Dit was \u2019n heerlike ervaring. Dit het my aan die vroe\u00eb TV-dae herinner toe Analisa Weiland Heidi was. Ek was gek oor haar, Peter en Oupa.<\/p>\n
<\/p>\n
Dit was \u2019n heerlike uitdaging n\u00e1 soveel jare van sinchronisasie. Hoewel ek al dikwels regie gedoen het was dit my eerste keer as oorklankingsregiseur en hoewel ek aanvanklik goed op my nerwe was, was Times Media films, en in besonder Corlize, ongelooflik ondersteunend . Ek het werklik gevoel dat hulle my 100% vertrou om die taak te verrig. Dit was \u2019n riem onder die hart.<\/p>\n
<\/p>\n
Die oorklanking behels om in \u2019n donker ateljee saam met die akteur te sit. Die akteur self kry \u2019n uur of wat om die karakter vas te vang \u2013 hulle kyk die fliek soos wat hulle oorklank en moet dus op die regisseur se leiding vertrou om die karakter vas te kan vat. Dan is daar die uitdaging van die sinchroniseer van die lippe en om lyf te gee aan die stem. Dit is \u2019n heerlike vyfvinger oefening vir elke akteur wat sy sout werd is. En werd was hulle by uitstek! Al was dit baie van die akteurs se eerste keer agter die mikrofoon.<\/p>\n
<\/p>\n
Die hele aanslag verskil. Ouer akteurs soos Louis en Sandra het al baie oorgeklank en is veterane op die gebied. Ook die styl van spel verskil. Ouer akteurs is nie bang om die stemme te animeer nie, terwyl jonger akteurs deesdae vreeslik ingestel is op naturalisme. Baie werk ook nou van hulself af \u2013 sommige jonger akteurs is \u2019n \u2018brand\u2019 en het nie die jare se ondervinding wat saam met verhoogwerk en opleiding kom nie.<\/p>\n
Die grootste uitdaging was vir Jenna. Sy moes baie jonger speel en hoewel sy nog nooit vantevore oorgeklank het nie, was sy soos \u2019n vis in water.\u00a0 Sy het die ateljee ingestap met \u2019n deernis vir die karakter en in \u2019n japtrap het sy haar stem verjong. Sy is \u2019n baie talentvolle aktrise inderdaad. Charlen\u00e8 se ligte stem het ook sommer maklik oorgeskakel na die jonger Klara; en Ruan moes hard werk aan die rondborstige en parmantige Peter.\u00a0 Dan was daar Riana Wilkens en Richard wat albei GESOUTE oorklank stem en regisseuse was. Ek kon net terugsit en s\u00ea: \u201cMaak oop Sesame!\u201d.<\/p>\n
<\/p>\n
Ek dink dit gaan \u2019n treffer wees. Desondanks die feit dat mens die klassieke storie ken, bly dit aangrypend om die karakter se verhaal mee te maak. En om dit in die Alpe te sien afspeel met \u201cregte mense\u201d eerder as geanimeerde tekenprent-karakters voer mens soveel meer mee.<\/p>\n
<\/p>\n
*Heidi word op 2 September landswyd in teaters vrygestel.<\/strong><\/p>\n