BEELD 15 Maart 2016 – Ano Niemand het alleen gesterf. Die polisie op Stilfontein het die veelkleurige glasdeur van haar huis Vrydag oopgebreek. Haar liggaam was in \u2019n gevorderde stadium van ontbinding. Sy is vermoedelik reeds twee jaar gelede oorlede.<\/p>\n
Niemand se buurvrou, Gesiena Smuts, s\u00ea sy het die Polisie verskeie kere gebel omdat sy bekommerd geraak het nadat sy Niemand vir maande nie gesien het nie.<\/p>\n
\u201cHulle het \u2019n\u00a0paar keer aan die deur gaan klop, maar niemand het oopgemaak nie.\u201d<\/p>\n
Smuts s\u00ea haar buurvrou was afsydig en het haarself eenkant gehou. Haar huis was bekend as die re\u00ebnbooghuis van die dorp omdat sy al die ruite met verskillende kleure ondeursigtige glas vervang het.<\/p>\n
\u201cSy het altyd haar tuin netjies gehou. Toe die tuin oorgroei begin raak het, het ons gedink sy is dalk siek. Ek het gaan aanklop, maar sy het nie oopgemaak nie. Toe s\u00ea my man ek moet die vrou uitlos. Sy wil alleen wees. Maar dit het my gepla dat haar ligte nie meer saans brand nie.\u201d<\/p>\n
Volgens haar het Niemand \u2019n\u00a0bos wilde rooi hare gehad en net kaftans gedra. Sy het alleen in die re\u00ebnbooghuis in Endstraat gewoon en nooit besoekers ontvang nie.<\/p>\n
\u201cGemorspos het later by die hek begin opgaar en ek het dit gereeld gaan optel en weggegooi. Sy het nie eintlik ander pos gekry nie. Net briewe van die stadsraad en twee keer \u2019n\u00a0jaar \u2019n\u00a0koevert. So het Bets by die Poskantoor ons vertel. \u201d<\/p>\n
Die stadsraad het verskeie aanmanings oor Niemand se agterstallige erfbelasting uitgereik en haar water was reeds \u2019n\u00a0geruime tyd afgesny.<\/p>\n
“Dit is tragies dat sy so alleen gesterf het,” s\u00ea Stilfontein se polisiehoof, luitenant Bokkie Willemse.<\/p>\n
\u201cSy het soos \u2019n\u00a0kluisenaar geleef. Mens kon nie deur haar vensters sien nie. Saans het sy al die ligte aangesit en dan het haar huis soos \u2019n\u00a0re\u00ebnboog in Endstraat gelyk. Ek het dit altyd ironies gevind.\u201d<\/p>\n
Geen misdaad word vermoed nie. Niemand is waarskynlik in haar slaap oorlede. Haar mediese rekord by \u2019n\u00a0plaaslike dokter toon sy het aan hartversaking gely.<\/p>\n
Smuts s\u00ea bure is nie ontsteld oor dit die polisie so lank geneem het om Niemand se huis oop te breek nie.<\/p>\n
\u201cAl wat ons eintlik gepla het, was die oorgroeide tuin. Dit het rotte gelok. En ek het haar ligte saans gemis. Maar mens voel nou so jammer vir die arme mens. Niemand verdien om so alleen te sterf nie,\u201d s\u00ea sy.<\/p>\n
Die vrou het glo al vir jare nie met bure gepraat nie.<\/p>\n
\u201cSy het dit so verkies en ons het haar uitgelos. My man het ges\u00ea ek moenie by die vrou se lewe betrokke raak nie want netnou is sy \u2019n\u00a0heks of \u2019n\u00a0ding. Sy was maar eienaardig.\u201d<\/p>\n
Niemand het tien jaar gelede op die aftreedorp Stilfontein ingetrek. Sy was \u2019n\u00a0afgetrede musiekonderwyseres van Johannesburg. Ongetroud en niemand het haar ooit besoek nie.<\/p>\n
Smuts s\u00ea Niemand het bure aan die begin hoflik gegroet.<\/p>\n
\u201cMaar nadat sy \u2019n\u00a0paar jaar gelede \u2019n\u00a0rusie met die Viljoens aan haar ander kant gehad het toe hulle hond haar kat doodgebyt het, het sy nie een van ons weer gegroet nie. Sy het een keer per maand winkel toe en poskantoor toe gegaan. Ander tye het ons haar net in haar tuin gesien.\u201d<\/p>\n
Smuts s\u00ea Niemand het baie van lees gehou want sy het gereeld boeke en tydskrifte deur die pos of per koerier ontvang.<\/p>\n
\u201cBokse vol van die goed het elke maand hier aangekom.\u201d<\/p>\n
