Ons dink vitamien D is net nodig om been te\u00a0bou en onderskat al sy ander take, soos om\u00a0kankerselle af te skakel en jou immuunselle aan\u00a0te skakel. Nuwe navorsing bevestig juis dat\u00a0mense met ho\u00eb vitamien D-vlakke ook minder\u00a0bors-, kolon-, ovari\u00eble, pankreas- en nierkanker\u00a0het. Vitamien D aktiveer jou makrofage – groot\u00a0immuniteitselle wat kieme in jou bloed opslurp\u00a0en vernietig. Dit is dalk die rede waarom jy\u00a0beter voel as jy \u2019n bietjie in die son sit wanneer\u00a0jy met \u2019n allergie sukkel.<\/p>\n
Vir diabete is \u2019n goeie vitamien D-status net sulke\u00a0goeie nuus. Dit maak jou pankreas sensitiewer vir\u00a0insulien sodat jy minder vatbaar vir diabetes is.\u00a0Kry jy \u2019n lekker ontspanne gevoel rondom jou hart n\u00e1 \u2019n rukkie\u00a0in die son? Dit is nie net jou verbeelding nie. Vitamien D meng in\u00a0met die meganismes wat jou bloeddruk opstoot. Dit kan dus jou\u00a0bloeddruk \u00e9n jou kans op hartsiektes verlaag. Nog \u2019n splinternuwe\u00a0teorie is dat vitamien D kan help om spiersiektes te voorkom, en\u00a0dalk later as terapie gebruik kan word.<\/p>\n
<\/p>\n
Ons weet hoeveel vitamien D nodig is vir sterk bene en gesonde\u00a0tande. Maar het ons baie meer nodig voordat di\u00e9 vitamien ons teen\u00a0kankers, diabetes, spiersiektes, ho\u00eb bloeddruk en hartkwale sal\u00a0beskerm? Die Amerikaanse Endokriene Vereniging s\u00ea ons onderskat\u00a0waarskynlik ons vitamien D-behoefte.<\/p>\n
Elke land maak sy eie aanbevelings, s\u00ea \u2019n Johannesburgse\u00a0dieetkundige, Cheryl Meyer. \u201cIn lande met min son is aanvulling\u00a0waarskynlik nodig, terwyl die meeste mense in sonnige lande soos\u00a0ons s\u2019n oorgenoeg vitamien D\u00a0net uit kos en sonblootstelling\u00a0kry.\u201d<\/p>\n
Die toonaangewende Westerse\u00a0gesondheidsowerhede s\u00ea\u00a0gesonde mense benodig 50\u00a0mikrogram per dag (2000 IU).\u00a0Mense bo vyftig (of sewentig in\u00a0party lande) het 25-30% m\u00e9\u00e9r\u00a0vitamien D nodig.\u00a0\u201cMeer vitamien D kan goed\u00a0wees vir mense met spesifieke\u00a0kwale of risiko\u2019s, maar ons weet\u00a0nog nie hoeveel nodig en veilig\u00a0is nie en daarom maak ons nog\u00a0nie aanbevelings nie.\u201d<\/p>\n
En as jy vitamien D as \u2019n\u00a0voorkomende taktiek wil gebruik?\u00a0Die Amerikaners beveel\u00a0\u2019n bloedvlak van 75nmol\/l aan,\u00a0terwyl ander dit opstoot na 90-100 nmol\/l. Maar te veel is ook nie goed nie, want jou liggaam skei\u00a0nie die oormaat uit nie.<\/p>\n
Hoe maak jy seker jy doen dit reg? Cheryl\u00a0s\u00ea voor jy begin met vitamien D-aanvulling moet jy jou bloedvlak\u00a0by \u2019n gewone patologielaboratorium laat toets. Vermy dit as jou\u00a0bloedvlak reeds abnormaal hoog is.<\/p>\n
<\/p>\n
Kry die son nog kans om vitamien D in ons vel te maak? Ons dra\u00a0immers sonskerms en sonwerende klere, bly in die koelte en werk\u00a0heeldag binnenshuis. Kansa s\u00ea \u2019n vitamien D-tekort is skaars onder\u00a0Suid-Afrikaners. Ons hoef nie daarvoor ekstra tyd in die son te\u00a0bestee nie. Dit sal net ons baie werklike velkankerrisiko verhoog.<\/p>\n
Ons en Australi\u00eb het die hoogste voorkoms van velkanker ter\u00a0w\u00eareld. Amerikaanse navorsing oor die effek van sonskermmiddels\u00a0op vitamien D-status wys sonrome be\u00efnvloed dit glad nie. Maar as jy\u00a0soos baie bejaardes altyd binne bly, daal jou vitamien D-vlakke wel.<\/p>\n
Cheryl stem saam. \u201cEk sien dit soms onder menopousale vroue\u00a0en bejaardes. Hulle het bepaalde tekens soos osteoporose, al kry\u00a0hulle genoeg kalsium. Die meeste van ons kry oorgenoeg son om\u00a0vitamien D te maak. Jy het net altesame vyftien minute son per\u00a0dag op jou vel nodig.\u201d<\/p>\n
<\/p>\n
Vitamien D kom in twee vorms voor: Die plantvorm\u00a0(D2 of ergokalsiferol, soos in sampioene)\u00a0en die diervorm (D3 of cholekalsiferol).<\/p>\n
<\/p>\n
\u2022 Watter\u00a0een is die beste?<\/strong><\/p>\n Ondanks klein verskille s\u00ea die Amerikaanse\u00a0Endokriene Vereniging ons liggame neem\u00a0albei ewe goed op. Dit maak dus nie saak nie.\u00a0Terloops, D3-pille word gemaak met lanolien\u00a0(die vet op skaapwol) of visolie; D2 word\u00a0meestal vervaardig deur sampioene met UVBlig\u00a0te behandel. As jy dink jy moet joune aanvul,\u00a0vra \u2019n dieetkundige om jou bloedvlakke te laat\u00a0toets en jou dieet daarvolgens aan te pas. Ons dieet\u00a0kan die meeste van ons van oorgenoeg D2 en D3\u00a0voorsien, en kos is baie lekkerder as pille.<\/p>\n","protected":false},"excerpt":{"rendered":" Nuwe inligting oor vitamien D het navorsers aan die gons en die Noordelike Halfrond skoon jaloers op ons lieflike sonskyn wat hierdie vitamien in oorvloed in ons vel maak. Dit blyk dat die sonvitamien ons kan help teen van allergie\u00eb tot diabetes en ho\u00eb bloeddruk. Deur Salom\u00e9 Delport.<\/p>\n","protected":false},"author":11,"featured_media":54398,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[2949,667],"tags":[2849,3912,5093,5097,5212,5213],"class_list":["post-54048","post","type-post","status-publish","format-standard","has-post-thumbnail","hentry","category-leef-gesond","category-gesondheid","tag-son","tag-vitamien-d","tag-teenveroudering","tag-anti-aging","tag-sonbeskerming","tag-sonlig"],"acf":[],"yoast_head":"\n