\u2022 Sonskade dra die blaam vir tot 80% van die tekens van voortydige veroudering. Die skade is sigbaar in \u2019n oneweredige tekstuur, droogheid, fyn lyntjies en plooie en selfs verslapping van die vel. Voorkoming is eenvoudig: dra elke dag van jou lewe sonroom.<\/p>\n
\u2022 Onlangse studiebevindings toon aan dat stres \u2019n groot uitwerking op die toestand van die vel het. Dermatolo\u00eb skryf baie van hul pasi\u00ebnte se velprobleme aan stres toe.<\/p>\n
\u2022 Jou gene speel ook \u2019n rol. Kyk na hoe jou ouers verouder het. Dis sal jou \u2019n aanduiding gee van die soort probleem waarmee jy later gaan sukkel sodat jy betyds voorsorg kan tref. Die genetiese faktor is nie noodwendig problematies nie. Sommige van ons kan \u2019n goeie vel erf wat baie probleme kan uitskakel.<\/p>\n
\u2022 Ligte velle is meer geneig om sensitief en droog te wees wat tot voortydige lyne en plooie kan lei. Donkerder velle bevat meer melanien, die kleurpigment was as beskerming dien. Olieriger velle is ook geneig om stadiger te verouder.<\/p>\n
\u2022 Dis noodsaaklik om jou vel in elke ouderdomsfase genoeg te bevog. Danksy tegnologiese vooruitgang is daar nou produkte wat die hoeveelheid bevogtiging aanpas sodat elke deel van die gesig die regte hoeveelheid vog kry wat nodig is.<\/p>\n
\u2022 Jy kan dadelik sien wanneer iemand haar vel goed versorg. Dit gaan nie altyd oor die hoeveelheid plooie nie – helderheid en \u2019n gladde tekstuur is ook jeugdige eienskappe.<\/p>\n
<\/p>\n
Een van die vreugdes van jonkheid is dat \u2019n mens nooit kan dink dat jy oud sal word nie. Maar ongelukkig gebeur dit wel en as jy jou vel in jou jongdae nie goed versorg het nie, sal jy die tekens van veroudering vroe\u00ebr opmerk – die skade wat jou vel in jou jeug opgedoen het, wys gewoonlik eers tien jaar later.<\/p>\n
Niemand is lus vir \u2019n gekompliseerde skoonheidsroetine nie. Al wat nodig is, is \u2019n reiniger, opknapper en vogroom twee keer per dag. Opknappers is nood-saaklik omdat hulle die PH-balans van die vel herstel wanneer jy, soos baie ander tieners, met aknee sukkel. \u2019n Afskilfermiddel twee keer per week voorkom verstopte porie\u00eb en raak van dooie velselle ontslae sodat jou vogroom beter geabsorbeer kan word.<\/p>\n
Jong mense met olierige velle gebruik graag sterk produkte om van die olierigheid ontslae te raak, maar op die lang duur is produkte wat sensitiewer is, \u2019n beter keuse.<\/p>\n
<\/p>\n
Dit is die fase wanneer jy die eerste fyn lyntjies, plooie en donker skaduwees, gewoonlik om die o\u00eb, raaksien. Jou vel voel nie meer so vogtig soos vroe\u00ebr nie en lyk nie meer so helder en vars soos vantevore nie. Hormonale veranderinge in swangerskappe kan dieselfde skade aanrig. Antioksidante speel \u2019n belangrike rol om hierdie probleme te\u00eb te werk omdat dit die selle beskerm teen skade wat deur vrye radikale veroorsaak word. Faktore soos stres, hormone en omgewingsveranderinge dra almal daartoe by dat vrye radikale jou selle aanval.<\/p>\n
In hierdie fase van jou lewe moet jy \u2019n oogroom begin gebruik, asook \u2019n afskilfermiddel. Begin met \u2019n ligte jel- of roomformule vir die o\u00eb en tik dit liggies om die oogkas aan, nie te na aan die wimpers nie, anders kan jou o\u00eb dalk pofferig raak. Tik met jou ringvinger klein kolletjies van die room om die oog. Namate jy ouer word, neem jou selle langer om hulself te vernuwe en dro\u00eb velselle kan makliker \u2019n verskyning maak en die vel glansloos laat lyk. \u2019n Goeie afskilfermiddel twee keer per week raak nie net van die droogheid ontslae nie, maar gee jou sirkulasie \u2019n hupstootjie wat jou vel varser laat lyk. Die plekke wat die maklikste tekens van veroudering wys, is die nek, borsgedeelte en hande – maak seker jy wend hier ook daagliks sonroom aan.<\/p>\n
<\/p>\n
Die algemeenste velprobleem in ons land is hiperpigmentasie wat donker vlekke, kolle en \u2019n oneweredige tekstuur insluit. Daar is heelwat sterk, aktiewe bestanddele in sommige produkreekse wat baie kan help om met di\u00e9 probleme klaar te speel. Wees op die uitkyk na AHA (alfahidroksiesure) en retinol-ekstrakte. Maar dit is nie \u2019n oplossing wat oornag resultate sal lewer nie. Met gereelde gebruik is die resultate binne 8\u201312 weke sigbaar. Die enigste voorkoming is om soveel moontlik uit die son te bly en altyd \u2019n goeie sonroom te gebruik. Afskilfering kan help om van die dooie velselle ontslae te raak sodat die melanien weer eweredig kan versprei.<\/p>\n
<\/p>\n
Namate jy ouer word, word die probleme moeiliker om te behandel. Ons estrogeenvlakke neem af, wat beteken dat die vel elastisiteit verloor, minder vloeistof behou en maklik dof lyk. Die meeste teenverouderingsrome bevat \u2019n kombinasie van bestanddele wat die drie grootste kwellings takel. Eerstens moet die kollageen- en elastienvesels versterk word. Hulle verskaf \u2019n ondersteuningsnetwerk en laat die vel fermer lyk. Rome verskaf vog wat die vel opplomp, gladder maak en helderder laat lyk.<\/p>\n
Met ouderdom word die oneweredigheid erger en omdat lyne, plooie en vlekke nie soveel lig weerkaats nie, lyk die vel dof. Dit word noodsaakliker om produkte te gebruik wat die buitenste laag van die vel gladder maak, asook produkte wat ligweerkaatsende deeltjies bevat. Minerale soos sink, koper en magnesium in die formules help om die helderheid te verbeter.<\/p>\n
Serums gee die vel \u2019n hupstootjie in tye wanneer ekstra sorg nodig is. Gesigmaskers sorg vir intensiewe voeding en kan gebruik word wanneer dit nodig is. Afskilferings is belangrik omdat hulle van die dofheid ontslae raak en selvernuwing aanwakker.<\/p>\n
<\/p>\n