![\"Wit-grimering\"](\"https:\/\/novanews.co.za\/rooirose\/wp-content\/uploads\/2016\/07\/Wit-grimering-453x600.jpg\")
<\/p>\nMoenie wag tot dit te laat is voor jy begin aandag gee aan die spoortjies wat die tyd op jou vel gelaat het nie. Sorg van jongs af vir jou vel om voortydige veroudering te voorkom. Jou velkleur en -soort het \u2019n groot invloed op die proses. As jy \u2019n ligte, sensitiewe vel het, sal plooie waarskynlik vroe\u00ebr sigbaar wees as by iemand met \u2019n olyfkleurige, olierige vel.<\/p>\n
Dit is baie belangrik om te weet wat jou velsoort en -toestand is. Dit bepaal die keuse van jou velprodukte. As jy onseker oor jou velsoort is, gaan vra hulp by \u2019n raadgewer in die skoonheidsafdeling van een van die groot winkels. Jy kan ook by \u2019n skoonheidsterapeut gaan aanklop.<\/p>\n
Volgens dermatolo\u00eb is chronologiese ouderdom nie meer die bepalende faktor in velprobleme nie. Altesame negentig persent van veroudering vind plaas vanwe\u00eb ons leefstyl! Hou gouer jy leer om jou vel op te pas, hoe beter.<\/p>\n
<\/p>\n
Loop jy vir lang tydperke deur onder die son se giftige strale? Rook jy? Drink jy dalk effens te veel? Di\u00e9 faktore, asook oorerflike faktore, soos hoe jou ouers verouder het, speel \u2019n groot rol in hoe jou vel sal lyk as jy ouer word.<\/p>\n
Jy kan nie jou velsoort verander nie, maar jy het tog beheer oor die toestand van jou vel. Die toestand van jou vel verander deurentyd namate jy ouer word. Vroue se holderstebolder hormoonskommelings – puberteit, swangerskap en menopouse – het \u2019n groot uitwerking op hul velle. Spanning is nog \u2019n groot sondaar, en kan jou gesig vaal laat lyk of selfs volwasse aknee veroorsaak.<\/p>\n
<\/p>\n
\u2019n Glansende vel is enige vrou se droom. Wanneer jy jonk is, lyk dit behoorlik of jy straal. Die rede is dat selhernuwing in di\u00e9 stadium elke twee weke plaasvind. Selhernuwing laat die kollageen in jou vel uitswel en dit sorg vir die pragtige, vars, jong voorkoms. Namate jy ouer word (en dit begin reeds in jou twintigerjare) vind selhernuwing al hoe stadiger plaas. In jou dertiger- en veertigerjare gebeur dit net elke veertig dae.<\/p>\n
Maar daar is maniere om in enige fase van jou lewe \u2019n glansende gelaat te verkry en te behou. Ons wys aan die hand van die verskillende velsoorte hoe jy op enige ouderdom weer met \u2019n stralende gesig kan spog.<\/p>\n
<\/p>\n
Jy is dalk nie baie lief vir jou olierige vel nie, maar wees dankbaar: \u2019n olierige vel verouder stadiger as ander velsoorte.<\/p>\n
Daar is twee soorte olierige velle. Die een word deur die onstuimige hormone van jou tienerjare veroorsaak. In di\u00e9 fase sukkel jy gewoonlik met puisies, maar ontspan – dit verbeter as jy ouer word. Die ander soort, die gewone olierige vel, kom meestal by olyf- en donkerder velkleure voor.<\/p>\n
Albei die soorte velle moet versigtig hanteer word. As jy jou olierige vel hardhandig hanteer, of produkte gebruik wat te sterk is, sal dit die sebumkliere stimuleer om nog net meer olie te vervaardig. Oormatige olievervaardiging veroorsaak dat dooie vel jou porie\u00eb verstop en swartkoppies ontwikkel. Dit kan tot vergrote porie\u00eb en puisies lei.<\/p>\n
Hou jou vel skoon as jy \u2019n olierige vel het. Gebruik produkte wat sagkens werk om die olie-afskeiding te balanseer, die dooie vel te verwyder en terselfdertyd jou vel beskerm.<\/p>\n
<\/p>\n
