{"id":5376,"date":"2013-09-09T08:49:00","date_gmt":"2013-09-09T06:49:00","guid":{"rendered":"http:\/\/rooirose.dvlp.site\/hoop-vir-vroue\/"},"modified":"2016-02-02T13:54:03","modified_gmt":"2016-02-02T11:54:03","slug":"hoop-vir-vroue","status":"publish","type":"post","link":"https:\/\/novanews.co.za\/rooirose\/hoop-vir-vroue\/","title":{"rendered":"Hoop vir vroue"},"content":{"rendered":"

Uit onlangse studies in die Verenigde Koninkryk (Januarie 2013) en Amerika (National Cancer Institute 2010) het dit geblyk dat vroue wat \u2019n ho\u00eb risiko op borskanker het, bestaande medikasie soos Tamoxifen en Evista ook voorkomend kan gebruik. Die behandeling duur vyf jaar en behoort vroue daarna vir twintig jaar te beskerm.<\/p>\n

Dit is nie nuwe medikasie nie. Tamoxifen word al sedert 1990 vir vroue met bors-kanker gegee om te keer dat die kanker terugkeer, of om verspreiding te keer. Evista (Raloxifene) word al lank gebruik om post- menopousale vroue met osteoporose te behandel en beendigtheid te verbeter.<\/p>\n

Wat is dit?<\/strong><\/span><\/p>\n

Tamoxifen word al jare lank tweeledig gebruik. Eerstens om die moontlikheid dat borskanker kan terugkeer te verlaag. Tweedens word dit gebruik om die groei van borskanker, wat reeds na ander dele in die liggaam versprei het, te vertraag en die persoon se lewe te verleng. Dit is spesifiek vir borskankers wat positief vir estrogeen getoets het.<\/p>\n

Hoe werk dit? Tamoxifen word soms in die volksmond \u201ckankerpille\u201d genoem, maar dit is nie \u2019n vorm van chemoterapie nie.<\/p>\n

Dis \u2019n mensgemaakte hormoon wat soos \u2019n anti-hormoon op sekere weefsel (soos borsweefsel) reageer. Daar is verskeie snellers vir borskanker, maar estrogeen is die grootste een. Tamoxifen kan die werking van estrogeen in hierdie kankers blokkeer. As borskanker by jou gediagnoseer word, word die verwyderde kankerweefsel in \u2019n laboratorium getoets vir \u2019n prote\u00efen wat estrogeen-reseptore genoem word.<\/p>\n

Daar word ook getoets vir progesteroon-reseptore. As dit positief toets vir hierdie twee reseptore, kan Tamoxifen die reseptore blokkeer en keer dat die estrogeen en progesteroon aan die weefsel kan bind en dus keer dat die gewas groei.<\/p>\n

Vir wie is dit geskik?<\/span><\/strong><\/p>\n

Alle medikasie het newe-effekte en dit is net goedgekeur vir vroue wat \u2019n ho\u00eb risiko op borskanker het.<\/p>\n

Omdat dit net die reseptore vir estrogeen in borsweefsel blokkeer, kan dit vir vroue van enige ouderdom gegee word, want dit raak nie die werking van estrogeen (soos vrugbaarheid) in ander weefsel nie.<\/p>\n

Maar jy mag nie swanger word terwyl jy Tamoxifen neem nie en moet twee maande wag n\u00e1 jy die behandeling gestaak het, want dit kan skadelik vir die fetus wees. Gedurende die vyf jaar van die behandeling kan jy ook nie hormonale geboortebeperking gebruik nie.<\/p>\n

Wat verhoog jou risiko op borskanker?<\/span><\/strong><\/p>\n