![\"#InspirerendeVroue\"](\"https:\/\/novanews.co.za\/rooirose\/wp-content\/uploads\/2016\/07\/MAYDitsem01RR-2-400x600.jpg\")
<\/p>\n<\/p>\n
Terwyl die tienjarige Lin\u00e9 van der Merwe se maatjies op Jacobsbaai in die Wes-Kaap met Barbie-poppe gespeel het, het sy al aan haar loopbaan gewerk. Sy het moeg geword om vir haar pa se eindelose stroom kli\u00ebnte koffie te maak en het besluit om hulle vir die koffie te laat betaal. Sy het gou \u2019n winsgewende \u201ckoffiewinkel\u201d gehad.<\/p>\n
Sy en haar broer het ook \u2019n afleweringsdiens \u201cbedryf \u201d. Hulle het brood en melk op hul fietse afgelewer en toe die blaffende en happende honde te veel raak, het hulle \u2019n vierwielfiets gekoop. Danksy di\u00e9 gewoeker het sy in 1998 die ABSA Junior Entrepreneur-prys gewen. Maar Lin\u00e9 het nie net \u2019n kop vir besigheid nie, sy is ook met \u2019n kunstalent gese\u00ebn. Di\u00e9 kombinasie van talente het haar in 2008 vir twee kursusse laat inskryf: \u2019n kursus in ontwerp aan die Stellenbosch Akademie vir Ontwerp en Fotografie, sowel as \u2019n kursus aan die Besigheidskool van die Universiteit van Stellenbosch.<\/p>\n
Boonop het sy as student as \u2019n bladuitlegkunstenaar by \u2019n plaaslike koerant gewerk en was \u2019n illustreerder by \u2019n ontwerp-ateljee. Die ABSA-geldprys en winste uit haar koffiewinkel het sy in aandele bel\u00ea en ook later \u2019n eiendom gekoop.<\/p>\n
N\u00e1 sy haar B.A.-graad in toegepaste ontwerp (cum laude) en \u2019n diploma in besigheidsbestuur verwerf het, het sy die beleggings verkoop en in 2009 haar eie ontwerp-ateljee, Life is Awesome, begin. Op 28 is sy die trotse eienaar van \u2019n gevestigde onderneming wat as een van die toonaangewende ontwerp- en drukker-ateljees in Kaapstad bestempel word.<\/p>\n
<\/p>\n
![\"#InspirerendeVroue\"](\"https:\/\/novanews.co.za\/rooirose\/wp-content\/uploads\/2016\/07\/MAYDitsem03RR-390x600.jpg\")
<\/p>\n
Rushana Charles moes haar rieme dun sny en haar selfs op kompetisies verlaat om genoeg geld te kry om haar droom van \u2019n swemskool in Mitchells Plain te verwesenlik. Sy het op haar leerlingswemmers in \u2019n gegoede deel van Kaapstad gewag toe dit tot haar deurdring dat daar nie so \u2019n geleentheid vir kinders in haar eie woonbuurt, Strandfontein langs Mitchells Plain, is nie.<\/p>\n
Sy het so by haar familie geneul dat haar ma later onderneem het om \u2019n swembad op haar erf te bou en die helfte van die geld voor te skiet. Rushana het \u2019n verband op haar en haar man se huis uitgeneem, maar steeds was daar nie genoeg geld vir haar droom nie.<\/p>\n
\u201cEk was so gefokus dat ek selfs later vir enige kompetisie ingeskryf het in die hoop om iets te wen.\u201d En daar gebeur dit wraggies in 2011! Sy het \u2019n bakkie gewen wat sy vir R80 000 verkoop het en die geld in haar onderneming gestoot.<\/p>\n
Haar toewyding het vrugte afgewerp, want binne drie jaar het haar swemskool, Little Mermaids, van 35 leerlinge tot 443 gegroei. Maar dryfkrag en geluk is nie al wat jy nodig het vir sukses nie. Rushana is een van 19 kandidate van Mitchells Plain en Khayelitsha wat die ontwikkelings-program van die Kleinsake-akademie (KSA) volg.<\/p>\n
Di\u00e9 inisiatief van die Universiteit van Stellenbosch se Bestuurskool is geskep sodat kleinsake-ondernemings in die townships volhoubaar bedryf kan word. Tussen twee kinders grootmaak en haar swemlesse deur het sy ook tyd gemaak vir die nege maande lange geborgde ontwikkelingsprogram.<\/p>\n
Sy moes lesings by die besigheidskool in Bellville bywoon en werksopdragte ingee. Sy het die kursus met lof geslaag. Nou is daar geen keer aan Rushana nie en sy hoop om aan die einde van die dekade die grootste watersentrum in Mitchells Plain te bedryf.<\/p>\n
<\/p>\n
![\"#InspirerendeVroue\"](\"https:\/\/novanews.co.za\/rooirose\/wp-content\/uploads\/2016\/07\/MAYDitsem02RR-400x600.jpg\")
<\/p>\n
Alma Grobler het vroeg een van die belangrikste besigheidslesse geleer: klante is die enjin van enige onderneming. Di\u00e9 waardevolle les het sy geleer toe sy op skool in haar vrye tyd in haar oom se klein kruidenierswinkel gewerk het.<\/p>\n
\u201cMy oom het my geleer dat jy kli\u00ebnte moet respekteer, en di\u00e9 beginsel pas ek vandag nog toe.\u201d<\/p>\n
Haar oog vir detail is \u2019n ander geheime wapen. Sy kan nou by \u2019n Wimpy instap en baie gou sien of daar aan standaarde voldoen word deur op klein dingetjies te let. \u201cEk kan ook ruik as hulle nie die braaiplaat behoorlik skoongemaak het nie,\u201d skerts sy.<\/p>\n
Alma het haar loopbaan as \u2019n mediese tegnoloog in Pretoria begin. N\u00e1 sy getroud is, het hulle verhuis en moes sy haar beroep tydelik staak. Sy het later weer as tegnoloog begin werk, maar \u2019n vriend het haar man oortuig dat dit \u2019n uitstekende belegging is om \u2019n Wimpy te koop – wat Alma sou bestuur.<\/p>\n
Dit was nie \u2019n maklike begin nie, want dit was \u2019n stryd om genoeg geld bymekaar te kry. Haar ouers het in 1999 ingestem om hul spaargeld in twee Wimpy-restaurante te bel\u00ea. Alma en haar man het die restaurante saam met vennote gekoop.<\/p>\n
\u201cEk was baie senuweeagtig, want ek was nogal onafhanklik en dit was moeilik om geld te vra.\u201d As ma van twee kinders moes sy bontstaan en ook later die dood van haar eggenoot verwerk. Maar vandag, op 52, is sy al 15 jaar aan die stuur van verskeie Wimpy-kettingrestaurante.<\/p>\n","protected":false},"excerpt":{"rendered":"
\u2019n Onderneming word selde oornag \u2019n sukses. Drie entrepreneurs vertel hoe hulle met toewyding en harde werk hul ondernemings gevestig het. Deur Anet Schoeman<\/p>\n","protected":false},"author":11,"featured_media":55301,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[677,662],"tags":[243,348,5478],"class_list":["post-55267","post","type-post","status-publish","format-standard","has-post-thumbnail","hentry","category-inspirasie","category-jou-lewe","tag-vroue","tag-inspirasie","tag-suksesstories"],"acf":[],"yoast_head":"\n