Aknee onder volwassenes is meer problematies. Jou vel is geneig om dro\u00ebr te wees as jy ouer is en reeds lyntjies en plooitjies het. Baie van die \u201ctienerprodukte\u201d droog jou vel net verder uit. Maar moenie bekommerd wees nie, die skoonheidshuise maak vir alles voorsiening!<\/p>\n
<\/p>\n
Wees bedag op gesigbehandelings wat die vel stimuleer en jou gesig net nog olieriger sal maak.<\/p>\n
Jou terapeut behoort eers die behoeftes van jou vel te bepaal voor sy vir jou \u2019n plan van aksie vir tuissorg kan uitwerk, want dis nie \u2019n probleem wat oornag opgelos kan word nie.<\/p>\n
<\/p>\n
Aknee is \u2019n tienerkwaal: jy moet daardeur om \u2019n beeldskone twintiger te word. Maar deesdae is aknee skynbaar ook \u2019n probleem van die middeljare. Talle vroue in hul veertigerjare sit skielik met \u2019n regte tienervel met aknee – \u2019n pynlike puisie gedurig iewers of sommer net \u2019n onegalige vel. Waar kom dit vandaan?<\/p>\n
Een verklaring is die intense hormoonskommelings wat jy in jou veertigerjare beleef, net soos in jou tienerjare. Dr. Nicolas Perricone, spesialis op jeugdige veroudering, het \u2019n baie interessante verklaring: Hy s\u00ea jou aknee begin by \u2019n ho\u00ebr cholesterolvlak, en veral ho\u00ebr, slegte LDL-cholesterol. Soos jy ouer word, word jou cholesterolvlakke outomaties ho\u00ebr. \u2019n Dieet hoog in onversadigde vette en \u2019n gebrek aan oefening laat dit nog meer toeneem.<\/p>\n
LDL-cholesterol speel \u2019n groot rol in die ontwikkeling van laegraadse inflammasie in jou hele liggaam. Dis waarom jou risiko op hartsiektes en beroerte styg. Maar daar is ook \u2019n verband met jou vel: Aknee is \u2019n siekte van sistemiese inflammasie wat veral deur stres en hormoonskomme-lings gesneller word.<\/p>\n
Dus: Aknee in jou later jare is die gevolg van die interaksie tussen jou veranderende hormoonprofiel (jy \u201cverloor\u201d jou estrogeen, wat tevore jou cholesterolvlakke help laag hou het), stres en jou LDL-cholesterol, wat baie sterk bepaal word deur die hoeveelheid ongesonde vette (soos diere-vette in rooi vleis en harde vet soos margarien) in jou dieet, \u2019n gebrek aan oefening, \u2019n tekort aan antioksidante om inflammasie te\u00eb te werk (soos vitamien C en E en reverasterol in druifpitekstrak) en die hoeveelheid vet om jou middel.<\/p>\n
Jou aknee sal verbeter as jy:<\/p>\n
\u2022 antioksidante neem en meer groen, heuningbos- of rooibostee drink l jou stres en gewig beter bestuur deur elke dag veertig minute lank te oefen,
\n\u2022 die regte dieet volg, genoeg slaap, daagliks diep ontspan, geestelike vrede kweek deur gebed of meditasie en werksbevrediging of \u2019n doelvervulde lewe lei.<\/p>\n
<\/p>\n
![\"Wit](\"https:\/\/novanews.co.za\/rooirose\/wp-content\/uploads\/2016\/07\/Rr0806pg070_Ed_Page_1_Image_0003-277x600.jpg\")
<\/p>\n
Normale of kombinasievel wat die eerste tekens van veroudering toon: Die eerste fyn lyntjies om jou o\u00eb begin reeds in jou twintigerjare hul verskyning maak. In di\u00e9 fase is \u2019n goeie velsorgroetine baie belangrik om vroe\u00eb veroudering te\u00eb te werk. Reinig jou vel twee keer per dag en wend room in die oggend en saans aan. Dis nou tyd om ook \u2019n oogroom te begin gebruik. Jy kry verskeie oogrome: vir sakkerigheid, donker kringe en fyn plooitjies. Kies die een wat by jou vel se behoefte pas.<\/p>\n
\u2019n Sonskerm is natuurlik ewe belangrik. Die gereelde gebruik van produkte met \u2019n sonbeskermingsfaktor (SBF) is die grootste guns wat jy jouself kan bewys. Onthou dat die son een van die grootste sondaars is as dit by veroudering kom. Gebruik produkte met \u2019n ho\u00eb SBF op jou gesig, maar wend dit ook op jou nek en bors en die agterkant van die hande aan – dis di\u00e9 dele wat eerste jou ouderdom verklap. Rome wat geskik is vir \u2019n vroe\u00eb stadium van veroudering behoort groot hoeveelhede antioksidante te bevat wat die vrye radikale wat deur die son, stres en besoedeling veroorsaak word, te\u00eb te werk.<\/p>\n
