Sy het nie regtig gunstelingrolle nie.<\/p>\n
\u201cMy ervaring van \u2019n rol hang van \u2019n duisternis dinge af, ook van waar ek in daardie stadium in my persoonlike lewe is. Elke karakter is tog \u2019n unieke ervaring en so ook die mense met wie jy saamwerk en die inhoud van die draaiboek of teaterstuk. Dis eintlik \u2019n skaars, kosbare gebeurtenis om aan \u2019n draaiboek te werk wat vaardig en slim geskryf is en waaraan \u2019n mens werklik glo en wat vir jou betekenisvol is. As ek net een keer per jaar in so \u2019n rolprent kan speel, sal ek meer as gelukkig wees.\u201d<\/p>\n
Trouvoete is volgens haar \u2019n pragtige liefdesverhaal oor die lot van twee mense wat mekaar werklik liefhet maar mekaar \u00earens langs die pad verloor het. \u201cDis prettig en lig, maar ek sou s\u00ea meer sensitief en eg as die gemiddelde romantiese komedie. Heerlike vakansievermaak. Dit was \u2019n fees om met sulke talentvolle, groothartige mense soos Bouwer Bosch, Lika Berning en Paul du Toit saam te werk. Lika is \u2019n groot pel van my en ons het baie pret op stel gehad.\u201d<\/p>\n
Haar karakter, Ella, is \u201canders\u201d. Kunssinnig en skamerig. En sy moes al \u2019n paar keer haar hart se stukke weer gaan bymekaarmaak. Erica lag as sy s\u00ea dis \u2019n ervaring wat sy maar net te goed ken, sy is al \u2019n paar keer deur die afgronde van \u2019n verhouding wat ontspoor het met al die pynlike dink en selfondersoek agterna.<\/p>\n
\u201cEk sou graag wou trou as dit vir my beskore is – ek het nog nooit rondgespeel nie. Dalk was hulle maar nog net nie die regte een vir my nie.\u201d<\/p>\n
Die eienskappe wat sy in \u2019n man soek, sluit dinge soos \u2019n liefde vir mens, dier en natuur in. Mense wat mekaar seermaak en dieremishandeling ontstel haar.<\/p>\n
\u201cEk is m\u00e1l oor katte; hulle is ongelooflik snaaks!\u201d<\/p>\n
Geloof, eerlikheid en emosionele intelligensie in mense is ook vir haar belangrik. En te oordeel na die manier waarop haar o\u00eb blink wanneer sy oor die aktuaris Willem Boshoff praat wat vanjaar sy opwagting in haar lewe gemaak het, lyk dit of van haar hartewense vervul is.<\/p>\n
\u201cDie lewe het al vir my gewys \u2019n mens k\u00e1n vir verskillende mense lief word. Elke nuwe liefde is soos \u2019n nuwe boek met \u2019n nuwe omslag … \u201d Sy glimlag asof sy aan iets dink en s\u00ea dan net: \u201cHy is goed vir my.\u201d<\/p>\n
Reis help haar ook om nuwe klanke en kleure van menswees bymekaar te maak. \u201cMy en Willem se kaartjies is gekoop om in Januarie Praag toe te gaan en daarna in Frankryk te gaan ski. Yay! Ek kan nie\u00a0w\u00e1g nie!\u201d<\/p>\n
Sy het in 2013 op haar eie 862 kilometer van die Camino de Santiago gestap, \u2019n ervaring wat sy vir niks sou wou verruil nie. \u201cIewers moet \u2019n mens die spanning tussen die skoonheid en die lyding van die w\u00eareld begin aanvaar, d\u00e9\u00e9l wees daarvan. Daar het ek geleer dat dinge progressief bly skuif en verander. Jy moet net aanhou loop. Al is jou voete gaar.\u201d<\/p>\n
Erica is soos \u2019n boom. Een wat die ooptes en die ruimtes moet verken maar ook vastrapplek in die grond nodig het. Terselfdertyd los \u00e9n geanker.<\/p>\n","protected":false},"excerpt":{"rendered":"
Die woord \u2018stagneer\u2019 staan nie in Erica Wessels se boek nie. Di\u00e9 aktrise s\u00ea iets in haar kriewel kort-kort om verandering, en haar lewe wentel ook nie net om die silwerskerm nie. Deur Jacqueline Leuvennink. Foto\u2019s deur Johan Wilke<\/p>\n","protected":false},"author":8,"featured_media":54033,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[661,675],"tags":[3926,4274,23450,24339,1387,3631],"class_list":["post-58467","post","type-post","status-publish","format-standard","has-post-thumbnail","hentry","category-ons-mense","category-bekendes","tag-erica-wessels","tag-afrikaanse-aktrise","tag-entertainment","tag-local-celebs","tag-celebs","tag-afrikaanse-flieks"],"acf":[],"yoast_head":"\n