\u201cOe, indrukwekkend!\u201d s\u00ea ek geamuseerd.<\/p>\n
Nie een van ons het op daardie stadium die vaagste benul wat \u2019n oreum is nie, maar ons vind wel later uit dat dit \u2019n vulkaniese sone is wat wat gekenmerk word deur \u2019n groterige heuwel. Jeju is oortrek met oreums.<\/p>\n
![\"\"](\"https:\/\/novanews.co.za\/rooirose\/wp-content\/uploads\/2016\/02\/Hareubang(1).jpg\")
<\/div>\nElke paar kilometer gedurende die busrit gewaar ons ook eienaardige standbeelde van mannetjies met sampioenvormige koppe langs die pad. Na \u2019n rukkie se soek, lees ons iets raak daaroor: \u201cDie hareubang, eie aan Jeju, is jare gelede uit vulkaniese klip gekap en langs ingange geplaas as \u2019n simbool vir beskerming en vrugbaarheid.\u201d<\/p>\n
Vir die soveelste keer is ek dankbaar vir \u2019n reisgids. As mens in \u2019n land rondtoer waar bitter min mense Engels kan praat, is jou inligtingsbronne beperk tot \u2019n toeristekaart, Rough Guide<\/em> of Lonely Planet<\/em>. Dink nou net watter raaisel hierdie mannetjies sou gewees het sonder ons wondergidse.<\/p>\n Keer op keer vind ek dit fassinerend om te sien hoe gedeeltes van \u2019n land so geweldig van mekaar kan verskil. Hoe elke streek, provinsie of eiland sy eie spesialiteite, plaaslike disse, fabels en natuurlike wonders oplewer.<\/p>\n Jeju het onmiskenbare Koreaanse trekke, maar is tog op \u2019n manier heeltemal anders!<\/p>\n \u2019n Plattelandse atmosfeer en asemrowende natuurskoon is wat di\u00e9 eiland so besonders maak.<\/p>\n Daar is nartjieboorde en tradisionele klipmure om landerye van mekaar te skei. Daar is ou dorpies waar inwoners nog in grasdakhuisies woon, en hul geld verdien deur plaaslike frambooswyn aan toeriste te verkoop. Kuslangs is die water \u2019n helder turkoois, sommige strande spog selfs met \u2019n palmboom of twee, en vakansiehuisies is vrolik getooi in dakkies van oranje en blou.<\/p>\n Dit is hoe Korea moes gelyk het voor die tyd van tegnologie en wolkekrabbers, dink ek by myself. Voordat die land so oorbevolk begin raak het. Die tyd voor die meeste Koreane begin stede toe trek het om vir reuse soos Samsung en LG te gaan werk.<\/p>\n \u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0 Jeongbang waterval<\/em><\/p>\n Vir die volgende paar dae word ons telkens verras deur Jeju se geheime. Ons besoek Jeongbang – \u2019n waterval wat in die see uitstort – en Oedolgae, die \u201ceensame rots\u201d, wat kiertsregop in die oseaan uittoring.<\/p>\n Ons besoek ook die Yakcheonsa\u2013tempel, wat ons asems geheel en al wegslaan. \u2019n Vriendelike monnik neem aan dat ons vlot Koreaans kan praat, en babbel voort terwyl hy ons op \u2019n toer neem deur die indrukwekkende vier-verdieping Buddhistiese tempel. Die hoofingangsportaal spog met vuurspuwende drake en rustende goue buddhas – onder \u2019n plafon bedek met skelpienk lotusblomme.<\/p>\n Die Yakcheonsa\u2013tempel<\/em><\/p>\n Uitgevat in ons stapskoene en dik lae sonbrandroom, durf ons ook Hallasanberg aan \u2013 die hoogste punt in Korea. Die roete wat ons gekies het lewer asembenewende uitsigte van ho\u00eb klowe en woude wat verder strek as wat die oog kan sien. Ons het dit so ampertjies tot bo gemaak!<\/p>\n Die vorige middag het ons die Ilchulbon geklim – \u2019n kroonvormige berg gevorm deur opgehoopte vulkaniese as van meer as vyf duisend jaar gelede. Die steil trappies na die bo-punt was absoluut die moeite werd. Die pragtige uitsig oor die onderliggende dorpie, Seongsan, vorm met sonsondergang \u2019n merkwaardige prentjie!<\/p>\n Met ons laaste dag op die eiland besoek ons die Manjanggul-grot: \u2019n lang, ondergrondse tonnel van bykans nege kilometer waar daar eens kokende lava gevloei het. Skrikwekkend!<\/p>\n Die volgende oggend, na ons reeds die eiland verlaat het, ontvang ek \u2019n boodskappie van die gastehuiseienaar. Ons aandenkingsgeskenkies (nartjie-en kaktusgegeurde sjokolade) het daar agtergebly. Hy vra of hy dit vir ons moet b\u00eare.<\/p>\n \u201cGeniet jy en jou gesin dit maar,\u201d stuur ek terug. Ek sal weer koop as ek terugkeer later die jaar.<\/p>\n","protected":false},"excerpt":{"rendered":" Dis nie moeilik om te begryp waarom Jeju-eiland (plaaslik bekend as Jeju-do) die Suid-Koreane se trots \u00e9n hul gunsteling vakansiebestemming is nie. \u2019n Onlangse besoek aan die vulkaniese eiland suid van die Koreaanse peninsula, het my aangenaam verras. Met my […]<\/p>\n","protected":false},"author":4,"featured_media":43942,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[682],"tags":[625,735],"class_list":["post-5300","post","type-post","status-publish","format-standard","has-post-thumbnail","hentry","category-blogs","tag-elaine-coetzee","tag-jeju"],"acf":[],"yoast_head":"\n![\"\"](\"https:\/\/novanews.co.za\/rooirose\/wp-content\/uploads\/2015\/12\/Yakcheonsa-tempel.jpg\")
<\/div>\n