Verpes jy opmerkings oor wat mense se ouderdom hulle toelaat om te doen? Dinge soos:<\/p>\n
\u201cWil jy regtig Tafelberg gaan uitklim? Kan jy nie maar net daarna kyk nie?\u201d<\/p>\n
\u201cIs daardie skoentjies \/ broek nie \u2019n bietjie te jonk vir jou nie?\u201d<\/p>\n
\u201cNee wat, vergeet van sosiale media en digitale bemarking. Jy is te oud.\u201d<\/p>\n
Dan is jy nie alleen nie.<\/p>\n
Ouderdomstrots of ouderdomsywer is deesdae \u2019n groot neiging in veral Eerstew\u00eareldlande. Waar vorige geslagte tevrede was om n\u00e1 die hoogtepunte van volwassenheid te kwyn, s\u00ea die nuwe vyftigplussers nonsens daarmee.<\/p>\n
Van die jare sewentig tot die millennium het mense bo vyftig wel teen oudword begin skop maar die meeste was heel tevrede om net jonger te lyk, met hulpmiddels soos ontrimpeling en modieuse klere en grimering.<\/p>\n
Nie ons nie. Ons wil goed lyk \u00e9n ten volle l\u00e9\u00e9f ook. Ons wil soos Angela Vorobeva op byna 87 jaar Kilimandjaro uitklim; soos June Groenewald op 72 \u2019n restaurant begin; soos Via Strydom op tagtig \u2019n skootrekenaar koop en YouTube bemeester.<\/p>\n
Die American Association of Retired Persons (AARP), met 37 miljoen lede, het glads \u2019n slagspreuk: It is time to disrupt aging. Ons kan kies hoe ons wil leef. Ouderdom bepaal nie ons keuses nie, s\u00ea hulle. Ons is die baas van ons jare.<\/p>\n
Maar, vra mense, julle is tog nie meer wat julle was nie? Julle kan nie die aanslae van die ouderdom, soos diabetes, artritis, bloeddruk en cholesterol ontken nie?<\/p>\n
Dit is waar.<\/p>\n
As vorige geslagte ouderdomskwale as onafwendbaar aanvaar het, wil ons geslag dit bestuur. Die AARP s\u00ea ons geslag gaan dokter toe en s\u00ea: Dokter, dit is my gesondheidsituasie. Jy moet al my mankoliekigheid keer en omkeer. Ek wil nuwe knie\u00eb, \u2019n bril en pille vir die res h\u00ea.<\/p>\n
Ons is ook bereid om ons kant te bring \u2013 fisiek, verstandelik\u00a0en psigies.<\/p>\n
Aangesien dit nou \u2019n feit is dat selfs ou breine nuwe brein-paadjies (sinapse) kan bou, moet dit moontlik wees om jou toekomstige breinouderdom beter te bestuur.<\/p>\n
Die American Society for Aging het opnames in Amerika en Kanada gedoen en vasgestel dat 84% van mense bo vyftig elke dag doelbewus tyd maak vir aktiwiteite wat hul brein potensieel kan skerp hou, soos lees, sudoku, oefening, legkaart bou, kaart-speletjies en tyd saam met hul maat of vriende.<\/p>\n
Stap jy soggens by \u2019n gim in, sien jy soms meer afgetredenes as jonger mense. Op die landelike paaie van die Boland is gryskoppe en afgetrede paartjies op fietse volop. Die Comrades se syfers bevestig dat ouer mense deesdae fluks oefen. In 1980 was die gemiddelde ouderdom van deelnemers 34; dit is nou bo 40 vir vroue en bo 42 vir mans. Om die ouderdom op te trek moes heelwat meer mense van in die vyftig as vantevore deelgeneem het.<\/p>\n
Ons geslag is ook nie oppervlakkig nie. Ons wil \u2019n sinvolle\u00a0lewe lei. Ons is vasbeslote om op en wakker \u00e9n gelukkig te bly. En dit maak sin. Ons weet ons kans is goed om baie ouer as vorige geslagte te word. M\u00e9t alles wat dit impliseer.<\/p>\n
Volgens die Amerikaanse CDC vrees een uit elke drie van ons\u00a0verswaktheid. Die CDC se Healthy Brain Initiative wys dat 16%-25% van ons gaan sukkel met ligte kognitiewe aantasting s\u00f3nder demensie teen die tyd dat ons 65 is.<\/p>\n
Met so \u2019n vooruitsig is dit geen wonder nie dat ons vergeetagtigheid meer as siekte vrees \u2013 62% teenoor 29%. Wat is die sin van \u2019n lang lewe as dit nie \u2019n gesonde, intelligente een is nie?<\/p>\n
<\/p>\n
Beslis. En wag tot jy sien w\u00e1t.<\/p>\n
\u2019n Glasie wyn, \u2019n lekker storieboek, goeie geselskap en \u2019n paar kilogramme ekstra kan jou help beskerm.<\/p>\n
Daar is geen rede om die groot navorsingsondersoeke wat die afgelope dekade of twee in veral die VSA en Noorse lande gedoen is te wantrou nie maar resultate moet in die stadium versigtig ge\u00efnterpreteer word.\u00a0Byvoorbeeld: die uitslae vir depressie is onduidelik.<\/p>\n
Dit kan eerder met winter-depressie (SAD) verband hou, as met depressie weens druk, wat meer algemeen in ons land is. Depressie kan ook \u2019n voorteken van breinagteruit-gang wees, eerder as \u2019n oorsaak.<\/p>\n
Kyk die lysie van bevindings uit drie van die belangrikste ondersoeke deur en tik af wat op jou van toepassing is.<\/p>\n
Jou pad vorentoe is om eenvoudig meer van die dinge te doen wat jou help, medikasie en aanvullers te gebruik wat jou kan beskerm en die dinge wat sleg vir jou is te verminder.<\/p>\n
Die meeste goeie dinge is eintlik baie lekker.<\/p>\n
<\/p>\n