![\"\"](\"https:\/\/novanews.co.za\/rooirose\/wp-content\/uploads\/2016\/02\/1.jpg\")
<\/div>\nDie Gili Eilande is \u2019n besonderse gedeelte van Indonesi\u00eb. Totaal en al afgesonder van die res van die samelewing, maak hulle hul eie re\u00ebls. En dit w\u00e9rk. So word daar byvoorbeeld geen voertuie op enige van die eilande toegelaat nie. Met perdekarre en fietse kom en gaan elkeen waar hy wil wees.<\/p>\n
Die plaaslike mense lewe eenvoudig in hul mini-paradys. Indien iets benodig word wat nie op die eiland bekom kan word nie, neem hul eenvoudig die passasiersboot na Lombok. Die Gili\u2019s se tropiese waters, beeldskone strande en \u2019n verskeidenheid seelewe lok reisigers van regoor die w\u00eareld om in die spotgoedkoop strandhutte te kom vakansie hou, snorkel en skubaduik.<\/p>\n
Tydens \u00f3ns besoek benut ons eilandlewe ten volle! Ons huur twee ou fietse en ry om die hele Gili T in \u2019n oggend terwyl ons kort-kort stop vir \u2019n swem, geselsie of versnapering. Ons snorkel drie keer op \u2019n dag, gaan duik en stap lang ente op die strand. Die weer is fantasties, die water \u2019n glansende turkoois, die sonsondergange onbeskryflik. As die lewe maar elke dag so kon wees\u2026<\/p>\n
![\"\"](\"https:\/\/novanews.co.za\/rooirose\/wp-content\/uploads\/2016\/02\/4(1).jpg\")
<\/div>\n\u2019n Paar dae later verskuif ons na Gili Air: pa-ra-dys! Op hierdie eiland is tyd nie \u2019n kwessie nie. Dis asof almal teen \u2019n stadiger pas stap en met \u2019n rustiger stem praat. Hier word \u2019n snytjie roosterbrood \u2019n \u201cjaffle\u201d genoem. Mense word Mango of Gecko genoem, en wildvreemdelinge word as \u201cmy brother\u201d of \u201cmy sister\u201d aangespreek. Hier kan jy maar kaalvoet loop as jy wil, heeldag op die strand l\u00ea en enige uur van die dag kies om \u2019n middagslapie te neem. Niemand vra waarheen jy op pad is of wat op jou agenda is nie. Die mense hier is vriendelik, en glimlag van oor tot oor.<\/p>\n
Een middag stap ons verby \u2019n middeljarige man op \u2019n fiets. Hierdie karakter ry so stadig dat ons skoon verb\u00fd hom stap. Hy is omtrent \u2018n unieke skepsel met sy knoop-en-doop T-hemp, kopband en lang grys hare.<\/p>\n
Soos almal op die eiland groet hy vriendelik en ons raak aan die gesels. Hy deel met ons dat hy vir dertig jaar lank \u2019n Switserse bankier was voordat hy besluit het om al sy besittings te verkoop en vir hom \u2019n plekkie hier te kom oprig. Hy het in die tagtigerjare hier kom vakansie hou, en droom al sedert daardie tyd om \u2019n eenvoudiger lewe hier te kom lei.<\/p>\n
Hy wys vir ons die drie hutte waaraan hy die afgelope twee jaar bou. Een van die dae behoort hulle reg te wees vir uitverhuur. Dan deel hy \u2019n paar interessante stories oor die eiland en sy unieke bewoners.<\/p>\n
![\"\"](\"https:\/\/novanews.co.za\/rooirose\/wp-content\/uploads\/2016\/02\/6.jpg\")
<\/div>\nOp Gili Air, waar daar geen sprake van polisie is nie, moet die gemeenskap hul eie plannetjies beraam om reg te laat geskied.<\/p>\n
As \u2019n dief uitgevang word, hang die gemeenskap \u2019n bordjie om sy nek wat lui: \u201cEk is \u2019n dief.\u201d So \u2019n persoon moet dan vir \u2019n week lank om die eiland stap met die vernederende woorde om sy nek, sodat almal kan sien wie en wat hy is.<\/p>\n
Daar was ook \u2019n tydperk waar \u2019n skinderstorie die rondte gedoen het dat \u2019n bende van Lombok kinders ontvoer (nogal so ewe om hul organe te bekom). So raak \u2019n dogtertjie een middag weg, en die hele dorp is in rep en roer oor die verlore kind. Al die mans kom toe bymekaar en marsjeer al om die eiland met groot messe om sodoende die ontvoerders af te skrik.<\/p>\n
\u2019n Paar uur later kom die dogtertjie al gapend te voorskyn. Sy het in haar familiehuis op die badkamervloer aan die slaap geraak, en niemand het daaraan gedink om haar daar te soek nie!<\/p>\n
Ons groet, en stap verder met die bebosde paadjie. Ek haal diep asem, gooi my kop agteroor, maak my o\u00eb toe, en verbeel myself \u2019n eenvoudige lewe soos die. Hierdie week, wat vir my soos \u2019n droomborrel in die paradys voel, is \u2019n ander se werklikheid, se realiteit. Dis hul l\u00e9we.<\/p>\n
![\"\"](\"https:\/\/novanews.co.za\/rooirose\/wp-content\/uploads\/2015\/12\/311.jpg\")
<\/div>\nGedagtes van my eie lewe terug in die stad maak vir my op daardie oomblik so min sin. Daar waar die gemeenskap se dae gedryf word deur geld, mode, sukses en tegnologie. Waar elke dag \u2019n rotteresies is. Waarna jaag ons nou eintlik?<\/p>\n
Die vrae hardloop rond in my kop. Iewers tussen antwoorde soek, sien ek myself hier, reg hier. (Sonder \u2019n knoopkleur hemp \u2013 dis vir seker!) Maar miskien hier op Gili Air, eendag in die verre toekoms, met \u2019n ou fiets, my kamera en \u2019n strandhut of twee van my eie.<\/p>\n","protected":false},"excerpt":{"rendered":"
Trawangan, Air en Meno. Saam staan die drietjies bekend as die Gili Eilande. Hulle l\u00ea knus langs mekaar in Indonesi\u00eb, noordwes van Lombok. Dit neem drie ure met die spoedboot van Bali na die Gili\u2019s. Moenie dat die woord \u201cspoedboot\u201d […]<\/p>\n","protected":false},"author":4,"featured_media":43134,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[682],"tags":[818,819,625,817],"class_list":["post-5498","post","type-post","status-publish","format-standard","has-post-thumbnail","hentry","category-blogs","tag-gili-eilande","tag-indonesie","tag-elaine-coetzee","tag-gili-islands"],"acf":[],"yoast_head":"\n