{"id":52739,"date":"2016-07-11T12:12:21","date_gmt":"2016-07-11T10:12:21","guid":{"rendered":"http:\/\/novanews.co.za\/rooirose\/?p=52739"},"modified":"2017-07-13T13:01:32","modified_gmt":"2017-07-13T11:01:32","slug":"op-die-silwerskerm-sandra-prinsloo","status":"publish","type":"post","link":"https:\/\/novanews.co.za\/rooirose\/op-die-silwerskerm-sandra-prinsloo\/","title":{"rendered":"Op die silwerskerm: Sandra Prinsloo"},"content":{"rendered":"

Jy noem dat die teks vir\u00a0Twee Grade van Moord\u00a0<\/em>fantasties is. Watter aspek van die teks het jou aangetrek?<\/strong><\/p>\n

Dis selde dat mens \u2019n teks kry waarin die twee hoofkarakters nie jonk is nie maar \u2019n liefdesverhouding het wat spontaan, wild en gelukkig is. Die karakters is ook volrond en opwindend om te speel en die hele emosionele reis wat meeste van die karakters afl\u00ea, is fassinerend. Ek het ook gehou van die morele vrae wat die teks vra.<\/p>\n

 <\/p>\n

Aleksa is \u2019n baie omvattende karakter. Hoe het jy vir die rol voorberei?<\/strong><\/p>\n

Ek het maande v\u00f3\u00f3r die fliek geskiet is, heelwat gesprekke met Anita le Roux gevoer en gaandeweg \u2019n karakter in my kop begin skep. Die emosionaliteit rondom genadedood was gelukkig iets wat ek al in diepte saam met Marius (Weyers) ondersoek het terwyl ons aan die toneelstuk, “Vir Ewig en Altyd ” gewerk het. Ons het ook \u2019n week se repetisies saam met Gerrit Schoonhoven, die regisseur, gehad voor ons begin skiet het. Dit was besonder waardevol in terme van verhoudings ophou met die ander karakters.<\/p>\n

 <\/p>\n

Is daar enige ooreenstemmings tussen jou en Aleksa?<\/strong><\/p>\n

Nie wat ek van bewus is nie!<\/p>\n

 <\/p>\n

In die fliek het jou karakter \u2019n uitgesproke boek oor liefde geskryf. Wat is jou siening oor die liefde?<\/strong><\/p>\n

Ek dink ek is die laaste mens op aarde wat enige opinies oor die liefde het. Dit bly vir my \u2019n raaisel maar ek weet dat dit \u2019n wonderlike en magiese ding tussen twee mense kan wees.<\/p>\n

 <\/p>\n

As deel van die plot onderneem Aleksa om deel van \u2019n dokument\u00eare realiteitsreeks te wees. Sal jy as Sandra ooit vir so iets instem?<\/strong><\/p>\n

Tot \u2019n mate is \u2019n mens se lewe as aktrise in elk geval deel van \u2019n dokument\u00eare realiteitsreeks …<\/p>\n

 <\/p>\n

Jou re\u00fcnie met Marius Weyers is langverwag in die Afrikaanse filmbedryf. Hoe het jy dit ervaar om weer saam met hom op die silwerskerm te verskyn?<\/strong><\/p>\n

Dis sover en altyd die maklikste vraag om te beantwoord: HEERLIK!<\/p>\n

 <\/p>\n

Wat, dink jy, maak\u00a0Twee Grade van Moord\u00a0<\/em>\u2019n uitskieter in die Afrikaanse filmbedryf?<\/strong><\/p>\n

Dis \u2019n kwaliteitproduk wat \u2019n moeilike onderwerp op \u2019n heel oorspronklike en opwindende manier aanpak. Daar is s\u00f3 baie hart in di\u00e9 fliek en Marius is absoluut wonderlik! Daar is ook die briljante spel van jong spelers. Boonop gaan niemand onaangeraak uit die teater stap nie.<\/p>\n

 <\/p>\n

Kan ons verwag om jou in enige toekomstige produksies te sien?<\/strong><\/p>\n

Ek is tot vervelens toe op die verhoog! Ons open binnekort by Innibos Kunstefees met Pa, maak vir my \u2019n Vlie\u00ebr, Pa<\/em>. Daar is ook \u2019n nuwe eenvrouvertoning op die kaarte en ook nog \u2019n vollengte film en verskeie produksies volgende jaar …<\/p>\n

 <\/p>\n

Kyk na die agter-die-skerms video van Sandra op die stel van Twee Grade van Moord<\/em><\/h4>\n