\u201cPas jou tekkies darem?\u201d vra my man vanoggend ewe toe ek met hare vasgemaak in \u2019n viersentimeterlange bokstert in oefenklere verskyn.<\/p>\n
Ek vererg my op die daad, want ek het sopas by myselwers gedink dat dit seker \u2019n maand (of drie) se oefening gaan verg voor ek weer in my oefenklere sal pas.<\/p>\n
\u201cEk bedoel aan jou seer voet?\u201d verduidelik hy en ek snap dat hy eintlik praat van die voet wat ek nege maande gelede gebreek het en die rede hoekom ek sedertdien sukkel om skoene te kry wat gemaklik pas rondom die plate en skroewe.<\/p>\n
Ek besef skielik dit is al \u2019n volle nege maande wat ek op die rug van di\u00e9 gebreekte regtervoet ry as verskoning hoekom my klere nie meer pas nie en ek uitasem raak as ek te ver moet strek na die TV se afstandbeheer.<\/p>\n
Nie dat ek voor die voetongeluk enigsins sou kon deurgaan as \u2019n fiksheidsfanatikus nie. Behalwe vir \u2019n tydelike waansinnigheid so twee jaar gelede wat op die derde dag gelukkig in \u2019n drafbesering ge\u00ebindig het, kan ek met veiligheid s\u00ea dat ek seker \u2019n goeie vyf jaar gelede laas fiks was.<\/p>\n
Ook nou nie so fiks soos die Zebra\u2019s en a\u00ebrobiese wonders hier in die plaaslike gimnasiums nie. Maar, darem s\u00f3 dat ek nie asmaties aan die hoes gaan na ek een verdieping van ons huis gestofsuig het nie. Dalk is die huis deesdae net stowweriger as gewoonlik.<\/p>\n
\u2019n Vriendin en ek het vanoggend vir die eerste keer daad by woord gevoeg. Ons beplan al \u2019n week of twee aan die groot stappery soggens na die skoolklok gelui het. Ek spot ewe laasweek en s\u00ea \u201cas daar nou nie sneeuneerslae of \u2019n meteorietstorting is nie, moet ons dalk Dinsdagoggend begin\u201d. Toe sneeu dit Sondagnag sowaar.<\/p>\n
Ons het dus dapper die stappie in die fris oggendlug aangedurf met sneeu wat nog skitter op die berge rondom Worcester. Ek in my t\u00e9 stywe oefenklere waarvan die linkertekkie darem gemaklik sit. Sy in tekkies wat sy glo voor haar troue aangeskaf het. \u201cDit is meer as nege jaar gelede, maar my man s\u00ea hulle loopvlakke lyk nog mooi,\u201d spot sy.<\/p>\n
Vir die eerste blok of vier het ek heerlik gebabbel terwyl ons stap. My gebabbel het egter al meer hortend geraak. Ek, wat graag vir die kinders s\u00ea ek kan vier of selfs vyf dinge op een slag doen – \u201cwant dit is hoe mammas werk\u201d \u2013 moes uit pure onfiksheid besluit tussen staan en klets of stap en hyg. Ons is bult op. Ons het s\u00f3 hoog geklim, dat ek verbaas was daar was nie sneeu aan die bopunt van die straat nie.<\/p>\n
Dit alles terwyl my vriendin nie eens naastenby moeg lyk nie. Sy gesels op die afdraand sowaar oor m\u00f4re se staproete. Ek hyg en beaam en sit strompelend een tekkie voor \u2019n ander. En is dankbaar toe die swart kol voor my o\u00eb blyk my geparkeerde motor voor haar huis te wees.<\/p>\n
\u201cNa stort makeer jy weer niks, maar wag vir oorm\u00f4re\u2026\u201d laat hoor my man simpatiek na ek met bewende vingers tik dat ek nog lewe.<\/p>\n
Braggerig<\/em> antwoord ek dat ons sommer m\u00f4re weer gaan stap.<\/p>\n \u201cMaar \u2019n kierie saamvat,\u201d gee hy ongevraagd raad.<\/p>\n Hoewel daar in my agterkop visoene is van jeans<\/em> wat weer pas, is ek onder geen illusie dat ek oor \u2019n paar maande halfmarathons sal kafdraf nie.<\/p>\n Maar, ja, hulle is reg: Mens v\u00f3\u00e9l sommer beter na so \u2019n stywe stapsessie. Al het mens daarna vir \u2019n ruk g\u00e9\u00e9n gevoel in jou bene nie. Totdat die styfheid intree.<\/p>\n","protected":false},"excerpt":{"rendered":" \u201cPas jou tekkies darem?\u201d vra my man vanoggend ewe toe ek met hare vasgemaak in \u2019n viersentimeterlange bokstert in oefenklere verskyn. Ek vererg my op die daad, want ek het sopas by myselwers gedink dat dit seker \u2019n maand (of […]<\/p>\n","protected":false},"author":8,"featured_media":57522,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[682,3476],"tags":[193,2160,5951],"class_list":["post-57520","post","type-post","status-publish","format-standard","has-post-thumbnail","hentry","category-blogs","category-ontspanning","tag-fiksheid","tag-oefening","tag-tekkies"],"acf":[],"yoast_head":"\n