As jy eers in jou dertigerjare is, word plooitjies meer sigbaar omdat jou kollageen en elastien afgebreek word.<\/p>\n
In di\u00e9 fase het jy produkte nodig wat selhernuwing aanhelp. Bevogtig jou vel goed – dit help om fyn lyntjies te laat uitdy. \u2019n Ligte afskilfering sal glans verleen. Begin ook \u2019n spesiale teenverouderingsnagroom gebruik.<\/p>\n
<\/p>\n
Sensitiewe velle het vroe\u00ebr hoofsaaklik voorgekom onder mense met ligte velle en blonde of rooi hare, maar velsensitiwiteit het \u2019n probleem geword wat al hoe meer mense begin raak, en deesdae moet dit eerder as \u2019n veltoestand as \u2019n velsoort gesien word. Die hoofoorsaak van sensitiwiteit is spanning, besoedeling en die son. Behandel \u2019n sensitiewe vel met produkte wat sagkens werk en die vel sal beskerm, bevog en kalmeer.<\/p>\n
<\/p>\n
\u2022 Onegalige velkleur <\/strong><\/p>\n As \u2019n mens kyk na al die produkte wat onlangs vir \u2019n onegalige velkleur bekend gestel is, is dit duidelik dat dit \u2019n groot probleem is. \u2019n Onegalige vel kan by enige velkleur voorkom, maar ons sien dit meestal by donkerder velle. \u2019n Onegalige velkleur en \u2019n growwe tekstuur word veroorsaak deur \u2019n vel wat te veel melanien vervaardig. Blootstelling aan sekere elemente, soos die son, en selfs voorbehoedpille stimuleer die proses. Dit kan ouderdomsvlekke, vergrote porie\u00eb en selfs \u2019n gelerige kleur veroorsaak. Gebruik \u2019n room wat afskilferende alfa- en betahidroksiedsure (AHA) soos glikol- en salisielsuur bevat. Probeer ook gerus \u2019n tuisafskilfering. Dit is buitendien goed vir teenveroudering. Gebruik altyd \u2019n sonskerm as jy \u2019n tuisafskilfering gedoen het omdat sommige van di\u00e9 produkte jou vel meer sonsensitief kan maak.<\/p>\n \u2022 Diep lyne, plooie en vel wat hang<\/strong><\/p>\n Dit is nie regtig so \u2019n groot probleem soos wat dit lyk nie! Gelukkig is daar \u2019n magdom produkte en behandelings beskikbaar wat die toestand kan te\u00ebwerk. Kollageenvesels hou jou vel ferm, maar namate jy ouer word, rek die vesels en jou vel begin hang. As die probleem baie groot is, is \u201cdie mes\u201d die enigste oplossing, maar vir minder ernstige toestande is daar heelwat produkte wat die illusie van \u2019n fermer gesigvorm skep. Hierdie produkte bevat bestanddele wat kollageengroei aanmoedig en die afbreek van die vesels vertraag.<\/p>\n","protected":false},"excerpt":{"rendered":" Is dit regtig moontlik om die tyd te vries sodat ons velle altyd jonk en pragtig kan lyk? Ons het ondersoek ingestel en die toekoms lyk belowend. Deur Elaine Nixon-Campbell en Salome Delport. Foto\u2019s deur Micky Hoyle<\/p>\n","protected":false},"author":8,"featured_media":54490,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[3467,666],"tags":[6,124,744,1068,1389,3587,5093,5094,5335,5336,5337],"class_list":["post-54485","post","type-post","status-publish","format-standard","has-post-thumbnail","hentry","category-velsorg-skoonheid","category-skoonheid","tag-skoonheid","tag-velsorg","tag-salon","tag-plooie","tag-beauty","tag-aknee","tag-teenveroudering","tag-anti-ageing","tag-verouderingsfaktore","tag-volwasse-aknee","tag-velprobleme"],"acf":[],"yoast_head":"\n