Xylitol is die versoeter wat meestal\u00a0in suikervrye kougom gebruik\u00a0word. Tandartse w\u00eareldwyd is\u00a0gaande daaroor omdat dit teen\u00a0tandbederf help.\u00a0Maar die jongste is dat xylitol\u00a0ook teen oorinfeksies kan\u00a0help. \u2019n Splinternuwe ondersoek deur die\u00a0Universiteit van Toronto wys dit verminder die\u00a0voorkoms van oorinfeksies met tot 25% – goeie\u00a0nuus noudat die verkoueseisoen aanbreek.<\/p>\n
Ses uit elke tien kinders kry voor hul eerste\u00a0verjaardag oorinfeksie en teen ses het byna alle\u00a0kinders al oorinfeksie gehad \u2013 pynlike infeksies wat\u00a0met sterk antibiotika soos penisillien behandel moet\u00a0word.\u00a0Jy kan die gebruik van onnodige antibiotika systap \u2013 of ten\u00a0minste soms systap – as jou kind kougom met xylitol teen 10 g –\u00a012 g per dag kan kou sodra \u2019n verkoue begin kop uitsteek.<\/p>\n
Vermoedelik help die kou-aksie die buise van Eustachius oophou\u00a0sodat die oorvog kan dreineer. Xylitol is ook antibakterieel en keer\u00a0bakteri\u00eble groei, soos \u2019n antibiotika.\u00a0Laat jou kind in elk geval xylitol-kougom kou, want dit keer\u00a0tandbederf met sowat 30%. Soveel ondersoeke bevestig dit dat die\u00a0Amerikaanse Tandheelkundevereniging in \u2019n verklaring aanbeveel\u00a0dat ons kougom en suiglekkers met die versoeters xylitol, sorbitol\u00a0en mannitol gebruik.<\/p>\n
Jy \u2013 en jou kinders \u2013 moet steeds tande borsel en tandarts toe\u00a0gaan, maar \u2019n kougom n\u00e1 ete by die werk of n\u00e1 skoolkos is \u2019n goeie\u00a0opsie wanneer jy nie kan tande borsel nie.\u00a0Xylitol keer nie net tandbederf nie. Dit keer dit ook om, soos talle\u00a0ondersoeke wys, waaronder \u2019n Japanse een waar tandemalje onder\u00a0die elektronmikroskoop bekyk is. Dit help deur tandminerale soos\u00a0kalsium terug in jou tandemalje te sit.<\/p>\n
Die beste nuus omtrent xylitol is dat die tandversterkende effek\u00a0jare lank hou. So wys opvolgondersoeke dat mense drie en selfs vyf\u00a0jaar na \u2019n tyd van xylitol-gebruik steeds minder tandbederf het as\u00a0mense wat nie xylitol gebruik het nie.<\/p>\n
\u2022 Gebruik dit op lang termyn <\/strong><\/p>\n Xylitol werk nie dadelik nie\u00a0maar ondersoeke wys dat mense wat xylitol gebruik n\u00e1 sowat\u00a0drie jaar baie minder gaatjies in hul tande het as mense wat\u00a0dit nie gebruik nie.<\/p>\n \u2022 Gebuik \u2019n kougom met net xylitol <\/strong><\/p>\n Die ander\u00a0suikeralkoholversoeters word wel deur jou mondbakterie\u00eb as\u00a0energiebron gebruik. Hulle lei dus tot die vorming van sure\u00a0en plaak en uiteindelike tandbederf, hoewel baie minder as\u00a0wat ander kosse vorm.<\/p>\n \u2022 Is dit suurvry? <\/strong><\/p>\n Kyk na die bestanddeellys van die kougom.\u00a0Bly weg van kougom met sure (acid) daarin, wat dikwels vir\u00a0die smaak bygevoeg word. Die sure beskadig jou tandemalje\u00a0en kanselleer die xylitol-voordele.<\/p>\n