Sy s\u00ea iets wat baie eienaardig was, is dat Niemand in al die tyd wat sy in die huis gewoon het, nie een keer \u2019n\u00a0vullissak uitgesit het nie.<\/p>\n
\u201cEk weet nie wat sy met al die vullis gemaak het nie.\u201d<\/p>\n
Luitenant Willemse s\u00ea die polisie het nooit voorheen \u2019n\u00a0wettige rede gehad om Niemand se huis oop te breek nie.<\/p>\n
“Ons het wel \u2019n\u00a0verslag opgestel toe die tuin verwaarloos geraak het en haar pos opgehoop het. Die koerier-maatskappy wat maandeliks haar boeke gebring het, het ook by ons kom aanmeld dat sy nie meer haar deur oopmaak nie.”<\/p>\n
Hy s\u00ea daar was nie tekens by Niemand se huis dat sy in gevaar was nie. Als was stil en toegesluit.<\/p>\n
Bure het later aangeneem Niemand het na \u2019n\u00a0familielid of ouetehuis getrek.<\/p>\n
Bets Viljoen van die poskantoor het die vrou se briewe in \u2019n\u00a0laai gehou.<\/p>\n
\u201cDit het nooit opgehou kom nie. Daar was geen adres agterop waarheen ek dit kon terugstuur nie en dit is teen die Poskantoor-re\u00ebls om dit oop te skeur. Na hulle haar liggaam ontdek het, het ek die koeverte oopgemaak. Sy het in Maart \u2019n\u00a0verjaarsdagkaartjie ontvang en in Desember \u2019n\u00a0Kersfeeskaartjie. Beide van die kunsskool in Johannesburg waar sy skoolgehou het. Haar verjaarsdagkaartjie het juis \u2019n\u00a0week voor die ontdekking gekom. Is dit nie vreeslik nie? Ek het die mense maar laat weet die vrou is nou dood.\u201d<\/p>\n
Luitenant Willemse s\u00ea Niemand se huis was binne soos \u2019n\u00a0tydkapsule.<\/p>\n
\u201cOns kon nie eens in die slaapkamers ingaan nie. Dit was van vloer tot plafon vol rommel. Oral in die gang en in die sitkamer was hope ou tydskrifte, boeke en koerante opgestapel tot teen die dak.\u201d<\/p>\n
Hy s\u00ea een van die tydskrifte waarop Niemand ingeteken was, het uiteindelik stappe geneem wat tot die ontdekking van haar liggaam gelei het.<\/p>\n
\u201cHulle kies een keer per jaar \u2019n\u00a0gelukkige wenner uit hulle oud lesers en daardie leser wen dan \u2019n\u00a0bos blomme en \u2019n\u00a0inteken-koepon vir die volgende jaar. Ano Niemand was vanjaar se wenner.\u201d<\/p>\n
Die tydskrif het \u2019n\u00a0koerier gestuur om die blomme aan Niemand te oorhandig omdat sy vir soveel jaar op die tydskrif ingeteken was.<\/p>\n
Luitenant Willemse s\u00ea die koerier wou die blomme by die bure laat, maar nadat Smuts hom vertel het van Niemand se \u2018verdwyning\u2019 het hy die tydskrif gebel.<\/p>\n
\u201cToe ek weer sien, kom hier \u2019n\u00a0joernalis en fotograaf aan met \u2019n\u00a0brief van die polisie se hoofkantoor.\u201d<\/p>\n
Hy s\u00ea hy was eintlik verlig toe hy uiteindelik gedwing is om die deur oop te breek.<\/p>\n
\u201cDie re\u00ebnbooghuis in Endstraat het lankal by my gespook. Ek het gevoel iets is fout daar.\u201d<\/p>\n
Die joernalis en fotograaf was by toe die huis oopgebreek is.<\/p>\n
\u201cHulle het rondgesnuffel en foto\u2019s geneem. Toe hulle sien die vrou het elke enkele uitgawe van hulle tydskrif gehou sedert dit dertig jaar gelede die eerste keer verskyn het, was hulle opgewonde. Ek het nogal gedink dit is hartseer dat ou Ano juis di\u00e9 tydskrif so opgegaar het. Carpe Diem, is die tydskrif se naam. Het jy geweet dit beteken gryp die dag?\u201d<\/p>\n","protected":false},"excerpt":{"rendered":"
Splinters, hoofstuk 15 … ALLEEN.<\/p>\n","protected":false},"author":8,"featured_media":54174,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[43452],"tags":[373,1344,4119],"class_list":["post-54170","post","type-post","status-publish","format-standard","has-post-thumbnail","hentry","category-lees","tag-martie-swanepoel","tag-splinters","tag-vervolgverhaal"],"acf":[],"yoast_head":"\n