Liewe Kinders,<\/p>\n
Gisteraand, op 5 Desember 2013<\/strong>, het Suid-Afrika sy pa verloor en Afrika \u2019n groot man. Julle is nog te klein om te besef wat hy werklik vir ons en julle gedoen het, maar vanoggend huil Mamma en mense van regoor die w\u00eareld saam. Ons harte is seer, want hy het vir ons en julle \u2019n groot geskenk gegee. Eendag, as julle groot is en met jul voete stewig op hierdie Afrika-grond staan, sal julle beter verstaan.<\/p>\n Nelson Rolihlahla Mandela<\/strong> is in 1918 in Mvezo in die Transkei gebore. Mamma sal nog vir julle gaan wys waar dit is, ek wil ook gaan kyk. Van kleins af het hy geglo in alles wat goed en reg is. Onregverdigheid, wreedheid en bakleierigheid is dinge wat hy gesien en nie van gehou het nie.<\/p>\n Liefde, geduld, vrede en gelyke kanse vir almal van ons <\/strong>\u2013 d\u00edt was vir hom belangrik. So belangrik dat hy vir 27 jaar in die tronk was en ‘n groot deel van sy jong lewe opgeoffer het om seker te maak julle toekoms in hierdie land (en di\u00e9 van jul kinders en kleinkinders) is blinker en beter.<\/p>\n In 1994<\/strong>, die jaar toe Mamma as au pair in Nederland gewerk het, het ons vir die eerste keer in die land se geskiedenis \u2019n swart president <\/strong>gekry. Dit was \u2019n groot dag en skielik was Suid-Afrika weer die w\u00eareld se witbroodjie.<\/p>\n Ek was (en is steeds) baie trots om \u2019n Suid-Afrikaner genoem te word. Ek wonder baie wat sou gebeur het as Madiba nie vir ons tronk toe is nie. Madiba<\/strong>? So ver Mamma weet kom die naam van sy oupas en oumas of, soos ander sal s\u00ea sy voorvaders, en was dit die naam van ‘n Thembu stamhoof wat die Transkei in die 18de eeu regeer het.<\/p>\n Hoe sou Suid-Afrika vandag gelyk het as dit nie vir hom was nie? Hoe sou ons gedink het? En hoe sou jul toekoms gelyk het? Mamma wonder.<\/p>\n Julle sou beslis baie armer wees \u2013 en hier gaan dit nie oor geld nie, maar meer oor die hart. Mamma en Pappa praat baie oor hoe bevoorreg julle is om saam met al die kinders van Afrika<\/strong> te kan skoolgaan. Julle sien nie raak, soos ons het, dat jul maatjies wit of swart is nie. Dis julle maatjies, en wie ons is en waar ons vandaan kom maak min saak.<\/p>\n Julle ken nie iets soos apartheid<\/strong> nie \u2013 almal is dieselfde en word dieselfde groot. Ek bid dat hierdie vryheid <\/strong>een is wat julle altyd sal smaak, al loop dinge binne vryheid ook soms skeef. Maar danksy ons Madiba is apartheid vir altyd weg. Die moeilikste wat julle hopelik ooit sal moet doen is om apartheid te leer spel.<\/p>\n